هنا

[فقار الكرخي]

الموضوع جدًا اتشعب وبصراحة ممفهومة الاراء
لو يكون النقاش بشكل منتظم كل واحد يأخذ حقه بالمشاركة لوقت محدد ويجي اللي بعدو

المهم , اني عندي سؤال هسه احنا ناس تكول ايران وناس تكول مو ايران
وفقار يريد دليل , زين يا فقار الدليل الاعضاء راح يجيبوا من الاعلام وانت تعتبر الاعلام مزيف
ممكن توضح أي مصادر تريد

منو كال ما اصدك ؟
اصدك حتى بقناة سبيستون
اذا كان بي صورة وصوت

بس مال صرح مسؤول رفض الكشف
عن اسمه
هذا شلون اصدك بي رحمه الوالديج

مو هي المشكله مو هنا بس
المشكله حتى احاديث يومية جايبين حديث
اني ليش ما اتحرى عن الحقائق بنفسي وين المشكله ؟
يعني اي شي ينحجي لو اصدك بي
لو اني عميل او من هالقبيل
ليش متشوفوني شي
يعني اذا هاي الدنيه كالبتها ايران
معقولة محد كدر يصورها ويوثقها ؟


أما عن المنطق والواقع أو الشي اللي نشوفه كأُناس بسطاء تدخل ايران نابع من الاحزاب اللي ولاءها لايران
وايضًا جزء كبير من الشعب ولاءهم لايران

يعني هنا اني اطرح عليج سؤال ؟
شلون عرفتي الاحزاب ولائها ال ايران ؟
مدتلاحظين اي قائد او اي رجل دين
او شخصية شيعيه
كبل لطشو ب ولائه ل ايران
ومن تكله وضحلي يضل يجيبها منا ويردها منا .



عندك مثلاً تحرير الموصل يتغنى الشعب بدور ايران بالتحرير لكن غاب عن بالهم ان الحشد تأسس من اول مدخلوا داعش

هو التحرير صار ورة ما تأسس الحشد
يعني مو قبله


والبلد كان بي جيش بالاضافة للحشد ومع ذلك بقوا داعش بالموصل سنتين وعجز الحشد والجيش بجاهزية دولة ان يحرر محافظة من مجموعة ارهابية

لا مو هيج المعادلة
الموصل يكدرون ب5 ايام يحرروها
بس تروح ضحايا هواي
وجان سلاح ماكو
وماكو دولة قبلت تبيع للعراق سلاح
فالعراق راح اشترة من ايران سلاح
وطبو حرروها
يعني هم مو بدو بتحرير الموصل
وضلو سنتين يالا حرروها
لا من بدت عمليات تحرير الموصل ماطولت هواي وتحررو


الى ان تدخل طيران التحالف , بس اريد افهم ايران شنو دورها ومنو سمح الها تدخل من الاساس !!!


ايران باعت للعراق سلاح
بوقت جان داعش واصل للتاجي
وكل الدول رفضت تبيع النه سلاح
بيش نقاتل بالتواثي

اما من سمح الهم بالتدخل
كان بطلب رسمي من الحكومه العراقية
ونزلو هواي بيانات تؤكد ذالك



عندك مقتل سليماني اللي نص الشعب اعلن الحداد عليه واعتبر القصف من قبل امريكا تدخل بالسيادة العراقية
لمجرد انهم يدافعون عن واحد ايراني لكن نسوا ان السيادة العراقية انتهكت من دخلت امريكا وسقطت صدام
هنا اعتبروا تحرير لكن قتل ايراني يعتبر انتهاك للسيادة !!!

هسه احنه منريد نكول خطارنا وجاي بنصنه وكتلو
ولا نريد نكول هو جاي برسالة للحكومه وبعلم الحكومه العراقيه
هذا معلينه بي
بس اكو عراقيين ماتو وياه
يعني من يموتلك واحد شتسوي غير تعلن الحداد لو تروح تلعب طاولي


ايران منطية لنفسها اهمية اكبر من حجمها بسبب بعض العراقيين والاحزاب
تصفي حساباتها ويه امريكا على ارض العراق وتدافع عن المذهب على ارض اليمين من خلال الحوثيين

شفتيلج ايراني يقتل باليمنيين
غير الطيارات السعودية التقصف ماكو
واحجيلج بالدليل اذا تريدي هم موجود
صورة وصوت


وغيرها من المليشيات التابعة الها وتزويدها بالسلاح الهم وحتى الحشد استغلته والان الحشد ان كان جزء منه ولاءه للمرجعية وجزء اخر
تطوع بسبب المادة فحاليًا الحشد اغلبه ولاءه لايران لان تم استغلاله واصبح ميليشا

الحشد او ماكان يسمى الحشد
هسة تابع للقوات الامنية حاله حال اي جندي او شرطي
واندمج وراح وبقت هاي الشماعه مال الاعلام


بكل الاحوال لو بس العراقي يهدأ ويحترم بلده ماكان احنا الان بنقاش حول البحث عن ادلة تدخل ايران او عدم تدخلها

ليش النقاش حرام ؟
يعني لازم شتكول الشرقية لو العهد اكول اي صح واسكت
ليش ما اتابع بنفسي واوكع عالعلة



هاا وبالنسبة للقناصين اللي قتلوا الشباب المتظاهرين طالما الاحزاب ولاءها ايران فالقناص موبعيد يكون ايراني الهوى !


