منوره الكرسي ست سوزي
منوره الكرسي ست سوزي
ههههههه موتنهالمشاركة الأصلية كتبت بواسطة Suzana
اعتقد هنا او هنا الموضوع يعتمد على قوة شخصية المراة ثقتها بنفسهاوحزمها ولباقتها هي اللي تخليها تواجه الصعوبات..
حظر فقار مطلب الجماهير
احداث كثيرة كانت كل يوم حدث ..يعني اتكول فلم الرسالة ..أسئلة شخصية
١ _ حبيتي شخص من النت؟ إذا اي اكيد بالدرر مو؟ هع
اي..
٢ _ تضايقج كلمة (مُطلقة) و اكو شخص استخدمها وياج حتى ينال منج؟ إذا اي شنو رد فعل بهل حالة و يصير تگليلنه منو هو؟ ^____*
بالمجتمع الواقعي مااتضايقني خصوصا وانه اختلفت مفاهيم الناس وصاروا اكثر تحضرا ووعيا بس بالنت تضايقني وخصوصا اذا اللي حاولت النيل مني بنت مثلي اقصد "نفس جنسي" من تستخدمها بالهمسات فهذا قبح منها لكن الحلو بالاعضاء انه اكثر وعيا منها وماتهمهم هيج مواضيع شخصية وماسمحولها تتكلم بهالموضوع مطلقا وبدل ماياخذوا ويجروا بالحديث نهووا الموضوع من اساسه..
٣ _ ما تعتقدين أن النت و المنتديات أخذت شبابج كله؟ تتوقعين يستاهل هل شيئ؟
مايستاهل بس اني عايشه حياتي يعني باوقات الفراغ ماكو مانع من التسلية وقتل الوقت
٤ _ شون استقبلتي خبر وفاة والدج و شنو الي فقدتيه بغيابه ؟
امم يمكن هو اسوء حدث صار بحياتي وخصوصا انه الامر صار مبكرا.. والدي جان هيبة بكل معنى الكلمة بالبيت وخارجه ففقدت تلك الهيبة.
٥ _ شنو شعورج وانت صار عندج قطعة أرض وراح تبنيها من راتبج انتِ؟ شعجب قررتي هل قرار و حبيتي تستقلين بحياتج؟
هههههه حلو السؤال ..شعور مفرح صراحة..هو تعويد ع الاستقلال وبقى التنفيذ على ارض الواقع وارض موجودة وافلوس موجودة فردت اشتري راحة بالي للسنوات المقبلة..
٦ _ باعتبار احنه بمجتمع بي هوايه يفكرون تفكير مادي ، ما تتوقعين انج حتصيرين فريسة للأنتهازيين إلى يحاولون يتقربلج بعتبارج تملكين بيت و عندج وظيفة حتى يتزوجوج و يستغلوج؟ و شون راح تميزين بالمستقبل بين إلى داخل ع طمع لو إلى رايدج الج ما رايد فلوسج؟
مااصير لانه اللي كدامك عدها وعي على شوية ذكاء هع ومايعبر عليه اي شي ..
٧ _ مرات اسمع بنات من يستقلون بحياتهم و يصير عدهم مصدر رزق يعني ما يحتاجون للرجل من الناحية المادية يفكرون انه بعد مايتزوجون ، هم فكرتي بوقت من الأوقات انه راح تكملين حياتج لوحدج وما تحتاجين للرجل بعد؟
ماامفكرة بالارتباط ابد
٨ _ تگدرين تحجيلنه عن فترة زواجج السابق وما رافقه من أحداث داعش و وگعتي تحت حكم داعش ؟ هم بعدج تذكرين ذيج الايام ؟ جنتي خايفة منهم ؟ وشعجب ما سولج شيئ وانتِ بنظرهم من طائفة خارجة عن الدين الإسلامي ^_____^
المدينة ساقطة امنيا من اربع اشهر تقريبا يعني ماكو شرطة او أمن الموصل بشهر السادس سقطت ومدينتي بالعاشر خلال هالفترة اهواي احداث مرعبه اتخلي الشرطة يتركون عملهم لذلك كلها بطلت ..لذلك هالموضوع سهل دخول داعش اهواي باول يومين تسمع بس الرمي وعرفنا انه داعش دخلوا ..حركوا مراكز الشرطة تقريبا اربعه فاصر اطلع وياه بالسيارة حتى اشوف الاوضاع ..طلعت وشفت الاجواء والسيطرة المطلقة والناس مبتهجة هههه كولش انقهرت بس ماكدرت احجي اي كلمة لانه اختنكت بس اتفرج ع الوضع اشلون المسلحين منتشرين ومفتخرين الاهالي بالموضوع...
