الــ(hiccup) وعلاقته بالــ( general anaesthesia or sedation)/الجزء الثاني
هالبارت مهم جداً.. ولطيف جداً/ وهو مكمّل لـلــ(hiccup) وعلاقته بالــ( general anaesthesia or sedation)
مثل ماذكرت, أنو الفواق (حميد"أقل من 48 ساعة" & مرضي "من 48 ساعة- لشهر" ), بالمرضي ممكن بحالات ما, أنو يتحوّل لفواق مستعصي(أكثر من شهر واحد) , على الرغم من ندرة هالشي لكن يصير ونسبته (54 حالة لكل 100.000).
الفواق المستعصي هنا حيأثر على النوم بشكل جدي ويمنعه, يتسبب بفقدان الشهية وقلة تناول الطعام/ سوء التغذية, جفاف, إرهاق, إكتئاب, يسوّي تعب عضلي, لعضلات الجهاز التنفسي, كذلك حيتسبب بإلتهاب رئوي تنفسي.. وممكن تنتهي بالموت.. أي الموت.
تخيلوا أنو بالرغم من هالمضاعفات الي ممكن يديد شخص ما بسببها, هالمضاعفات القاتلة المحتملة, فالمسببات الي تسوي نوبات الفواق المستعصية مامعروفة.. و لا أكو علاج نهائي إلها.
زين العلم شجاي يسوي؟ معقولة؟
اللغز الي حيّر الباحثين بالمجال الطبي و بالرغم من توالي عقود من الزمن, هالعقود الي صارت بيها طفرات أقل ماتوصف "بالمعاجز", ماكدرت تثبط هالفضول لمعرفة السبب, وخلتهم قبالة هالهندسة الفائقة الدهشة للجسم البشري, بالتالي وبعد تفكيك وتركيب وصفنات وحيرة.. كالوا أنو أوك, ماجاي نعرف السبب أو العلاج.. لكن نكدر نسوي كم خطوة تساعد المرضى ولو مو بشكل قطعي أو لمدة معروفة.. لكنها ناجعة.
هالخطوة تتمثل بإعتراض الإشارة العصبية الجاية من الدماغ بالعصب الوارد.. ويُسمى هالشي بالــ(nerve block) أي "الإحصار العصبي".
شنو هو النيرف بلوك؟
هو تطبيق فيزيائي أو كيميائي أو جراحي يتم عالعصب المستهدف, غايته أنو يعطل نقل الإشارة بالعصب الوارد, من خلال إعتراض طريقها, وهالشي يصير إما بحقن أدوية طبية ومواد مخدرة, أو عن طريق التبريد أو التسخين, أو التخريب المتعمد للعصب أو يتم إستئصال العصب و إتلافه.
الغاية الوحيدة من هالشي هي إيقاف الألم المزمن و الي يكون بحدة لا تُحتمل.
زين بأي مكان بالجسم حيخلي الجرّاح هالسيطرة و يلزم الألم ويلجمه؟
أكو مكانين رئيسيين:
1- منطقة فوق الجافية (الإيبيدورال-Epidural): الي هي تكون داخل التجويف المحيط بالنخاع الشوكي وجذور العصب.
هاي وين؟
الإيبيدورال سبيس هذا حيز تشريحي بالعمود الفقري, صاير بالجزء الخارجي من القناة النخاعية فوق "الأم الجافية"
شنو بي هالسبيس؟
بي أوعية لمفية, وجذور الأعصاب النخاعية, ونسيج ضام رخو, ونسيج ضام دهني وشرايين صغيرة وشبكة من الضفائر الوريدية الفقرية الغائرة.
(شنو دور كل وحدة من ذني؟ هذا ممكن أشرحه بغير موضوع لأن سالفته طويلة).
2- منطقة العقدة النجمية (stellate ganglion).. وهذي وحدة من العقدة الرقبية (cervicothoracic ganglion): الي هي تكون عبارة عن تجمّع خلايا عصبية ودّية (Sympathetic).. هذي العقدة موجودة أسفل الرقبة.
