عشت رافض للحياة الما احبها
وجيتي لـ عيوني حليتي
تنسلب حريتي لو عني جفيتي
انه معتبرج هويتي
انه ماعندي خبر ينعلن غيرج !
حاسج ورقة وصيتي
انتِ حلمي وكل طموحي وكل قضيتي
انتِ قوة شاعريتي
وانه من عاشرت عينج ، خلگي طول
هذا جم شاب الاجه الحظرة عيونج
حته نظرات يتسول
بياضج حاد مو فاهي !
وشمسنا كبال وجهج گمرة تتحول
مابين الگطن والغيم والنجمات
لونج ماخذ الأول
گد ماحلوة بعيوني
صدگ ما امشي بس لعيونج انه انهض
جنت ساگن المستشفى
وجنت متروس من الرض
هسه بصوتج اشفه وما ارد امرض
من يمج عرفت الحظ !
يحلوة الحزن يم اذراعج وينفض
يـ يرب الكل شي لونه ابيض
جلدج هذا من يا لون
وبچم گمرة متوضي ؟
وحگ شاماتج الحلوات
من شفتج بست حظي
گلبي خلاف گلبج ياگلب يرضي ؟
العمر مابي ملذه يصير
اذا وياج مايگضي ..
يطرگاعة وفلك جيلين !
نحرج لمعته ماتنسي وتمضي
نحرج نافس الالماس والفضي
زندج بالظلام وما وكف لمضه
علاج الكل عليل انتِ !
بخيت البيج اذا يحضه
ضحگتج وصفه للمرضى
كون اشطب مواليدي
الزمن جم دوب ويفرضه
السنين العندي مفروضات
عدى ذني الگضن وياج جم لحظه
فرحتي وياج تشبه فرحة اهل البيت
من اول حچي جاهلهم يلفضه
كلامي مهذب بطرواج
چن سيد ابنص بيت الله يتوضه
بس مرات تغويني
وذنوبي اتصير مو هينه
انه اليمج ولا يعرف يغض عينه
واذا دنكتي ونهودج شفت سرهن
منو هذا البعد يتمسك بــ دينه ؟
اعرفج بيه ، يا لذه
انه الشاعر اليا مكثر شياطينه
حفضي روحي وفوضويتي وكل صفاتي
وابدي من صرخاتي الاولى الحد وفاتي
جوه خصرج بارزه عيون المغاره
التسكر بــ خمرة حياتي !
انتِ اعز من الشهاده ..
التنلفض ساعة مماتي
رد مع اقتباس
ـــك