الليله وحدي
الليله ادگ بيبان حزني
لاگلب يضحك ولا روح التعتني
الليله وحدي
اغفى وحدي
اعبر شطوط الليالي عيون وحدي
اوگف بكل باب رازونة تعب وانشال وحدي
كلمن يلم شوگه من عمري ويسافر
والعيون الرخصت گبالي رهينه
ما امره بطيف باچر
كلهه ضمتلي غمگه ونه گيش وي الشفايف
كلمن ايلم عذره من جدمي عله شوفه
ما اريدا گاع چذبه وحيلي عاثر
ما اريدا بين روجات الدغش ينباگ شاعر
وحدي من انباع وحدي
وحدي اشيلن حچي سدري وعبر هدوم التغثني
وحدي اموتا ماريدا ضوه ليله ايبات يمي
الليله قمصاني نستني
الليله حيطان التعب كلش بچتني
الليله ادگ بيبان حزني.
صفاء ثابت
رد مع اقتباس