هنا

[فقار الكرخي]

انت تقول ان كل حاجة نرميها على ايران طيب سؤال على الماشي الان امريكا قصفت مقرات الحشد الشعبي وقبلها قصفت عين الاسد واغتالت كبار شخصيات ايه دخل ايران في الموضوع وليه الحكومة العراقية تستدعي سفير امريكا وايران وليه اعتبرت الموضوع تصفية حسابات على أرضها ان كانت ايران كما تقول لا دخل لها ولا يد لها ولا وجود لها في العراق
واليوم قرأت في تويتر // خبر يشير إلى موت الجنرال ناصر شعباني بفيروس كورونا كوفيد 19.
وهو من جنرالات الصف الأول في قوات الحرس الثوري الإيراني
وصاحب تصريح : إن الحرس الثوري وجه أوامر للحوثيين في اليمن باستهداف ناقلتي النفط السعوديتين ففعلوا ذلك
هذا باعترافه هو انه يوجه اوامره للحوثين وهم ينفذون اوامره
الخبر موجود في حساب ايراني وليس من حسابات عربية خليجية
هذه قليل من كثير
وأكبر دليل على ان الاعلام لم يظلم ايران ولم يشنع عليها بما ليس فيها الوضع في العراق وسوريا ولبنان واليمن
و من لا يعرف عدوه من صديقه فليتحمل نتائج جهله وسوء تقديره

اهلا بالطيبه سارا

ايران قصفت عين الاسد بسبب امريكا التي اغتالت سليماني
الذي جاء للعراق يحمل رساله للحكومه العراقية وبعلمها

فعندما لم يقم العراق برد الاعتبار للضيف
قام اهل الضيف بالانتقام لأبنهم



اما الحساب الايراني
ترة مو صعبة اسويلي حساب ايراني
وابدي انشر اليعجبني.

وماكو احد يجيب التهمه النفسة لو نجي نحسبها بالعقل

بس من نجي للواقع
احنه دنشوف الطائرات السعودية تقصف
ودنشوف معسكرات كامله يتم أسرها
وعند ابراز هوياتهم يضهر انهم سعوديين
واذا تريدين دليل على كلامي اني حاضر صوت وصورة


اما نجي نعتمد على كلام من حساب وهمي او مغرض
هذا لا يمكن ان نستند له ونأخذه كحقيقة




نورتي الكون يالغلا

[فقار الكرخي]

المشكلة الحقيقة مو بالشعب وانما بالشخصيات الحاكمة للسلطة يعني الدولة
تكدر تجيب الي يعجبها ايراني او افغاني او هنددي مثلا بس بأعتبار العراق بوابة لايران حتى توسع نفوذها فـ اتخذت من سياسيي السلطة في العراق ذريعة حتى تتقدم وتثبت وجودها بالمنطقة
لذلك وارد جداً تلكه قناص ايراني او عراقي الجنسية لكن ولائه ايراني يعني (خائن للوطن)

تخمين حلو

بس عندي سؤال

ليش تنتقصون من القوات الامنية
ومسويهم دجاج
وماعنده زلم ونروح نجيب من ايران
يا اخي هذا مفهوم خاطئ
يولد اشياء مو حلوة بالاجيال القادمه

يعني انت بنظرك
اي شخص ضد المتظاهرين
معناها ويه ايران .

هو هذا الجان يريد يوصله الجوكر الامريكي او بالفعل وصله

وزرع بعقول العراقيين هاي الفكرة


يعني لو اعوف الحرامي يجي يبوك البنك المركزي بحجة متظاهر
لو اني ولائي ايراني





نورت ابو حسين الغالي

[راهب]

مرحبا ...
انت اترك هذا كله ... واتصور العراق دولة قوية ذات سيادة كاملة ومحد يندك بيها ... وارسم ملامح المنطقة بخيالك ... شوف الوضع شلون يصير ... واحكم على الواقع الآن ...
مع المحبة .

