توقعات الابراج اليوم الإثنين 23-3-2020ابراج الأثنين 23 مارس 2020
#الحمل
مهنياً:القمر بالحوت حاول لا تفرض أرائك وافكارك يوم اجتماعي وعلاقات كتيرة وناس حاول تنتبه شوي..
لا تستعجل وتحسم امورك يوم بطيء لان هاشي عم يخليك بحالة من ضياع وتوتر ومو ناقصك مشاكل والي فيك مكفيك بلاخص اليوم في قصص عم تزعجك او عم تعاني من تأجيل حاول تناقش بهدوء وبدبلوماسية وخليك واضح لان عم تنفهم غلط مشان لا توقع بمشاكل واستفزاز بشغلك او مع المحيطين فيك ..
عاطفياً:ماعم يكمل معك شي وبتحس انو لا شريك ولا غيرو عم يقدر الوضع .. لا تتسرع لانو يومك متعب رغم جاذبيتك وحضورك الملفت لنظر.. الاحداث متقلبة وحاول لاتاخد الامور بجدية وطنش شوي ع الوضع.. انت مو متحمل شي هاليوم ودائماً خلي خط لرجعة...
صحياً:نتبه من الارهاق والخمول وتعب وقلة الحركة بهيك يوم لان ممكن يسبب ركود بكتير قصص..
غنيتك اليوم:غيرك ابد ماريد...نور الزين
#الثور ♉
مهنياً:تحسن تدريجي بيومك وعم تخضع لتأثير القمر ببرج الحوت مايعني مضاعفة الجهود واستقرار بعلاقاتك مع رفقاتك والمحيط فيك .. بشكل عام انت منيح اوفضل من الفترة سابقة وفي علاقات عم تتطور وانسجام وتفاهم وناس جديدة ولقاءات مميزة وحلوة وسهرة وعزيمة وفيك تطلب مساعدة من حدا مهما كان نوعها لا تتردد او تنسحب من اي موضوع وحاول تهدي الأجواء اذا كان في اضطرابات ..
عاطفياً:العاطفة والحب والمغامرات حاضرة بيومك.. فكر منيح بعلاقاتك ولا تعتبر اي علاقة عابرة ممكن تكون هيي المستقبلية وبلاخص الاعزب بدي منك تستغل حضورك وجاذبيتك لان العين عليك من الجنس الاخر وفي عندك شي حلو بخلي نظرة الاعجاب فيك حاضرة .. والبعض هاليوم المفروض انك تستغلوا وتكون مع الشريك وتحسن من واقع العلاقة ونتبه من اي اصطدام او تصرف غلط وارتباط اخر غير ثابت ولا يجدي نفعاً ..
صحياً:مهما كان حجم مشاكلك صحية كبيرة الا انك قادر تتجاوزها وتحط حد الها وفيك تبلش رياضة..
غنيتك اليوم:ليلة ورا ليلة...نبيل سيف
#الجوزاء ♊
مهنياً:نتبه من محيطك وبأمور شغلك وشراكتك ..حان الوقت تحط حد لناس الي عم تعرقل جهودك برغم ضغط وشغل لكتير وممكن معرض لاختبارات بهاليوم بس لاتخاف بتعالج مشاكلك .. امورك منيحة بعض شيء وفيك توصل لشي البدك ياه حتى في عندك شغل جديد او تحسين او ممكن تغييرات مهمة بشغلك او نقلة نوعية حاول تعرف وين رح تكون وتقرب من الناس الي ممكن تفيدك وتحسن من وضعك بلاخص شعبيتك اليوم زايدة ..
عاطفياً:قصة مصيرية بعلاقتك حاول تنتبه .. ممكن العلاقة بحالة ركود والامور مو عا بعضها حتى عم تكون بعيد عن الشريك لدرجة انو شكوك عم تكون حاضرة .. حاول تخفف من حدة توترات هذه الفترة وتتقرب من الشريك وتكون متفهم وتقضي وقت طويل معو لان هاشي عم يسبب ازعاج او عم يعتبر هاشي مقصود ..لا تخلي شك يزيد عندو نتبه وبلا ماتصعد الخلاف وبكلمتين حلوين بصير الوضع احسن ...
صحياً:قلقان اليوم وعم يكون في تقلبات بجسمك وحاسس حالك مو ع بعضك حاول لا تنفعل حتى ماتسبب لنفسك مشاكل صحية انت بالغنى عنها هلق..