(أكو شرح كثير ويحتاج موضوع منفصل.. الي يهمنا بالبلوك نيرف المتعلق بالفواق أنو نعرف ذني بس)
هسة ورا هالمقدمة التشريحية الصغيرة, ندخل بموضوعنا "الفواق المستعصي"
أكو حالة صارت بمستشفى جورو.. بالعاصمة سول (seoul).. بكوريا الجنوبية, لأمرأة تعاني من نوبات الفواق المستعصية, إلي صار أنو الفريق الطبي قرر يسوي بلوك نيرف من منطقة الإيبيدورال-فوق الجافية, لعنق الرحم.
سووا قسطرة بالمنطقة بين الفقرات الــ(T1 و T2) وكان إتجاهها للأعلى بإتجاه الرأس لمستوى الفقرات (C5 و C3)
تأكدوا من أنو القسطرة بمكانها الصحيح عن طريق التصوير الشعاعي المتباين, بعدها تم حقنها بــبولص/ دوز أول, (6) مل بتركيز روبيفاكائين (0.25)%.. هذا أنجكشن, كدفعة أولى.. وخلال ساعة يتم دفع (4) مل عن طريق الكاثيتر.. الإنفيوزر هنا بي (75)% روبيفاكائين.. وموضّح تركيب هالخمسة وسبعين إنها (45 مل روبيفاكائين, و230 مل نورمل سلاين). هنا توقفت نوبة الهايكبس وما رجعت لمدة (48) ساعة.. بهالنقطة تم إزالة الكاثيتر.
الفريق الطبي شخص أنو الكومبليت ريمشن ريت جان (60.71)% بعد أول سيرفكل إيبيدورل بلوك.. تم تكرار وضع الكاثيتر للمرة الثانية وتكرر التريتمنت.. بهالمرة الثانية جان الريمشن ريت (92.86)%.. بالمرة الثالثة صار 100%.
الآثار الجانبية هنا كانت دوخة فقط, وخفّت وما تم الإبلاغ عن أي هارمفل سايد إيفيكت.
بعد هالنتيجة المذهلة طلعوا بشيء: أنو إحصار عصب عنق الرحم فوق الجافية المستمر/ يعني بإتجاه (C5 و C3), هو إفيكتف تريتمنت للإنتراكتبل هايكبس- للفواق المستعصي.
الفواق الحاد الي يصير أثناء التخدير, بإمكانه أنو يأثر على سير الجراحة بالكامل وحيتداخل وية اللنك فنتليشن (lung ventilation)-تهوية الرئة, ويعيق الإجراءات التشخيصية كذلك.. بالتالي فالآثار السلبية هي حصّة المريض هنا, ومن الضروري جداً أنو يتم السيطرة عالهيكبس وقمعه بسرعة.
لذلك قد يميل الجرّاح مع ستاف التخدير بتطبيق إحصار العصب بمنطقة فوق الجافية بمساعدة الالتراساوند
(after the ineffectiveness co2 repeated inhalation and intravenous administration of chlorpromazine and methoxychlorpromide)/ يعني بعدما ينعطى للبيشنت عن طريق الإستنشاق المتكرر غاز ثنائي أوكسيد الكربون غير الفعال و إعطاء الكلوربرومازين(هذا شغله تثبيط مستقبلات الدوبامين بالدماغ), و الميثوكسي كلوربروميد ذول ينعطون إنجكشن وريدي.
الــ(SGB)- النيرف بلوك بالعقدة النجمية, كذلك يتم تطبيقه بالتوازي مع الإبيدورال وهو بنفس الكفاءة, بالإضافة لتطبيقها بطب العيون وأمراض الأنف و الأذن و الحنجرة أو أمراض الوجه حتى. مادامها شغالة على الأبر limp.
إنتهى..
رد مع اقتباس
المشاركة الأصلية كتبت بواسطة ПộR