[فقار الكرخي]

حجي بشيء مختصر جدا
العالم منقسم الى قسمين
قسم موالي لامريكا وحلفائها وقسم موالي لروسيا وحلفائه
اذا القطبين الاكبر في العالم هما امريكا وروسيا
حاليا ايران تعتبر حليف لروسيا ضد امريكا اما السعودية مثلا تعتبر حليف لامريكا
لذلك كل دول العالم اما تكون مع روسيا او امريكا
بما ان ايران بلد اسلامي شيعي وتحكمه ولاية الفقية
يعتقد الولي الفقية ان مساعدة اخوانه المسلمين في العالم من شأنه والدفاع عنهم وعن مصالحهم
لذلك ايران الداعم الاكبر للقضية الفلسطينية على عكس الدولة العربية الخانعة
اليمن تعتبرهم مظلومين واضدهدهم وقتلتهم السعودية وحلفائهم من الخليج لذلك يمدونهم بالقوة والسلاح
لبنان كذلك والعراق ايضا وعلى هذا الاساس كل جماعة اسلامية او دولة سكانها مسلين تندد بالتحالف الامريكي
تكون ايران حليف وصديق لها لان عدو عدوي صديقي.

بعض الحالات التي تحدث في العالم يكون هناك بالفعل تدخل ايراني بالمنطقة على الرغم من التدخل الامريكي الاكبر
لكن لايردون ايران تتدخل بشؤون المنطقة لانهم يعتبرونها العدو اللدود.
بما ان السعودية الحليف الاكبر للتحالف الامريكي لذلك نجدها الند الاكبر لايران وتجعل كل مشكلة تحدث في الشرق
الاوسط سببها ايران.

عذرا على الاطالة والسلام

كلام عاقل جدا
وتحليل منطقي



نورت الكون يالغالي

[فقار الكرخي]

اسمحلي اتدخل
ممكن توضح لي شلون ؟وشنو قدمت الجارة العزيزة النا؟
بخبر كان؟عساس احنا برفاه ونعيم حاليا؟ احنا كان وخبرها بالمناسبة اذا انت عايش بالعراق يعني.

اتوقع جان يقصد
لما السلاح الي باعته النه ايران
ولما خبرائهم العسكريين
جان هسة ولا بقعه من العراق خلت من جهاد النكاح
ولجان الان النساء يبيعون بيهن بسوك هرج 3 بربع

[فقار الكرخي]

فقار حچیک عین العقل ۱۰۰%
یعنی الامارات الکویت و اکثر الدول العربیه کلما صار بیهم کرونا گالو زوار اجت من ایران بابا هذا کرونا طاش بالدنیا کلها مو معناته ایران ناشرته و احنه منین اجتنا های المصیبه الصین تاکل سحیر اللیل(خفاش) مادری شتسمونه بلغتکم و احنه مبتلین

والله يا اميره
اني من البارحه لليوم اريد اوكع عالعلة
مجاي الكاها
سالفة فائق الشيخ علي

اجتي الصناديق
راحت الصناديق
قفلو الصناديق
فتحو الصناديق
شني هاي انعل ابوكم لابو حتى الصناديق


نريد نعرف الحقيقة لا اكثر
اني لا احب ايران ولا اكرها
ولا ابوية ايراني ولا خالي
لا مأذيني ولا فايديني
لا راتبي منهم ولا عيشتي عليهم الله وكيلج محمد كفيلج

بس شكو بيها نتعلم ونعرف الحقيقه
قابل حرام ؟
زين يجوز اكو غير ايران ديسوي هاي الشغلات
وعندة اعلام قوي
وجاي يذبها براس ايران ؟
لا ويجوز هم ايران سبب المشاكل
فهذا الموضوع اليحجي بي كون عندة ادلة حتى نعرف




نورتي يغالية

[فقار الكرخي]

خرب .. بلوزي ضاع هاي ايران ، موبايلي خلص شحن هاي ايران ، لك لااا المركة احتركت عالنار هاي ايران تآمرت علية وحركت مركة اليابسة اللي احبها ، ابوية ضيع مفاتيح سيارته هذا ايراني عميل باكه، يا عمي شوية اعقلو يعني العالم كله من ايد ايران ؟ لعد باقي الدول شيسوون ؟ يلعبون توكي ؟

هو اني هم دافكر مثلك
ولهذا نريد نوكع عالعله وين


ابو فلاح الغالي نورت

[فقار الكرخي]

اكيد سياسيي ايران وحكومتهه وليس الشعب الايراني المغلوب على امره

شبيهم سياسيين ايران
شنو سوو

عندك شي تشوفنه
لو هيج مجرد سامع ؟




نورت اخوية الغالي

[فقار الكرخي]

مرحبا ...
انت اترك هذا كله ... واتصور العراق دولة قوية ذات سيادة كاملة ومحد يندك بيها ... وارسم ملامح المنطقة بخيالك ... شوف الوضع شلون يصير ... واحكم على الواقع الآن ...
مع المحبة .

