هنا

[pretty osa]

السلام عليكم :
اخذت الفيسبوك مال الشركة الي اشتغل بيها وبعثت طلبات صداقة هواية وتوقف الحساب اجيت اريد افحة يكلي بعد 24 ساعة جيت بعد 24 ساعة يكلي لازم تعرفين صور الاصدقاء واني معرف احد بيهم

[Snow Girl]

هههههههه ليش اخذتي لعد

اني مااعرف بهل شغلة

[دمعة يتم]

[pretty osa]

يمعودين وينكم!!؟؟؟؟

[Suzana]

شنو المشكلة هسة؟ اتركيه والمدير مراح يعرف او اخبريه بالحقيقة هع ... مايفتح الفيسبوك اتركيه لصاحب الامر او صاحب الايميل هو يسترجعه..وتنتهي المسئلة

[pretty osa]

شنو المشكلة هسة؟ اتركيه والمدير مراح يعرف او اخبريه بالحقيقة هع ... مايفتح الفيسبوك اتركيه لصاحب الامر او صاحب الايميل هو يسترجعه..وتنتهي المسئلة

هيه هم هيج

[Samer]

السلام عليكم

للاسف ماكو حل ممتاز، اللي يبعث طلبات صداقة هواي، الفيس بوك يعاقبه انه يخلليه يمر بمرحلة (تحقق) يريد يشوفه يعرف الاشخاص اللي دا يضيفهم لو لا

اللي يزيد الأمر سوء .. انه الفيس بوك يعتمد على خاصية (الاشارة) بالصور، من تشير لشخص معين بصورة معينة، يتوقع الفيس بوك انه الاشارة صارت على (رأس الصديق) بينما بالغالب الاشارة تكون على صور ترفيهية او ما تحتوي (رؤوس الاصدقاء) و النتيجة أنه الشخص اللي يمر بالتحقق ما راح يكدر يعرف كل صورة منو مأشر عليها


بحالات مشابهة، مجرد الاستمرار بـ (محاولة) التعرف على الصور (حتى لو مانجحتي بالتعرف) .. راح الفيس بوك يرجع الحساب ... ، حاولي يومية مرة الصبح مرة بالليل وهو راح ينفتح بالنهاية

ممكن ايضا الاتصال بفريق دعم الزبائن الخاص بفيس بوك عن طريق هذا الايميل

appeals@facebook.com
او عن طريق هذا النموذج:
http://www.facebook.com/help/contact...60749603972907

وتذكرين بيه كل المعلومات الخاصة بالحساب بداخل الرسالة (الايميل الخاص بحساب الفيس بوك المغلق) وايضا تذكرين بيه بلغة فصحى عربية واضحة (الافضل انجليزية) المشكلة اللي دا تصادفيها و سببها .. بالضبط مثل ما سولفتي النا .. وتقدمين كذلك تعهد إلهم بعدم محاولة اضافة المزيد من الاصدقاء مقابل ارجاع الحساب، و اذا كان ممكن ارفاق هوية او بطاقة تعريف رسمية يكون افضل

هذا كل اللي اعرفه .. تحياتي

[نـــائل]

انطيني اليوزر والباسوورد واني احل المشكلة من الاساس

[Muntader]

اختاري استرجاع عن طريق الموبايل
ودزي رساله للشركه اذا كنتي من مشتركي زين العراق يمكن الاشتراك بالخدمة عبر إرسال 1 أوf إلى 6222 علما ان سعر الخدمة 600

اسياسيل
إرسال العدد "1" أو الرمز "F" إلى الرقم 1430،
وطبعا هذا موضوع همين لسامر حول كود التحقق
http://www.dorar-aliraq.net/threads/83746

[pretty osa]

والله معرف شلوون اشكركم . بصراحة بعد محاولت بس راح اجرب . مشكورين