يلاهي مسودنه البيبان وعيون الهلا هندس

يلاهي دروبنه يمشط زلفهه تراب

مامرهه جدم عنبر

لافيّه دغش بچفوفه الصفصاف

يلاهي الشيب لليبرد وحيد الحاف !

فرينه الضماير مالگينه اوگود من يرجف عذر بينه

وتعنينه المطر صوبين

مخنوگه الشبابيچ عله رف الموت

ردينه عطش والطين سابگنه

ضلينه حطب مشمور لا من جنح يندهنه

او لانرهم نموت ردود

نندهه ياوجه وشموع بينه ايعود

لاضلت گصص يفزع نداهه غيوم

لاضلت گلوب اتمد سچچ دمهه لون شمت رمش ملچوم

مبيوعه الستاير حد نريف الخوف

ومچتوفه البيارغ والعرف مصلوب

نترجه بوجه مالچمته مرايه

او لاجاسه وجه دخان

نترجه بحلم يعبر روازينه ويشب قداح

ويصفگ بين جفنين التعب بجناح

ونكزبر مراسيل وفرح حنه

ونصوغ آلحجول شموس
ونتمدد ضحك بالكوس

يلاهي من التعب شلنه

بهلبت فوگ يم غيمك نشر همنه

يهلبت تترس المامش

يهلبت ينطفي البينه

احنه الغاد من كل ديره مشتولين

احنه الفرفحينه شطوط ماچن بينه وشلة طين

احنه المالهم خطوه بدرابين الفرح تنشال

مشتولين لاطارش ضوه لاسگية مروه

احنه المادرينه بياكتر ضعنه

يلاهي الحزن شارب كل جناسينه

چايمتى الفرح يندب اسامينه









منقول