صار سنين ادگ ع الغيم مامش للمطر كل ها !
يباب الطين
فك رزة سواجيك
وفيض من الهلا خنياب
صار سنين ادگ ع الغيم مامش للمطر كل ها !
يباب الطين
لمني من الچفافي دموع
لمني من المرادي شموع
طحت من المناير موت
ودروبي وطن صبير
كبرت من الجروف عيون
وتغنيت سولة گيش
اجيت وروحي ركضة ماي ماتعثر
اجيت بكل حزن للماي وعيوني حوافر سيل
جزيت منازع متوني سچچ ع الماي
ياخذني ضوه المشحوف شمرة كيف
وبسدري يدلهم روج
اجيت من الصحاري فتوگ مازفني بنداوه الخيط
اجيت من السراديب العتيگة موت
من زر الفشگ
من ليل كل تواب
من گيض النشيده تراب
من عيون الظفر بيهه غميج الليل ديرة كاس
من كل خوف اجيت اثياب
اجيت من الضلام ارماح
شايل كل نحر گمره عذر للدم
متحزم بحزن الدم
افرفح والدمع طلاگة موادع
اسافر والدرب للتمطر جدامه سهر موعد برد ناگع
يامهره التلم كل الحزن شباچ وتبديه فرح باچر
ياطيف إيحسب كل الرموش شباح
ويحوف النعاس سنين
اهز يالون
حتى لگه رفاگة كل شمس تندل مري السكته
وعاتب يابرد وگفض عثوگ الاخ
سره بطولي التعب خنجر
مشه بعيني الحلم خنجر
حده بريجي النهر خنجر
اعاتب والدمع للماحظه بنادم يرد خنجر
يباب الطين
طيح هلال ورسمني كنايس عيد
سافر للعثر بسم الله حد اخر نفس بالطين
وازيني بگصيبة شوگ
لون زيبگ مواعيدي يشگ زياگ
ضيع بنادم ايلمني خرز من كل ضباب چفوف
يباب الطين
صير بنادم يشمني ورد للاوف
يعطشني
ويعذبني
ورد الگيه نهر ملهوف
صير بنادم يحبني
يعتبني لون ونيت
يسافر بيه لو ضاعت محطاتي نشد نثيه
يغربني بثلج روحه جمر غاير
صير بنادم عله الليل
يندهه كل ضهاري الخيل
يمد گلبه حبل ويشر هدم حزني
هذا انه يباب الطين
اجيت مشچل بگلبي ومحاچي غريبة سوگ
مبيوع بسمه المحراب كفره وخمره حد بليس
لامغرب يلم كل الستاير شوگ
لاگعدة نهر وتلم عشب عمري
تايه والذنب روحي
غريب من التعب مذبوح
والدنيا صلاة سيوف
وحيد بعمر الولايه درب مكروه
هذا انه يباب الطين
اشيّم رزتك بشموس
اطرز عتبتك شوباش لو طولي شرنه البوب
أحني چفوفك بروحي
لون شوفي قرنه البوب
يباب الطين
حزن ادم نهر فوگ المطر مكتوب
ذنب آدم عطش تفاح
ليليه تعب گلبي عله دمه يتوب
ليليه نشد چفي ستر مصلوب
ليلية نعش مسلوب
ضم من طينك بنادم يبشر الدم يباب الطين
گضه طيني عتب ع البوب
گضت روحي رمل ع البوب
م
رد مع اقتباس
