هنا

[فقار الكرخي]

لو جاج مرسال العشگ
وديلي بوسه بگده

وخليلي بيها من الدفو
حضنات كون تشده

وتلهفيلي بغيبتي
حطيلي وردة بغرفتج
وزگيني يوميه الصبح

خاطر تشميني المسا
وشلون منظر ننرسم
وردة تشم بوردة

وحاجيني وطمني علي
وگليلي مشتاقه الك
يمتى يصير الملگه؟

وبراحتج زعلي بعشگ
وانطيني ظهرج بالزعل
حتى انا افزنلج عطر
ووگع عليج بشهگه


شمحلات شبگات الظَهر
لمن اجيلج بالغفل
كل الدفو بصدري
يجيج بحرگه

ماعندي غيرج تنعشگ
وحتى اذا چانت اكو...
هي النسايم لو تمر
من غير شخصج
خنگه

بس انتي ضحكاتج صدگ
تطرب عليهن كل اذن
ولو دورينه سوالفج
فيروز بيهن نلگه

وجفوفج ولاية بدو
رحالة اصابيعج بدي
جفوفج يحلمي الماخلص
مستاهلات الرفگه


وهنيالي بيج ولايتي
محظوظ بيج ولايتي

هنيالي ياحلم المطر
يل كلمتج مملوحه

صرتيلي روح انتي بوكت
كلمن يهم بروحه

وكلمن تعنه ولايته

وادم تعنت للحزن
ووادم تعنت للفرح

المهم ما النه
غرض بالوادم المجروحه

العشاك ماعدهم كره
حلوين لو طبوا سلف
بكلوبهم مرجوحه

لو لحظة مر بيهم زعل
تنكلب صفنتهم تعب
ودموعهم مفضوحه

ولو رجعو يخضر ورد
ودموعهم ممسوحة

وانا ع حبج راح اظل
انثر امان بضحكتي
وبكلبي يبقالج عشك
ماينتهي وي المدة

بس الاريده بهالعشك
لو جاج مرسال العطش
وديلي بوسه بكده.






ازهر كريم

[المتوكل علي]

نص يسكنه الجمال ..
يسلمووو فقار..

[سمراء من قوم عيسى]

الله عليك

[غزل.]

رائع

[انثى مخمليةة]

عاشت ايدك

[ملكه الأحزان]

جميل جدا