احضنّي حت لو كاره اضلوعي .
احضنّي حت لو كاره اضلوعي .. التضم گلبي اليعذبك
احضني خل تحچيلك اچفوفي اعلة البروحي شيحبك۔۔!
لوعت گلبك وفرفحته اعلة عشگي.. ابيش اطلبك؟
لوعيتك ، چي عرفتك تنتظرني
شما انطيتك مگفة وجهي
تصير يدة جنطة مصلوب اعلة ظهري۔۔!
چيف متنطّر اضلوعك ... تصح قمصان اعلة صدري
چيف متنطّر انام .. والگة شعرك ليل حدري
شمّة ..
بس شمّة رگبتك
بيها ازتّ احمول دهري
انته لو تدري اليعورن بالگلب ياهنّة
بس خلّك متدري
چنت من افتح جناحي
تسير اعلية هوة تخليني اطيرن..
انتة لو ما عينك وچفك علية
وداعتك ما چنت اصيرن
چنت احير من ارد اشوفك
شلبس وشنهو اليعجبك
ياحبيّب
حرت چي ما گمت احيرن
صعبة ذاك الجان مرسوم اعلة فص اعيونك .. يصبّح امغرب
صعبة اشوف احروفك ابعيدة .. وحرف غيرك ايگرّب
واني مثل عيوني منتچية اعلة طيفك
كون اطلعك من يباس ارياج گلبي .. واترس الدنيا بخريفك
.
.
فرح حسن
رد مع اقتباس
