هنا

[فقار الكرخي]

باچر صُوم ..

باچر صُوم ..

النايم گوم ..
...............................

ضحكت ام البيت بهايه
وكالت يله نظل صيام

وكالت نفس اليوم اليعبر
ما ناكل ع الدمعه إنام

بلكي الله ويتقبل صومي
ويدز تمن للايوام

ويشوف السگفات التعبن
ولا نبقه انصبهه إخيام

وصامت ناس .. وفطرت ناس
وانه وبنتي وابني نباوع
محد بيهم حيدر يمشي
محد يفزع مثل حسين
ولا واحد بيهم عباس

وين الناس .. وين الناس

انه ابچي عله الصاير بيه
ويمي الناس تدور ياس

وگدت ابني ودمعي وحسراتي
وتمشينه لبيت المنفه

فطور اكدر ماي نفور
لو جاعو بليل شأحجي
وما عدنه اي شي
بي نتعشه

سجاده .. وتربه.. ويا الله
رزقك يوصلك يتمشه

.......................


ماتعرف احساس الامه بگبور
من يمر عليه رمضان شيشوف

يوگف شمعه ميته عله المواعين
وموش بماي يفطر لا بالگطوف







عبدالله العبدلي

[انثى مخمليةة]

عاشت ايدك