هواي شفنه مقاطع فيديو بساحات التظاهر
اتحدى واحد يجيب مقطع يثبت ان ابو القناص من الاحزاب
هاي بس نسمع بيها
يعني شنو صعبة على الي يكتشف هذا القناص ايراني او من الاحزاب
صعبة عليه يصورة ويخلصنا
لعد الجيش وين

غالية نورتي الكون

[فقار الكرخي]

وين راح فقار ..؟؟؟

يجيك واحد ويگلك .. لولا ايران چان متنه من الجوع ..
ياعمي ايران ماتنطينه بلاش ..
يعني مامتفضلين عَلينه ..
( بفلوسنه ) ..
شي ثاني .. يجيك واحد ويگلك .. نهاية امريكا راح اتكون على ايد ايران ..
چا اشوكت اشوف نهاية امريكا على ايد ايران ..؟؟؟
وشمتانين اذا عدهم هيچ اسلاح يتناطح مع امريكا ..؟؟؟
خاف اموت وما اشوف نهاية امريكا على ايد ايران ..
ربِ خليني عايش حته اشوف النهايه ..

شكراً لك فقار على الطرح ..

هم هذولة اليهوبزون هم نفس اليصيح ايران دمرتنا

هم تلكا خابصنا
ايران عدها نووي
ايران تمحي اسرائيل
ايران عدهم المهدي
ايران قاتلو من اجلنا

نفس الطينن
ولهذا اني اريد اوكع عالعلة
ونطلع الجذاب الخابصنه بس بالهوسة



نورت ابو كرار الغالي

[فقار الكرخي]

اسمحلي اضيف و أحاول ان ما اكول احنا دنضيع وقت بالبحث عن الدليل
لكن خليني اكول ممكن هذا الموضوع ينور البعض و يبدأ بزرع بذرة الولاء للوطن الى ان تكبر
و ما راح اطلع عن فكرة الدليل , قبل قليل كنت اتحدث مع احد الزملاء وانفتح موضوع سليماني وامتد الحديث
كال اني عندي دليل ان ترامب هو من صنع داعش و ببداية وجود داعش كانوا المؤيدين لامريكا يكولون
عدنا دليل ان ايران هي السبب بوجود داعش واخرين يكولون العرب يزودون داعش بالسلاح و البعض يكول اسرائيل هي السبب
وضاع الحابل بالنابل , زين احنه وين احنه شحصلنة !
احنه دورنا ان نشوف حكومتنا توجهها وين , الاحزاب السنية امنيتها ترجع مجد السياسة والحكم للسنة
والاحزاب الشيعية لو تموت متنطي دفة القيادة أو الاصح لو يموت الشعب
لذلك ولاءها لايران وايران همها ولاية الفقيه و المذهب ومستغلة الوضع واحنه دندور على الدليل
اللي يبرأ ايران ويدين غيرها أو العكس

للأسف وبصراحة موضوعك غير موفق هذه المرة يا فقار كعراقية ميهمني براءة ايران أو لا
اللي يهمني هو تخلص العراق من الاحزاب الفاسدة اللي ولاءها معروف المن وهي اللي
مدتنطي مجال للشعب ان يتنفس ويتظاهر ويختار مصيره لذلك دورنا ان نحارب الاحزاب
حتى وان محققنا شيء لان الحياة دون كرامة متسوة !

بس اني كلش يهمني اعرف
منو سبب الخراب في بلدي

يعني صدك هذا الصار بينه سببه ايران
لو مجرد غاسلين ادمغتنا بالاعلام
ومغطين عالفاعل المخرب الحقيقي


زين اني ليش اشوف السجون العراقية مليانه عرب ؟
واغلبهم جايين انتحاريين
وحتى دولهم تبرت منهم .

