ما احب اعلق على ايران لان ندخل بحوار اعرف شنو نهايته لذلك اعلق على امريكا فقطالمشاركة الأصلية كتبت بواسطة رامي الاصيل
مصلحتنا مع أمريكا، من ينسى فضلها و مساعدتها على أسقاط النظام الدكتاتوري، من ينسى فضلها على زرع بذور الحرية في البلد من خلال فرض الأنتخابات على أحزاب السلطة لمنع احتكارها، من ينسى فضل أمريكا و قتالها المشهود دولياً لأخراج العراق من البند السابع، من ينسى ان امريكا هي الرب الثاني اقتصاديا و عسكريا للعالم؟
يعني هسه امريكا صار الها الفضل في غزو العراق واحتلال العراق ، حتى لو كان النظام السابق دكتاتور وهو ليس بنظام غير عادل ( كل الدول تمتلك الدكاتورية بنظامها ، بس احجيلي بالعدالة والامان )
امريكا دخلت كـ محتل وليس مخلص من نظام تعتقدونه بالبائد والدكتاتوري ، امريكا هي التي اتت بالاحزاب الفاسدة الحالية وفرضتها على الشعب العراقي والا الشعب العراقي ما كان يعرف حزب غير حزب البعث فقط .. المفروض منك كـ عراقي تتخلى عن فكرة الفضل لايران الاقتصادي او الامني او لامريكا وتعتمد على موارد الدولة وصناعاتها / الى متى يبقى العراق عايش على دول الجوار وحدوده مباحه لفلان وعلان ..
الخلاصة يا عزيزي ايها الاصيل احنه بلد محتل من 2003 ولحد الان ومو شرط الاحتلال يكون بالحرب فقط ، للأحتلال انواع والاحزاب الحالية احد انواعه ، والصراحة اني اتمنى يجي شخص يشبه صدام بالفعل والقول حتى على الاقل تصير قيمة للعراقي بين الدول مو مذلول وما معترف بأبسط حقوقه ويعتبروه مشرد
تحياتي
