عوف ايران ... وتعال كابلني
عوف ايران ... وتعال كابلني
نورت حبيبي بشيرالمشاركة الأصلية كتبت بواسطة basher4
وخل افيدك بمعلومه عن السلاح
الي انت تكول احسن سلاح مايطول عشرين سنه
البندقية الروسية صناعتها ب 1941
ولحد الان هي مصدر تسليح القوات الامنية العراقية
عدى الجيش الي قبل فترة استلم الجيسي الامريكي .
احجيلك اني رجل امن مو من جيبي
حتى هم تصحح باقي المعلومات يرادلك تبحث عن ادله
سالفة السلاح خلصناك منها
اما يجيني شخص ويجيب ويشمر بدون دليل
يجوز عقلك يقنع بهيج شي
اني هيج امور اعرف غرضها الحقيقي
متدخل بعقلي
يعني وين مشكلة الدليل
واحنه نعيش بزمن الانفتاح والتكنلوجيا والتصوير وغيرها .
الله انطاني عقل
ليش ما استخدمة ؟
الامام علي عليه السلام يكول
بين الصدك والجذب اربع اصابع
بين سمعت بأذنك
وبين شفت بعينك
مو جانو موهمين الناس قبل
بأن الامام علي لا يصلي
وهاي العالم مصدكة
شنو هسة لبسو عمايم كامو ميجذبون لو شنو ؟
على كل حال
اني مجاي ادافع عن ايران
بس ردت اعرف الحقيقة
نورت حبيبي بشير
على مرورك الجميل
هذا الرمان ايراني
عوف ايران ... وتعال كابلني
ويسوي عقم
كون متتهنه بيها
وتطلع حامضه
شهيتني
انت دووووم تتنسى هههعهذا الرمان ايراني
ويسوي عقم
كون متتهنه بيها
وتطلع حامضه
شهيتني
هي حامضه وداعتك
اكيد الكل يعرف هي امريكا عدوة الشعوب
ولا يوجد عراقي شريف يزاود على
ابناء وطنه سواء كان حشد او باقي صنوف القوات الامنية
نورت الكون يالغالي
أكدو الي لاحقو أبنائهم أشخاص من سرايا الخرساني وكانو ايرانيين أكثر من اب وام للجرحى أكدو هذا الشيء ..
زين هذولة الجرحى
جانو كاعدين يم القناص لو شنو ؟
زين اذا هيج قريب بصفهم القناص
ليش ما لزمهم او ضربهم بتوثية
وليش
من هيج هم قريبين
عليمن هالقناص جايبي من ايران
يعني العراقيين شبيهم مكرمين ؟
هاي على اعتبار انو المصابين جانو بصف الخرسانيين وعرفوهم ايرانيين
والا شلون عرفوهم ايرانيين ؟
زين محد صورهم ؟
اختفت الكامرات والموبايلات ؟
زين هذا شنو قناص لو يبيع مشمش
قناص جايبي من ايران وصارفين عليه فلوس وبالك عنه
وتالي يضرب متظاهر وتجي بالريش
ويضل عايش ؟
متشوفيها افلام مركبة ؟
وللعلم سرايا الخرساني كلهم عراقيين
وقائدهم هذا ابو عمامه هم عراقي
وهاي سالفة المظاهرات بعيني شايفها وحاضر بيها
وباجر الله يحاسبني على كل شهادة زور
من بدت التظاهرات لحد ما قتلو الطفل بالوثبة اني مواضب عالتضاهر وياهم
التحجين عنه ماشفت منه شي
واذا اكو عندج دليل نزلي وخلي الناس تشوفه
نورتي الكون يالغالية
الخلل بينا اذا جان ولاء الحكومة خالص للشعب ممكن وضعه الاقتصادي على الأقل يكون زين . إذا تكول منو يكول هالمليشيات او الاحزاب هي تابعه لإيران ف اكو فيديوهات وصور تبين رؤساء هالمليشيات هما جانو بالحرس الثوري الإيراني وهسه جاي يحكم بالعراق ف اكيد هوا بلا وطنية ولا انتماء لبلده، إيران حاكمه للعراق اذا تسمع اخبار ف اغلب مصانعنا مسدودة حتى الاستيراد يبقى لصالحهم وسبب ماكو دعم من حكومتنا حتى متضرر إيران الشقيقة '-' وهي تتحكم حتى ب تنصيب او اختيارات الرؤساء النا واذا تريد دليل كلش قريب هوا صورة للسفير الإيراني لمن اختاروا توفيق علاوي واضحة كلش بالمرايا والكل انتبه عليهابرأيك شعنده وياهم
