لاتمسـح دموعـي شعندكـ ويآهنـ
لاتمسـح دموعـي شعندكـ ويآهنـ
لاتمسح دموعي شعندك وياهن
سولف غيرهن ذني افتهمناهن
على هذا الخذاك احجيلي يفهم بيك
وستوعب عيونك عرف معناهن
شلته بينهن والجان بيهن طاح
ذبيته الكبل بعيونه خلاهن
جا من شلته منهن ماحسبت يموت
ذاك الكالك ماعيش لولاهن
البداك اعلى روحه بلحظه تغدر بي
البداك اعلى روحه سنينه بداهن
المهم ....؟!!
سولفلي عن هذا الجديد شلون
من يشرب عيونك يسكر وياهن
تهجى حروف خدك واللغه البشفاك
لو صعبن عليه وماكدر يقراهن
على صدرك حضنته وسلمت وياه
تبدن بين ادي والشعر غطاهن
يخجل مثلي لو كلش تماده وياك
الماسويتهن وياك سواهن
سترت الذكريات بخانه النسيان
خوما فرعن ونجاب طرواهن
خاف يشم عطر من عندي ع القمصان
شد عيونهن وغسل خطاياهن
ماعاتب بعد شيفيد بيك عتاب
المافادن كبل هسه اترجاهن
ترى هنه الوفى والصدك هم صعبات
يكدرهن ردي وغدار حاشاهن
لاتسئل شموعي شلون اخذها اليل
مو مسئله ليل فراك طفاهن
السنابل هيج من فاركهن الفلاح
طيح روسهن وتراب خلاهن
ولا تحسدني هنه البقن بس ضحكات
باجر ينتهن وتموت ذكراهم
مرات الطيور يغنن من الضيم
فك باب القفص دمعات تلكاهن
عن ياهن احجيلك قسوتك فركاك
بياهن ابتدي وختملك بياهن
ماتذكر ابابك من وكفت شلون
اسولف والجدام اتعارك وياهن
وشفت جفوفك الوحن بالله وياك
هيج بهسهوله وكلبك انطاهن
ماتن كل صورك بيدي من رديت
وانا وصفنتي صورك رثيناهن
انا وجفني ادمنى الدمع والليل
عشره عمر ومن الصعب ننساهن
شرجعلك مواعيد الورود تموت
اذا شافن قطار الندى تعداهن
ارجع والسنين وعمري المصلوب
وجروحك بركبه من خطاياهن
كتلك كلشي اتحدى القصور تطيح
وقصور المشاعر ماتحداهن
انت بلا وعي وهدمت بيه قصور
وانا بلا وعي وهدمتك وياهن
صرت بلا وعي وهدمتك وياهن
رد مع اقتباس