غنيتك اليوم:لما همسة تقول بحبك..حسام جنيد.
#السرطان ♋
مهنياً:من افضل الايام الي الحظ بساعدك لتوجد حلول وتبلش بشي جديد مع وجود القمر في برج الحوت الصديق ليعطيك طاقة ايجابية ونشاط وقدرة على تحمل المتاعب وصعوبات وتنطلق من مرحلة التخطيط الى تنفيذ فرصة مهمة لتخوض تجربة جديدة او تتعلم شي وممكن فرصة عمل كمان وتحسن بشغلك حتى عم تشوف ناس جديدة واتصالات جديدة ونجاح عم تحققو بهاليوم وفيك تسافر كمان وعزيمة وسهرة ..
عاطفياً:منيح يومك لتقضي وقت حلو وممكن يصير صلحة وتتلقى خبر مفرح وتتطور بعلاقاتك وعم تشعر بنوع من راحة بعد فترة صعبة عاطفياً عم تفتح صفحة جديدة وعودة المياه الى مجاريها وانفراج للاعزب واعجاب جديد ..
صحياً:انت بجوز وضع شغلك بيطلب منك جلوس لفترة طويلة لكن هاشي غلط ولازم تخصص وقت لرياضة..
غنيتك اليوم:لا تغيبي...اياد طنوس
#الأسد ♌
مهنياً:بعد تعب رافقك بالفترة الماضية انت اليوم افضل نسبياً عم ترتاح من ضغوط الي كانت عندك يعني فيك تتخلص من قسم كبير حتى فيك تلاقي حلول لامور قانونية وقضائية ومالية او بتلاقي حل لشي استعجلت وتسرعت في وبتدارك المواقف في تيسير بالمعاملات وشراكات وبتلاقي دعم وممكن تقبض مال او قصة بتخص المال ممكن تجيك حاول تستغلها وبيشغلك وضع حدا بخصك امره ..
عاطفياً:برغم انو الشريك مهمل وماعم يكون متل مابدك وممكن عم يشتغل الي براسو وهاشي كمان عم يولد عندك نوع من تمرد بسبب تصرفاتو بس هاشي مو منيح للعلاقة وكل واحد صار عم يتفرد برأيه على حساب الأخر حاول تعطي فرصة جديدة وتساير شوي لتقدر تلاقي حلول بس لا تخاف كلو الو حل وتحسن قريب ..
صحياً:الوجبات السريعة و دسمة قد تسبب مشاكل صحية فحاول ان تعتمد على الخضار والفاكهه بدرجة الأولى..فرصة عند البعض الشفاء من مرض..
غنيتك اليوم:حبك وجع...اليسا
#العذراء ♍
مهنياً: يوم للعلاقات وتهدي شوي بشراكات المهنية والعاطفية .. ممكن تغير من طباعك برغم انك منفعل ومعصب وضايج ومتوتر وممكن اي شي يعملك مشكلة لكن مابتوقع هاشي يستمر لوقت طويل في حال كنت دبلوماسي وسايرت شوي وبلاخص مع ناس عم تعارض افكارك واعمالك روق هاليوم نجمك ضعيف واي مواجهة رح يكون الحسم مو لصالحك ونتبهلي على قصص بتخص شراكة او اذا بدك تدخل بشي جديد .. تعب شوي بنهارك حاول تريح حالك ونتبه من الجو بشكل عام ..
عاطفياً:شريك وضعو مو عاجبك اليوم وبالاخص تصرفاتو مانو على بعضو حتى كلامو صاير عم يتعبك
وهاشي اكيد مارح يخليك رايق لانك عم تحس بلاستفزاز نتبه من سوء تفاهم وتوتر بدي منك تهدي ولا تصعد الامور من ناحيتك بتوقع الحظ مو معك لتقدر تواجه الشريك .. روق وهدي حتى ما تندم على فعل وقرار قد تقدم عليه..
صحياً:لازم تتبع نظام غذائي معين او ريجيم تخضع له تحت اشراف اخصائي في حال كان عندك زيادة الوزن والعكس صحيح اذا كنت عم تعاني من نحف لان ممكن عندك مشاكل بالمعدة والغدة ..