والشي الثاني أمريكا مستغله هالوضع الي نمر بي من إحنا منستقر سياسيا واقتصاديا هذا يكون من مصلحتها لانها ممعترفه بينا ك دولة تشوفنا فصائل و مجموعات منقسمة وحكومة فاشلة وفاسدة واي تدخل من طرفهم ف اكييد ١٠٠ ٪ هو مايوم جان لمصلحتنا
باعتبار الولايات المتحدة الامريكية الحّمّل الوديع خطية ما مشاركين بتدمير دول امريكا اللاتينية ووسط آسيا وأفريقيا والشرق الاوسط والشواهد التاريخية كثيرة من حروب الهند الصينية الى دعم الكيان الصهيوني الى عمليات الاغتيال للاحزاب الشيوعية في امريكا اللاتينية المعروفة بعمليات الكوندور الى فرض حصار اقتصادي على العراق ثم حرب الصومال والحبل عالجرار
مالي خلك احجي
بس هذا كلام قليل
فقار انت تريد دليل
الدليل منين اجيبه ؟ اصيرلك دليل سياحي
المهم كل شخص ديفسرلك الامور من جانبه الشخصي وحسب فهمه ومتابعته للاحداث
وانت ما تقنع بدليل لا من قناة عربيه ولا قناة اجنبيه واني اتفق وياك بأن الاعلام ينشر لمصلحة بلده يعني امريكا ايران هذا قصدي
فهنا ماكو احد راح يكدر ينطيك دليل قاطع لان هو ما متواجد بغرف الاجتماعات التي يناقش فيها امور سلب وسرقة خيرات العراق
امريكا لعبتها كبيره وتشتغل لمصالحها
ايران كذلك تشتغل لمصالحها
وبالنسبه لداعش دخوله مو علمود العراق وانما علمود ايران بسبب النووي وعدم الاتفاق عليه
منو اللي سوه داعش امريكا ودعم امريكي اسرائيلي سعودي
فنوصل لنتيجه ايران غصبا عليها راح تبيع سلاح للعراق علمود داعش متوصل الها ( تبيع سلاح ) يعني مو مساعدات بالمجان اضعاف فلوس اخذو علمود تجهيز السلاح للعراق
بما أنُ ايران مسيطره ع العراق قبل لا تصير المظاهرات ليش ما دعمت الحكومه بتحفيز دور الصناعه العراقيه ؟ حته يزيد من اقتصاده ليش ؟
حته يمشون بضاعتهم ع العراق بسبب العقوبات الامريكيه عليها ( عايشين براسنه )
نرجع لأمريكا اكثر من مقطع شايف لترامب يكول اكبر غلط طلعنه من العراق كان من المفترض ان نأخذ النفط منه
هاي مالي خلك بس اخذني الواهس وكتبت شويه اكثر
كلامي من رأي وفهمي الشخصي بدون الاستناد لكلام اشخاص او اعلام سوى كلام ترامب بخصوص النفط
ها تذكرت الحرب اقتصاديه والاقتتال ع العراق كله علمود خيراته
تحياتي
التعديل الأخير تم بواسطة حسين عباس. ; 14/March/2020 الساعة 1:44 am السبب: اللي يشوف سحكه يغلس
العراق حكومته ضعيفة وكل دولة لها مصلحة بيه تتدخل بشؤونه عن طريق الياخذ خاطرها بس ايران تدخلها واضح جداً وهناك أكثر من دليل يدين هذا التدخل ، العراق محتاج رئيس من سلالة رئيس كوريا الشمالية يخلي حد للجيران والشعب هماتين
# مالي علاقة بتدخلها بباقي الدول シ
التعديل الأخير تم بواسطة رحيـــل ; 14/March/2020 الساعة 2:40 am
