what the ..?المشاركة الأصلية كتبت بواسطة زاهد
مش طبيعي التعليق منين ماجيبه انصدم .
what the ..?
مش طبيعي التعليق منين ماجيبه انصدم .
..
اذا عندك اربع جيران وكل واحد مأذيك شكل واجيت اني وكتلك هذا افضل جار عندك لان جاي يأذيك بشكل اقل شنو تكول لي ؟
.جاي تقارن بين جحيمين وبين شياطين عزيزي
.ثم انت بالمنطق والعقل منو المستفادة من الانهيار العراقي ؟؟
االسعودية الأولى بالنفط عالميا؟؟؟؟؟
بالمناسبة حتى اكدر اكمل نقاشي وياك شنو جنسيتك ؟اذا عراقي ف الحجي يختلف
what the ..?
مش طبيعي التعليق منين ماجيبه انصدم .ويلي اكتب وامسح صارلي ساعه شكتب هسه فهمني
تحميل ايران ( وحدها ) مسؤولية خراب الوضع العراقي .. سالفة مو صحيحة
لكن بنفس الوقت .. نفي انفرادها بمسؤولية هذا الخراب .. ما يعني تبرئة ساحتها
بعد سقوط نظام صدام ... ونشوء نظام جديد بالعراق .. هل كان من الممكن لهذا النظام ان يكون نظام متعافي دون الاعتماد على دول الاقليم المجاورة ؟ ودول المجتمع الدولي ؟ ... ودون تعاون شعبي داخلي ؟
اعتقد الجواب هو .. لا غير ممكن ..
هسة نجي نتابع هاي الاطراف ونقيس مدى صدقها في بناء عراق متعافي ..
ونبدي من ايران .. (لأن موضوع النقاش عنها مو عن الاطراف الاخرى )
هل كانت السياسة الايرانية ... تدعم بناء دولة قوية مجاورة لها ..؟
او كانت تدعم بناء دولة قوية حليفة لها ؟
او كانتتدعم .. بناء سلطة حليفة لها ؟
كل المؤشرات اللي يذكرها محبوا ايران .. وخصوم ايران تشير للمعنى الثالث
طيب ... وبقية دول الاقليم .. ؟ .. نعم .. كان لهم نفس الهدف
بناء سلطة حليفة لهم ... وليس بناء دولة
وهذا من اهم الاسباب اللي جعلت الوضع العراقي .. مريض من جميع النواحي
زين ... شنو اللي يخلي دول الجوار عل اختلافها ... تتفق على هذا المعنى ؟
الجواب هو بكلمتين ... النفوذ .. السوق ..
هذني الكلمتين .. يمسن عمق الحاجة الايرانية بالخصوص .. بحكم الجوار .. والوضع السياسي الايراني وي بقية دول العالم
طيب والعامل الشعبي ؟ ... وين دوره
وهنا تجي الطامة الكبرى ...
من محيطك المجاور صار قطبين بحكم مصالحه وبدا يشتغل عل هلاساس .... عمقك الداخلي .. تأثر وبقوة
وصلة لحم .. وجاي يجرّوها نابين باتجاهين ..
قسم جبير من الطبقة السياسية الشيعية .. اتخذ الجار الايراني ملاذا وحاميا
وقسم موازي له من الطبة السياسية السنية اتخذ الجار الخليجي .. ملاذا وحاميا
فشفنا نتيجة هلاستقطاب السياسي ... استقطاب طائفي ... تطور وصار .. صراع سياسي طائفي
بس ما تحول الى حرب اهلية ... وانما حرب تدعي انها اهلية وهي ليست كذلك ..
كل ما نتج عن هلوضع النشاز ... من خراب .. وفساد .. وتخلف نظم الصحة والتعليم والاقتصاد والجيش
يتحمل الجميع مسؤوليته .. الى الان ..
والحل ..
الحل .. بسيط جدا .. لكن صعب جدا
مؤتمر .. اقليمي برعاية دولية .. لاعادة ترتيب الوضع العراقي .. والتخلي عن مطامع النفوذ والسوق الى حين قيام دولة بالعراق
وبعد ذلك .. كل شي يرجع طبيعي .. حالنا حال عباد الله ..
بس ..
منو راح يتخلى عن هذا كله ... ؟؟!
ولا نفر .. وعل كولة الحكيم الهندي ...