غنيتك اليوم:ياول عشق .. عراقي
#الميزان ♎
مهنياً:ما عم تكون مرتاح وعندك ضغوط كتير بين شغلك وعلاقاتك وامور بالعيلة واذا عندك اختبار او امتحان او ضغوط ومسؤوليات وانت فمحتار من وين تبلش عم تتعب نفسياً بهاليوم وعم تفقد القدرة على التركيز حاول تنظم امورك وترتب الاولويات وهاشي بكون كلو لصالحك بقادم الايام لهيك بدك تتحمل هالفترة كمان وانت بحاجة لراحة جسدية ونفسية..
عاطفياً:لا توثق وتتسرع بمنح ثقة حتى لا توقع بخيبة امل .. بدي منك تنتبه بمين بتحط ثقتك انت عاطفي وبتحب تعطي بس طرف تاني ماعم يكون هيك وممكن عم يستغل طيبة قلبك مانك مرتاح اليوم في توتر بدك تروق وتلاقي طريقة تغير معاملتك فيا وتكون اكثر حكمة لتلاقي حل للمشاكل بعلاقتك .. لبعض عم يكون بحالة يأس مو طبيعية من علاقتو لهيك بدي منك طنش هالفترة وتروق وحاول تطلع وتغير جو ..
صحياً:نتبه من وعكة صحية ولا تخلي توتر يسيطر عليك أنت بحاجة لراحة ولهدوء اعصاب وتفكير الهادئ بعيد عن تشنجات..
غنيتك اليوم:طلع بي عيني .. مروان خوري
#العقرب ♏
مهنياً:تتطورات منيحة بيومك لا تتراجع او تستسلم امام ضغوط وتغلب على مشاكلك الحظ بساعدك لتنجح بهاليوم بكل شي بدك ياه طاقة ايجابية وعم تتحسن امورك بعد ضيق عانيت منو ليوم احسن لتقضي وقت حلو وتتوصل لحلول ببيتك وبالعيلة ممكن دفعت مال كتير بس فرصة لتقبض كمان .. حتى لمة حلوة ورفقات حواليك وتغيير لصالحك ..
عاطفياً:خفف شكوك وغيرة وامورك بخير لتقدر تلاقي حل وتحسم قرارك .. يوم للحب والعاطفة والمغازلة والمرح بعلاقتك امورك افضل وتحسن نسبي .. عم تزيد جاذبيتك وكل مين بشوفك بيعجب فيك لانو عندك سحر خاص وجاذبية مميزة .. فرصة لارتباط اوممكن شخص يبادر للاعتراف او بدو يتواصل معك واحتمال حب قديم يرجع بالمجمل يوم مميز اوقات حلوة ولقاءات واتصالات رومنسية ..
صحياً:لا تعمل شي من راسك واي قرار بخص صحتك يجب ان يكون تحت اشراف أخصائي .
غنيتك اليوم:لو جوا الضلع قلبين...عراقي.
#القوس ♐
مهنياً:مو مرتاح اليوم وقلقان وقصة عم تسببلك تعب وعم تكركب امورك طاقتك سلبية وماعندك القدرة على تفكير وتركيز وضع كمان بالبيت او مشغول بقصة حدا من اهلك او رفقاتك او موضوع نقل بشغل وتغيير ممكن يطرأ عندك او قصة عقار بتشغلك.. بدي منك تهدي ولا تنفعل لان ممكن تتجاوز المشاكل في حال عرفت كيف تتعامل مع الوضع وتتأقلم مع الظروف الجديدة ببيتك وشغلك لا تستعجل وهدي هاليوم ونشالله وضع ورح يمر وتتحسن الامور قريباً..
عاطفياً:خليك دبلوماسي بمواقفك وتصرفاتك وبلاخص امام الشريك .. لان الوضع اليوم في شوية توترات وتشنجات والحظ شكلو ماعم يسعفك ..حاول تفصل بين حبك وبين اهلك كمان .. هاشي مابيمنع انو نواجه الاحداث بهدوء وعدم تسرع ونمسك زمام المبادرة ونتقدم خطوة خطوة لنقدر نتجاوز الوضع ونبتعد عن سلبية بتفكر والبعض ممكن يحس بتغيير من قبل الشريك لا تزعل ولا تهتم الي بحبك رح يبقى.
صحياً:عليك بتخصيص ساعة صباحية للقيام بتمارين رياضية جيدة تمنحك طاقة الايجابية طيلة اليوم لامور صحية في تحسن قريب نشالله .
