من ظهري ينشاف الكلب حتى الجلد صاير ضاب
ارسمني ماتتعب أبد
ارسم كلب متروس طعنات أحباب
ولاتخاف ارسم مكبره
مااخاف من المكبره عايش هواي بسرداب
جنت اني سيف وبالحرب
من اعطش اشرب دم بشر وسفه وصرت هسه كراب
من الضعف واصل مرحله
من ظهري ينشاف الكلب حتى الجلد صاير ضاب
اختلف عن باقي البشر
صيهود عشت وي العشك ماصرت وياه خنياب
بالريه لو طب الهوه
ميشوف من كثر التتن لوما يلف حوله انكاب
مكسور بس كسرة ولف
والصار بيه أتحمله اول بشر انه الحاب
حبيتها صح من صدك
ولو يرجع بكيفة الزمن اختارها بدون أسباب
صفاء الخالدي
رد مع اقتباس