دنيا زين .. بس .. نفرات مال دنيا (ـــــــــــ)
الموضوع جدًا اتشعب وبصراحة ممفهومة الاراء
لو يكون النقاش بشكل منتظم كل واحد يأخذ حقه بالمشاركة لوقت محدد ويجي اللي بعدو
المهم , اني عندي سؤال هسه احنا ناس تكول ايران وناس تكول مو ايران
وفقار يريد دليل , زين يا فقار الدليل الاعضاء راح يجيبوا من الاعلام وانت تعتبر الاعلام مزيف
ممكن توضح أي مصادر تريد
أما عن المنطق والواقع أو الشي اللي نشوفه كأُناس بسطاء تدخل ايران نابع من الاحزاب اللي ولاءها لايران
وايضًا جزء كبير من الشعب ولاءهم لايران
عندك مثلاً تحرير الموصل يتغنى الشعب بدور ايران بالتحرير لكن غاب عن بالهم ان الحشد تأسس من اول مدخلوا داعش
والبلد كان بي جيش بالاضافة للحشد ومع ذلك بقوا داعش بالموصل سنتين وعجز الحشد والجيش بجاهزية دولة ان يحرر محافظة من مجموعة ارهابية
الى ان تدخل طيران التحالف , بس اريد افهم ايران شنو دورها ومنو سمح الها تدخل من الاساس !!!
عندك مقتل سليماني اللي نص الشعب اعلن الحداد عليه واعتبر القصف من قبل امريكا تدخل بالسيادة العراقية
لمجرد انهم يدافعون عن واحد ايراني لكن نسوا ان السيادة العراقية انتهكت من دخلت امريكا وسقطت صدام
هنا اعتبروا تحرير لكن قتل ايراني يعتبر انتهاك للسيادة !!!
ايران منطية لنفسها اهمية اكبر من حجمها بسبب بعض العراقيين والاحزاب
تصفي حساباتها ويه امريكا على ارض العراق وتدافع عن المذهب على ارض اليمين من خلال الحوثيين
وغيرها من المليشيات التابعة الها وتزويدها بالسلاح الهم وحتى الحشد استغلته والان الحشد ان كان جزء منه ولاءه للمرجعية وجزء اخر
تطوع بسبب المادة فحاليًا الحشد اغلبه ولاءه لايران لان تم استغلاله واصبح ميليشا
بكل الاحوال لو بس العراقي يهدأ ويحترم بلده ماكان احنا الان بنقاش حول البحث عن ادلة تدخل ايران او عدم تدخلها
هاا وبالنسبة للقناصين اللي قتلوا الشباب المتظاهرين طالما الاحزاب ولاءها ايران فالقناص موبعيد يكون ايراني الهوى !
وين راح فقار ..؟؟؟
يجيك واحد ويگلك .. لولا ايران چان متنه من الجوع ..
ياعمي ايران ماتنطينه بلاش ..
يعني مامتفضلين عَلينه ..
( بفلوسنه ) ..
شي ثاني .. يجيك واحد ويگلك .. نهاية امريكا راح اتكون على ايد ايران ..
چا اشوكت اشوف نهاية امريكا على ايد ايران ..؟؟؟
وشمتانين اذا عدهم هيچ اسلاح يتناطح مع امريكا ..؟؟؟
خاف اموت وما اشوف نهاية امريكا على ايد ايران ..
ربِ خليني عايش حته اشوف النهايه ..
شكراً لك فقار على الطرح ..
اهلا بالكبير نيو
قراءتك وتحليلك بي الكثير من الحكمة
والحقائق الدامغة
الي محد يكدر ينكرها
الي انت شفتها بعين محايدة تماما
وعرفت وين العله
اشاطرك الرأي قلبا وقالبا
ممتن على هذا المرور الفطن
مودة
اسمحلي اضيف و أحاول ان ما اكول احنا دنضيع وقت بالبحث عن الدليل
لكن خليني اكول ممكن هذا الموضوع ينور البعض و يبدأ بزرع بذرة الولاء للوطن الى ان تكبر
و ما راح اطلع عن فكرة الدليل , قبل قليل كنت اتحدث مع احد الزملاء وانفتح موضوع سليماني وامتد الحديث
كال اني عندي دليل ان ترامب هو من صنع داعش و ببداية وجود داعش كانوا المؤيدين لامريكا يكولون
عدنا دليل ان ايران هي السبب بوجود داعش واخرين يكولون العرب يزودون داعش بالسلاح و البعض يكول اسرائيل هي السبب
وضاع الحابل بالنابل , زين احنه وين احنه شحصلنة !