غنيتك اليوم:انساني الله يوفقك..سلطان العماني
#الجدي ♑
مهنياً:يومك متقلب وحلول ناطرتك بتشغلك امور عقارية وممكن تدفع مال وتقبض ووضع بخص حدا من أهلك او اخواتك وجيرانك ..تنقل قصير وثبات بالمواقف ممكن شوية عرقلة ضهر لكن نشالله بتتجاوز مشاكل متعبة وبتلاقي الحلول ضمن مجموعة من رفقات او ناس حدك .. اتصالات مهمة بيومك وفرصة لتشتري او تغير شي وكمان مدعوم بعزيمة ولمة حلوة مع ناس بتحبن وغاليين عليك ..
عاطفياً:القمر بيدعمك بعلاقات وتتطورات عاطفية بلقاءات واتصالات فحاول تستغل هاليوم لتظهر عواطفك وتقضي وقت حلو وبلاخص انو جاذبيتك حلوة وحضورك مميز وشريك يمكن عندو عتب عليك.. بس الي علاقتو ضعيفة ينتبه على حالو مافيك تغير الواقع لكن فيك تقلل من الاضرار وشريك انت بتعرفو
مانو سهل حاول تكون لين وتتصرف صح معو ..
صحياً:نتبهلي لتقلبات الطقس وكون حذر من هالجو لان ممكن يسبب صداع شديد واضرار بالجسم وخمول لا تسهر كتير ونتبه من الكريب ..
غنيتك اليوم:شوف بعينك شوف..محمود القصير
#الدلو ♒
مهنياً:شغل جديد واتفاق وقصة من وراها مال ويومك بدور ببيت المال بين صرف ودفع وقبض وبلاخص ماعم يكفيك ودائماً بتكون بحاجة لان ماعم تهدي المصاري بأيدك وبلاخص زاد مصروفك كتير بالفترة الماضية على التزامات وتغييرات .. بنصحك تعيد حسابات المالية والمهنية من جديد .. مدعوم من الفلك احتمال كبير تتوصل لاتفاق او تقارب بوجهات نظر حول قضية ما او بوضعك بشكل خاص ..ممكن يحصل عراقيل وانتقاد لا تخاف شوية تركيز بتنجح لفلك بيدعيك لفترة تكون صبور فيها لتقدر تثبت جدارتك ..
عاطفياً:ممكن وضعك العاطفي افضل من ناحية التفكير بشريك لهيك بدي منك لا تبقى رهينة شخص ما او علاقة قديمة وعليك نهوض من جديد وتفتح صفحة جديدة وتبدا علاقة جديدة اذا بدك .. وقد تحقق شيء مهم على هذا صعيد تكون محط أعجاب ويسلط ضوء عليك وممكن تحصل على هدية او بدك تجيب هدية ..
صحياً:ممكن تزور طبيب الك او لحدا بخصك لكن لا تشتغل شي الا تحت اشراف اخصائي ..
غنيتك اليوم:يمكن حبك..ماجد المهندس
#الحوت ♓
مهنياً:من افضل الايام عندك بأخبار حلوة القمر ببرجك بعد فترة كانت الافكار مشوشة وماعم تقدر تفكر بشي وكان في حكي كتير واتهامات والماضي مأثر عليك .. يومك في انفراج اخيراً وتحسن نوعي وتدريجي القمر عم يعطيك طاقة ايجابية وقدرة كبيرة على تحمل وانجاز الاعمال ونشاطات ولقاءات وممكن معزوم اليوم وسهرة وعلاقاتك اليوم افضل وتتحسن امورك وترجع مكانتك من جديد وسفر كمان اذا ناوي وامور بتخص المال وفرصة لتغير بشكلك وتكون جذاب ..
عاطفياً:يوم منيح بعلاقات جديدة وتتطورات افضل وبلاخص لاي شخص ممكن يكون قلبو خالي من شريك لتبدأ قصة حب .. حتى المرتبط عندك عاطفة وجذاب حاول تستغل هاليوم وتاخد قرار مهم وتتخلص من قصة قديمة ولتقضي وقت حلو وتعيش جو رومنسي المهم تبادر لكن بهدو وبدون تسرع .. لمهم تعرف كيف تتعامل مع الشريك بهاليوم لتوصل لحلول رغم الحظ بساعدك وبوقف معك ..
صحياً:عليك بتوظيف الجهود نحو الحصول على صحة جيدة والمحافظة عليها ولاهتمام اكثر بها..وخفف شرب منبهات.
غنيتك اليوم:ماتوعد قلبي..اليسا
رد مع اقتباس