رجعت للبيت وماطلعت ابد بعد مافرضوا الخمار جنت كولش ضايجه من الموضوع عندي ربو وكوه اتنفس هههه النوب خمار وشنو يجون يفرضون القضية بالغصب ..بقيت بالبيت لحد مااتمرضت وجان لازم اروح للمستشفى رحت وغصبا عليه لبسته ..
جانت الامور هادئه بالبداية بس جنت اخاف كولش من القصف تجي الطيارة بمستوى البيت فابقى بس اعيط ومن تجي يعني جايه تقصف فاتوقع باي لحظة تموت.. ولحد هسه اخاف
بهالفترة انقطعت الاتصالات حتى اتخابر لازم تصعد ع الجبال ..جبال صخرية عاليه كولش حتى تحصل شبكة وقبلها تاخذ موافقة ..
اممم بعد ؟
بهالفترة جنت اطلع مثلا لكرايبه او هيج شي فيكولهم هاي رافضية فهمه يضحكون ايكولوله لا لا مسلمة ان شاءالله.. اليقهرني جنت التقي بزوجاتهم يعني هي مفرعه ومتمكيجه كدام رجلي واني لابسه النقاب وخانكه نفسي
ماادري اشلون قياساتهم هيج مختلفه ههههه.
مااكولك ماجنت خايفه جنت خايفه كولش من الموت يعني هذا الليل الطويل ماافكر غير بالموت وباي لحظه تجي امراة تقتلني خصوصا بتخويفه المستمر اليهة .. ايكولي يومية تحقيق وياي اسلمت مرتك لو لا؟ولو تشوفين التحقيقات اشلونها..اني جنت اضحك ماابينله انه خايفه واحجي ع الدولة الس........
يعني مااتحمل هالتناقضات العدهم وبقيت احجي ومستحيل اغير من افكاري ومبادئي..
بقيت على هالحالة لسنتين مابين خوف وضحك واحداث عديدة قتل نساء لمجرد حجت ويه ابن عمها لوحدهم بالمستشفى ...
بالساحات تصير اعدامات لانه نطووا احداثيات للامريكان يسموهم عملاء واهواي امور ..لحد ما الله فرجها وصار التحرير بهالوقت رحنا لسوريا مناطق ع الحدود العراقية جانت تحت سيطرة داعش عشنا بيها شهرين ونفس المأساة وبعدها اجيت تهريب لبغداد ...
وحجيت عنها سابقا
نورت رامي
نور اعيونج عمريمنوره الكرسي ست سوزي
مو توجه لاقسام معينة لكن هالاقسام وبقلمي بصورة خاصة ارتاده الكثير من المبدعين بمجال الادب والشعر منهم الشاعر الكبير سراج محمد والكبير شيفرة دافنشي اضافة الى المبدعين استاذ قاسم و استاذ راهب وعلي الشمري وسومر وجواد الزهيراوي و المبدعات اسرار بلا عنوان ومبدعتنا المتألقة دكتورة فيري ونورانية والخيزران وبريق الماس والكثير لامجال للذكر هنا ممن اغنوا القسم بنتاجاتهم الادبية فيما يخص الشعر والنثر ..أسئلة عامة عن الدُرر
اوك
١ _ احجيلنه شون انولدت فكرة تأسيس الدرر من المهدِ ؛ ومنو إلى ساهم بالدرر غير سامر من حيث العمل و الإدارة ؛ انطينه فكرة عامة؟
جنا سابقا بالكوت نت سجلت بال٢٠٠٨ جان ذي اوراكل(سامر)المدير لفترة وجان ساليوت مراقب والكونت سيد عماد ..وكل المؤسسين هناك صارت خلافات فقررووا المؤسسين يسوون "منتدى اصدقاء الكوت" ..
