صير بير ولا تجازف
شنهي نفعك لو مطرت اعله البدو
كافي تنزف بالشعور كبال حانات اللهو !
والتعزهم مايعزونك حجيهم جن عجاجه
و انتَ گلبك ورگه مو مالة سطو
ذوله سولتهم تناقض ..
لملمو برد الشته وخلو بــ ضلعك
و انتَ نظراتك دفو
يامكتلك عن هواهم شايل اتراب المكابر
و انتَ ريتك گايده جفوف الربو
غيب فتره و رد عليهم
راح ترجع رجعة الشاب الغريب
الرجع لـ اهله ومحد يعرفه منو
راح طاريك يشح بين الطواري
وتنشطب من ذاكرتهم
تالي عود تشوف روحك مرتكب اكبر خساره
راح اشبه حزنك بــ حزن بالعراق
بيوم شدو بي حصاره !
سد حنينك لا تفيضه اعله الصحاري
يجوز باجر تفحط بــ اول جگاره
انتَ اية من المحنه ورتلوك اعله المناره
يا حريص اعله المعزه الما تجهبك
هوه مو كل شخص مالح من سماره
ليش تهوى اهل الغجر من دون حاجز
و انتَ سومر بالحضاره !
وعيك الماينگضي وماعنده حد
شلون يغرونه السكاره ؟
وانه اشبهك بالمعابد
من كثر ما شايل بروحك طهاره
زحمه باقي اويه الرفاكه الما تهابك
خلي بعيونك كرامه ولا تصيرلهم گناطر
جوز لا تسمح الجرحك
ينكلب تسلايه بجفوف العواهر
چوي اصبعك كبل لا سنك يخرطه
ومايفيدك ندم باجر
ديربالك تزهگلهم ..
خاف مرة يضيك خلكك
والزمن يعدم اسنينك
لو خلك ماعندك بخلك اليناطر
زحمه كل جرة نفس منهم تحركك
ديربالك تاخذ اطباع الجگاير
ضلتك وياهم تطيحك
طيحة اخر دمعه بعيون اليسافر
انتَ ياهو الما يرغبك ؟
نظرة منك تنحيي ارحام العواجر
هاجر البستانك وعوف المخاطر
انتَ طير شنومك بين السواتر ؟
يارهيف وادمك بيهم قساوه
بــ گد جهنم
و انتَ ارق من الدفاتر
كون اعرف شوهدناك كبال جذبه
وشفت بــ عيونك مصادر
لا تضيع روحك بــ ديرة مغالب
و انتَ جذباتك مشاعر !
رد مع اقتباس
المشاركة الأصلية كتبت بواسطة ПộR