احنه دورنا ان نشوف حكومتنا توجهها وين , الاحزاب السنية امنيتها ترجع مجد السياسة والحكم للسنة
والاحزاب الشيعية لو تموت متنطي دفة القيادة أو الاصح لو يموت الشعب
لذلك ولاءها لايران وايران همها ولاية الفقيه و المذهب ومستغلة الوضع واحنه دندور على الدليل
اللي يبرأ ايران ويدين غيرها أو العكس
للأسف وبصراحة موضوعك غير موفق هذه المرة يا فقار كعراقية ميهمني براءة ايران أو لا
اللي يهمني هو تخلص العراق من الاحزاب الفاسدة اللي ولاءها معروف المن وهي اللي
مدتنطي مجال للشعب ان يتنفس ويتظاهر ويختار مصيره لذلك دورنا ان نحارب الاحزاب
حتى وان محققنا شيء لان الحياة دون كرامة متسوة !
منو كللك العراق ما بي زلم واحنه ننتقص منهمتخمين حلو
بس عندي سؤال
ليش تنتقصون من القوات الامنية
ومسويهم دجاج
وماعنده زلم ونروح نجيب من ايران
يا اخي هذا مفهوم خاطئ
يولد اشياء مو حلوة بالاجيال القادمه
يعني انت بنظرك
اي شخص ضد المتظاهرين
معناها ويه ايران .
هو هذا الجان يريد يوصله الجوكر الامريكي او بالفعل وصله
وزرع بعقول العراقيين هاي الفكرة
يعني لو اعوف الحرامي يجي يبوك البنك المركزي بحجة متظاهر
لو اني ولائي ايراني
نورت ابو حسين الغالي
وثاني شي ما كلنه الي يضرب المتظاهرين هي ايران فقط بس وضحتلك كلتلك اكو حاضنه ودعم معنوي ومادي لاشخاص عراقيين وولائهم ايراني او امريكي يعني المهم يسقط المتظاهر السلمي
اما شغله الجوكر ومع الاسف هل مفهوم الخاطئ تره تسمية جوكر اجت من فلم الجوكر المعروف والجوكر طلع يتظاهر ع السياسة الظالمة ف تسمية جوكرية مو غلط ولا عيب
الخلاصة يا حبيب يا فقار بما انه العراق محكوم من دول الجوار وتتحكم بي امريكا من جهه وايران من جهه ف من المستحيل يفرطون بهذا الحكم بدون ما تجري دماء ،، والله كريم
عاشت ايدج واحب اضيف اكثر المشكلة نصفها يم الاحزاب والنص الاخر يم الجهلة اصحاب العقول المنغلقة الي لحد الان اذا تكوللهم شفت الحمزه هو وحصانه يقاتل ويه الحشد يكلك اللهم صل على محمداسمحلي اضيف و أحاول ان ما اكول احنا دنضيع وقت بالبحث عن الدليل
لكن خليني اكول ممكن هذا الموضوع ينور البعض و يبدأ بزرع بذرة الولاء للوطن الى ان تكبر
و ما راح اطلع عن فكرة الدليل , قبل قليل كنت اتحدث مع احد الزملاء وانفتح موضوع سليماني وامتد الحديث
كال اني عندي دليل ان ترامب هو من صنع داعش و ببداية وجود داعش كانوا المؤيدين لامريكا يكولون
عدنا دليل ان ايران هي السبب بوجود داعش واخرين يكولون العرب يزودون داعش بالسلاح و البعض يكول اسرائيل هي السبب
وضاع الحابل بالنابل , زين احنه وين احنه شحصلنة !
احنه دورنا ان نشوف حكومتنا توجهها وين , الاحزاب السنية امنيتها ترجع مجد السياسة والحكم للسنة
والاحزاب الشيعية لو تموت متنطي دفة القيادة أو الاصح لو يموت الشعب
لذلك ولاءها لايران وايران همها ولاية الفقيه و المذهب ومستغلة الوضع واحنه دندور على الدليل
اللي يبرأ ايران ويدين غيرها أو العكس
للأسف وبصراحة موضوعك غير موفق هذه المرة يا فقار كعراقية ميهمني براءة ايران أو لا
اللي يهمني هو تخلص العراق من الاحزاب الفاسدة اللي ولاءها معروف المن وهي اللي
مدتنطي مجال للشعب ان يتنفس ويتظاهر ويختار مصيره لذلك دورنا ان نحارب الاحزاب
حتى وان محققنا شيء لان الحياة دون كرامة متسوة !
.. الجهل لو نتخلص منه والشعب يصير واعي بهذاك الوقت نكدر نغير اكبر حكم سياسي وبوقت قصير جداً