قبل السماح وفتح التسجيل بالمنتديات ايضا القيتلي نظرة ع المنتدى من خلال دعوة سامر الي وجان عندي مشكلة بالتسجيل فلذلك اتأخرت ليوم ١٤ كونه غير متوافق بوقتها مع انترنت اكسبلور فلحد مانصبت الفايرفوكس ودخلت ..
سامر اللي بذل الجهد الكبير كون اختصاصه برمجي..
٢ _ شعجب انتِ بقيتي أقدم إدارية نشطة في وقت حتى سامر هجر الدرر ؛ وهل توقعتي انه حتحتفلين بعيد ميلاد الدرر للسنة العاشرة؟
ممكن اي ووممكن لا حسب الظروف .. ليش بقيت مستمرة لانه كلما اطلع تجيني رسالة بعد فترة طويلة من نسيان الدرر ترجعين ..وبما انه ماعندي شي وبعد ضغط منك رجعت
٣ _ من تأسس الدرر جنتي بمنتصف العشرينات وهسه صرتي ثلاثينية جادة ؛ تعتقدين أن الدرر يستاهل منج تعب كل هل سنين؟
يستاهل
٤ _ هم اجه يوم وسامر تعب من الدرر و فاتحج بموضوع إغلاق المنتدى ؛ إذا صار هل شي ممكن تحجيلنه شنو السبب إلي خلاه يفكر بهل قرار؟ و شوكت؟
قبل سنتين قرر غلقه والحمد لله ماغلقهالسبب المشاكل والازعاجات الكثيرة.
٥ _ شنو الشيئ المميز بالدرر إلى خلاه يستمر كل هل سنوات خاصةً مع انتشار وسائل التواصل الاجتماعي؟
عدا الخواص الحلوة والمميزات اللي بيه ،اساس الدرر مبني على النقاء والود والمحبة واي شي اساسه صحيح يستمر صحيح وصحي عدا انه صرنا عائلة وحده صعب واحد يترك اهله
وحتى اذا تركهم بالنهاية يرجعلهم.
٦ _ سابقاً جان الدرر عبارة عن منتدى اغلب رواده من الأدباء و الشعراء و خلي نگول أنشط الأقسام هي الأقسام الأدبية ؛ هل جانت مقصودة هل فكرة بتوجه المنتدى بحيث سامر انتقى هذه الأسماء لو شنو السبب بالضبط ؛ وشعجب هسه قليل إلى يتواجد منهم؟ بنظرج شنو سبب ابتعادهم؟
سبب ابتعادهم ومن خلال سؤالي عن احوالهم عبر وسائل التواصل هو انشغالهم بمشاغل الحياة الواقعية والتدريس بالنسبة للمدرسين ..
قريت كم صفحة من الموضوع قهرني احداث داعش الي مرت عليكم
اتمنى لك حياة سعيدة تعوضك عن الماضي
في تلك الاحداث اني ما كنت مسجل هنا كنت بغير عالم اصلا
تعرفنا عليك اكثر ست سوزان ونتمنى لك التوفيق بحياتك
التعديل الأخير تم بواسطة arshd ; 23/March/2020 الساعة 1:20 pm
ههههه تره جاي اكتب بتلقائية فماادري شنو كتبت
كل الهلا ارشد
سوزان العزيزة اني اعرف الاحداث اللي ذكرتيها لأن بالسابق تكلمتي بالموضوع وصراحة صعب عالانسان ان يتحمل هكذا ظروف إلا اذا كان يمتلك شجاعة وقوة إرادة .
ان شاء الله ان تكون الايام الجايه تعويض لما سبق وتعيشين براحت بال
صدك شوكت تعزميني تراني اني هم احب المقبلات اكثر من الاكل
صارلنا عشر سنوات بالدرر تكون صداقات وعلاقات حتى خارج الدرر وبوقتها كان الفيس بوك قليل الانتشار والمنتديات كانت تزخر بالاعضاء والمبدعين هل للفيس بوك تأثير على المنتديات والدرر بالخصوص ؟
هيج راح نختلف..المقبلات اليه والمشاوي الك هههه
