توسدت الجرح ما كتلك شسويت
يعصرني الالم واهمسلك تهنه
تتكلب طفل وبحضن جرحي تنام
وامسد بيدي شعرك واحبس الونه
واكل لروحي بالج لا يفز مرعوب
... خليت الجرح غصبن علي غنه
... كومت العمر ذبيته يم رجليك
واحس يطول عمري شماخذت منه
ونثرت احلامي كلهه بكاعك وتانيت
عيني اعله السحاب البيك يتدنه
واكولن ها اجه .. ها بين من ابعيد
ها زخت مطر .. يغدي العمر جنه
ها لحد ما كلبت كل حروف ال(ها)
صارت آه يمته الغيم اشمنه !!
صارت آه يمته الغيم اشمنه !!
رد مع اقتباس
