عطشت لشوفتك كل ذيج الايام
عطشت لشوفتك كل ذيج الاياممن يوم لمشيت لساعتك هاي
مثل ابنادم ومخلوق عطشان
كبل لا الله يخلق بالارض ماي
امس حنيتلك وي وكت الغروب
بكثر ماوكت ربك شاد وياي
يبس ريك الدرب ما الله يهديك؟
واشوف بجيتك لهفة نهر جاي
على دربك ودربي محير الاجدام
شلون امشي اذا عد كل جدم راي؟
عمر صفناتي اطول من عمر نوح
وعلى نبرة ونيني يدمع الناي
وصلت الحال جانو بيه يحلمون
وصرت صاحب فضل انته على اعداي
تفوت الناس مني ومايسلمون
وخاطر لا افز يمشون بهداي
تعال امتحن جفني بطيفك وشوف
كبل لاتحجي عيني يجاوب اغطاي
وتعال امتحن دربك باليمرون
على كلبه حفظ خطوات ممشاي
غشيم وحسبت ماتكدر تعيش
واكول يجوز راح يموت بجفاي
جابولي الصور لا ايست حيل
اشوفك عل هجر مستعدل اهواي
رد مع اقتباس
