هنيالك تحب اثنين نفس الوكت
كتلي انت ماي عيوني وصدكت
ماجنت ادري تقصد اوكع دمع
لمن مشيت وعلي تدري شجره
النفس بعدك كمت احس ينكطع
شلتك براسي مثل نخله وعثك
وضليت واكف لجن رأسي وكع
هنيالك تحب اثنين نفس الوكت
وهنيال ظهري منك شكد شبع
طعناتك بظهري من اعدهن بدي
جن روجه وبخد الجرف انركع
لمن عشكتك جنت شاب وعلي
ولمن رحت شايب صرت منوجع
لو مرني طاريك بحلم ارتعش
رعشت الشجره لو غصن ينشلع
حاركني يم شماتي ورقه وحبر
تحركني واسكت جي تحب الشمع
صوتي من اسولف مايمر شفتي
صوت المكابر ابد ماينسمع
دورني تلكاني بوكت مر كحط
مطره من اطيح ملاكه وي الزرع
طبعك وطبعي مثل كاع وسمه
تصير القيامه واحنه ماننجمع
بديتلك ريتي بوكت شح الهوه
ماجنت ادري تعوفني وانفجع
رموشي جلب بيهن شجم حلم
طاحن لان بالعين ماظل دمع
بايعني بيت ورحت تكسن نزل
بالغربه تنذل ماتضل مرتفع
جنت احلم اني وياك نكطع مهر
حققته حلمي ومني هالمنكطع
ضحيتلك مافادت التضحيه
ادعيلي اشوفك هاي اذا تستمع
كاسرني بس كسرك فلا ينجبر
كسرت الخاطر ضعف كسر الضلع
صفاء الخالدي
رد مع اقتباس
