AL-Rikabi
ا سمي كما اعتقد رحبتم به عراقي الجنسية مسلم الديانة بكالوريوس/ قانون شهادتي مادفعني للانضمام الى المنتدى للتعرف على الدرر العراقية التي غابت عني في ازمات الحياة ومنها الذي يستهويني الشعر الشعبي واحببت اشارك بشئ من الكلمات التي لها عندي ذا معنى خاص لاضعها على طاولت النقد البناء من ذوي الاختصاص ولي بها مئارب اخرى عذرا لوجود بعض الاقتباس من خلال السؤال انتظر ارائكم
سؤال ......... وجواب
....... عباس .......
طشرنه الوكت مو چنه ملمومين
ياهو اللي حسدنه وصابنه بعينه
لا أذينه احد لا حسدنه الناس
راضين بحكمنه برغم مابينه
صعب صار الملاگه وشوف الاحباب
يادنيه عليج الله دلمينه !
... رد ...
لانلوم الوكت لاالناس تحسدنة
واقع حال ..... كبرت عوائلنة
مسكنكم بالكلب شما بعد مبعدنة
ونشالله .. الدنية بفراحهه تلمنة
...... عباس .....
موشغلت حسد والناس تحسدنه
طشرنه الوكت ياهو الذي ايلمنه
اهلنه اعزاز وغله امنل النفس عدنه
واتمنه الزمن يرجع نعيش ابيت هم كلنه
... رد ....
هذا الوكت
هو الوكت
غيرة ما عدنة
نفس الوكت
ما بيه شي احنه الذي تغيرنة
اعزاز راحت ذيج اهلنه
اهل طيب ومحنة
امي بفضل الله تحت اقدامهة الجنة
بنص الهول تكعد وداير مايدورهة احنة
تصب العشه النه وعوائنة
ورغم التعب بيه تدور وتتفكد بتنه وابنة
امي البيت
امي الدنيه
امي هواي تحملت من اجلنة
علي اخونة
علي جبير البيت وابونة
دوم شايل مشاكنة ويهم بينة
علي البيت
علي الدنيه
علي سمعتنه واسمنة
خلف ابو الغيره والشهامة اخونة
وبكل ثكلنه نطيح عليه لايصيح ولا يأذينة
اعزاز راحت يعباس ذيج اهنة
وبينه تركت جروح تنزف ومحد يداوينة
بدينه نلملم هاي الجروح ولا نشمت عدونة
وبخت هاي الناس نبقى ملتمين ويلمنة
وبيت ال معارج والنعم اسمنه
وبيت ال معارج هو الذي يلمنة
... هادي ابو علي .....
رد مع اقتباس