هواي صفنت على كلامك
كو افتهمته

طبعا المعادله خرافية
والبلاغة بالدليل
حسمت الأمور


العزيز راهب
نورت الكون يالغالي

[basher4]

المشكله( الرأي) هنا يجابه بجمله من الاقتناعات الراسخ لايمكن تغيرها ويبدو هي اس المشاكل في العراق....
يبدو الأمر بالطريقه التاليه
نحن قوم لانرتضي السلطه لغيرنا
ومن هذا المنطلق بات واجب أن نبين الأمور التاليه
من فلش الحكم السابق في العراق
بس لاتقولون مو اميريكا
دوله مثل الجمهوريه الاسلاميه
حاربت بلد ثمان سنوات بكل ماتملك من موارد بشريه واقتصاديه انهك قواها
كيف ترسم خططها لتلك الدوله
بس لعبالكم احتضان المعارضه وكل ما من شأنه الاستقواء به
عاطفه جياشه للشيعه ايباه شكد احنا بسطاء، لعد الأسرى الثمانين بالميه شيعه شنو هذوله مو اوادم من انلعب بيهم طوبه، وترى قسم منهم موجودين لحد الان، شني هاي ماموجودين ومجرد ادعاء خير انشاء الله تجيك الأخبار الدنيا ما راح تنقلب هل الايام عدها ويانا شويه أمور تخلصها
مدري وين أسمعت انه اذا تحاربت إيران والعراق اطبك ويا إيران شني هاي هم هاي واكفه
سبحان الله بنظر إيران بس الشيعه اسلام وواجب المساندتهم
له له ليش وباقي الاوادم شنو بوذين وعود ليش دائما احباب إيران مايعتدون على احد وخطيه لازمين الكاع اصلا حتى بالبحرين ما رايدين حكم رايدين بس شويه فگر لأن البحرين موزنبيق
نرجع الفساد المالي
هسه احنا ليش نطيح حظ السالفه مو حتى انا الأمي دريت
زين إنجازات المزارات ودخل الاضرحه شنو سياديه وزاره ليش محسوره بجه معينه إذا هيج نفط هذا الشهر محد يذوق فلس كله للبصره دبرو نفسكم
الأشخاص محترمون من المرجع السيد الأعلى إلى آخر انسان نزيه على هذه البقعه من الارض
الحجي مو هنا الفاسد فاسد
لأن القاصه بيدمن يابعد روحي مو يمهم تعال حاسبوني من ألفين وثلاثه لليوم والحرامي الله يذبه ترى بالنار
زين الأكراد شبيهم خوش بنيان عندهم وخوش ترتيب
ها يبوكون ومينطونه نفطهم
اها يبكون ويرتبون
ماشي بوكو نهبو وبطريقكم فد شكم ناطحة سحاب وآلله كرهت نفسي من اشوف بنيان الخليج
ها تابعين وقرارهم أمريكي
تعالو ارجعكم قبل دخول القوات الامريكيه وخل واحد يستر يطب العراق
زين هاي هم شويه قاسيه
خمس دورات برلمانيه ولي هسه
دايخين برئيس وزراء
شني هاي منعرف نحكم لا ما اسمح نحكم ورده
اشوف اني نفسي حيل متعصب لإيران وكل تصرف يصدر منهم أخذه بحسن نيه وأمريكا خل تطلع بره والأكراد مدا يحترمون مقدساتي والسنه خل يروحون عني حتى اشوف شغلي واي واحد ينتقد الحكومه عنده غرض بداخله وميحب العراق
واحنا دوله مو الأول بالفساد ولا عندنا اغتيالات ولا ضرب بالگصه
كل هذا الحجي ما بيه اي دليل
اصلا إلى متعاديه أمريكيا مو وطني واحنا من استعانينه بأمريكا حلال لأن الله يحبنا ويحلل النا ما لا يحلله للاخرين
شلون هذا الحجي مايصير عيب من الجمهور.. زين اذا عمرك شكم شهر شلون راح تعرف تفسر الأحداث وغيرك غركان بيها للهامه
مو هيج الحجي عمي خلونا نخلص من هل الورطه
ترى الطب مشتغل بينا صيف شتا
ها طولت بالحجي.. شمدريني غير أصدقائي واسولف خو ما كو غريب... خوش يعني بيت واحد...