هو مو محي لتاريخ مستحيل هالشي ..كل شخص استلم الادارة بذل جهد منقطع النظير وهالمنصب متعب كولش انه اتوفق بين كل الاطراف حاله حال الحكومة العراقية ههههه بس التغييرات لابد منها لمواكبة التطورات الحاصلة بالواقع الاجتماعي وعكسها ع الواقع الافتراضي... ايضا الروتين ممل لابد من التغيير باستمرارالمشاركة الأصلية كتبت بواسطة انسان ثاني
١٦ _ منو العضو إلى لفت انتباهج بشخصيته المميزة منذ بداية تسجيله و فكرتي بينج وبين نفسج انه لازم تسويه إداري؟
الجوكرية .. انت وبشار
١٧ _ اكو كلام سمعته من هواي اعضاء انه گاردي مسويه منتدى ودا تسحب الاعضاء لذلك تدخل هنا وتسقط بـ الادارة و صار وياها كم عضو حالياً نشيطين بمنتداها ، زين اذا انتوا تعرفون هل شيء و الاعضاء يعرفون فـ بعد من شنو مستحين ان تصرحون بهل شيء وتخلون النقاط ع حروف ! ، زين شنو مشكلة گاردي وياكم وليش تحاول تسقط بيكم هي مو جانت ادارية ؟ ليش تم اقصائها ؟ اني متأكد انتِ صاحبة هذا القرار لان هيج قرارات ماتصدر لو من سامر لو منج وسامر جان مبتعد بذيج الفترة
احنا اللي نريده راحة الناس سوى بالمنتدى او بالفيسبوك اوالانستا او باي مكان ثاني اللي يحب يتركنا نتألم عليه لكن مادام بيها راحته فالخيار اكيد اله ..احنا مانستحي من شي رامي وكتلك اهم شي راحة الاعضاء وخيرانهم اما الاستمرار ويانه او بغير مكان...ماانريد نحرج احد ببقائه ويانه اوحتى احد ينقل مواضيعنا في سبيل يرضي الاخر ..اتمنى كل عضو يستقل برأيه وبكيانه ومايكون نسخ( تقليد) لاعضاء اخرين ..اهواي حملات او مواضيع بلغوني الاعضاء انه ثاني يوم تنسخ افكارنا وتنقل مثل حملاتنا للتوعية الصحية وتغيير الصورة الرمزية ومواضيعنا العامة اللي ننشرها بالاعياد ماعدنا مشكلة مادام الهدف انساني توعوي بس حلو من تسوي شي لله من تلقاء نفسك بدون مااتقلد الاخريين ..لا قرار الاقصاء اجاني أمر من سامر مثل اي نائب اخر ودوري انفذ..
١٨ _ عضو مثل ضياء المالكي ليش ما استفاديتوا منه بـ الادارة ؟ خاصة واني متاكد انج تعرفين الادارين الي جانوا مو احسن منه لا ثقافياً ولا اجتماعياً ولا كـ مقبولية من الاعضاء! يعني الموضوع جان بيدج بس انتِ صعدتي غيره وبعدين اكتشفتي انه اختيارج كان سيء
ضياء المالكي من الاعضاء الكفوئين جدا والحقيقة اني اسعد انسانة لكونه من اصدقائي ..هو مو الخيار سيء لكن النائب بمجرد مايصعد نائب تختلف توجهاته معاك وهنا جانت المشكلة..
١٩ _ يُقال ان سوزان تسمح للبعض بالتجاوزات بينما تردع الاخرين و خل اكون اوضح شفت هوايه كلام انج تغضين النظر عن عضوين هم لارا و عاشق ساندرا بينما تعاقبين الي يرد عليهم ، واني اعرف انه ماعندج اي علاقة شخصية لا بلارا ولا بعاشق ساندرا بل قد تكونين صديقة مقربة من الاعضاء الي تعاقبيهم ! شنو تبريرج لهل امر ؟ يُقال ان توجه عام لدرر نحو العلمانية وليس المدنية!
هههههه من تكون مراقب لهيج قسم فمن مصلحتك تهتم بالافكار المخالفة للاخريين واتشجعهم على طرح ارائهم بكل راحة .. يعني اذا فقار واني وانت والاخريين ويه مقتدى مثلا هههههه ونحظر لارا وعاشق او اخرون من المنتدى لكونهم مايحبون مقتدى فعلى شنو نناقش خو انعزل القسم ... هذه سياسة
٢٠ _ بكل مرة من ترجعين للأدارة تغيرين وجوه الكادر الاداري و اعتقد ماكو شخص بقى وياج بالثلاث فترات لحد الان ، شنو السبب ؟ لان تعرفين يكلج احنه العرب من واحد يستلم المسؤولية يبلش يمحي تاريخ الي قبله وما يحب يبدأ من حيث ما انتهى بهِ الاخرون ؟