زين اني ليش اشوف واسمع في بيت الله الحرام
خطيب يحرض على قتل العراقيين

زين اني ليش اشوف فلسطيني فجر نفسة بالسوك
وقتله 80 نفر


هم اريد اشوف بلاوي ايران اليحجون عليها
ترة الشغلة جدا عادية لارتنا الغالية

[فقار الكرخي]

منو كللك العراق ما بي زلم واحنه ننتقص منهم
وثاني شي ما كلنه الي يضرب المتظاهرين هي ايران فقط بس وضحتلك كلتلك اكو حاضنه ودعم معنوي ومادي لاشخاص عراقيين وولائهم ايراني او امريكي يعني المهم يسقط المتظاهر السلمي
اما شغله الجوكر ومع الاسف هل مفهوم الخاطئ تره تسمية جوكر اجت من فلم الجوكر المعروف والجوكر طلع يتظاهر ع السياسة الظالمة ف تسمية جوكرية مو غلط ولا عيب

الخلاصة يا حبيب يا فقار بما انه العراق محكوم من دول الجوار وتتحكم بي امريكا من جهه وايران من جهه ف من المستحيل يفرطون بهذا الحكم بدون ما تجري دماء ،، والله كريم

يا دماء ؟
بعد اكثر من هذا الدم الجره شيصير

زين متتفق ويايه العلة بينه احنه كشعب
احنه ننتخب العميل
واحنه نصير ادوات بيد الخارج

[هيلــه]

...

فقار انت إذ عرفت منو خرب بلدك راح تخرب بلده مثلا ؟؟؟

[صباح السراي]

حينما تعدد عدد من الاسباب التي تقول ان ايران هي من تفعل هذا
هذا الكلام لا يوجد فيه اي جدل
ايران منذ ان كان النظام السابق وايران هي مصدر المصائب لنا
في عام 1979 قامت بتفجير الجامعه المستنصريه
والاعداء الى الحدود العراقيه واذا عدنا الى التاريخ القديم فان مناطق عده هي اصلأ مناطق عراقيه صرفه لا جدال فيها
وايران هي من تحارب فالعراق بفضل الفصائل المواليه لها وهي من تدمر القتصاد العراقي بعمل ايدي العملاء من الساسه العراقيين
والسبب سيطرة ايران على كل مفاصل السياسه فالعراق
ومنذا 1\10 ولغاية الساعه والمظاهراة على قدما وساق نعم هناك بعض المندسين من الدول المعاديه للعراق ولكن هل من المعقول ان يصمد الساسه لولا الدعم الايراني لهم وبشكل كبير جدا

[Laraa]

غالية نورتي الكون

اي روح ابحث وحدك منو لازمك , بس اني اتسائل وين راح تبحث
معلوماتك ومصادرك منين تجيبها , ببساطة اذا انت مؤمن ايران مو هي السبب راح تمشي وره المصادر اللي تحاول تثبت هالشي
وغيرك يمشي وره المصادر اللي تسقط بايران , اما ان تبحث وحدك دون الاعتماد على الاعلام ومصادرهم يعني عفوًا شي ميدخل مخي
هو حتى الباحث من يكتب بحث يرجع للدراسات السابقة والمصادر المهم اكو نقطة بداية مو تروح من فراغ
أو تطلب من عدنا نروح نجيبلك دليل من فراغ , ثم اذا على التوثيق اذا انت متصدك بس بسبيستون شلون راح تصدك بوثائق ممكن تكون مزورة
وهذه الوثائق اكيد راح نجيبها من قناة اعلامية , فقار ليش تدور بدائرة مفرغة كلامك خيالي جداً وغير منطقي

اما شلون عرفنا الاحزاب ولاءها لايران , شو هي حتى بكورونا مغلقت الحدود بوجههم ودخول الزائرين مجاناً بمواسم اللطم
ثم باقي ردك يثبت ان ولاءهم و تمسكهم واليد المساعدة الهم هي ايران من خلال السماح بالتدخل الايراني حسب متكول
وشراء السلاح منهم ( تشتري سلاح من ايران وترفض باقي الدول تبيع للعراق لكن يجي التحالف يشارك بالتحرير , هاي شلون رهمتها مااعرف )

ثم اذا العراق ماعندو سلاح المن متطوعين الحشد شنو شايلين تواثي و يحمون المراقد حسب التفاسير الاولى السابقة لسبب وجود الحشد

اني كلت ايران تساعد الحوثيين باليمن بتزويدهم بالسلاح
يعني عركة بين السعودية وايران بس كون السعودية بالصريح مستخدمة طيرانها لذلك فهي المذنب بنظركم
لان ايران خالته وره الحوثي وبالحقيقة هي مذنبة حالها حال السعودي

ورجعت ع الشرقية والعهد والبحث بنفسك ومجاوبتني وين تبحث وشلون انطيني مصادرك حتى ابحث وياك
اما اذا جاي تبحث هنا بالموضوع فميفيدك لان الاعضاء منطقيين بحثهم و رأيهم عن طريق الاعلام
لاهم خبراء ومحللين سياسيين حتى يحللون الوضع و لاهم ناس عدها تدخل لدرجة ممكن توصل للاحزاب او لحكومة ايران حتى تجيب الدليل
وبعدني اسأل شلون واحد يبحث بنفسه وهو يادوب عندة نت هسه الحكومة زيدت السعات مالته

مثلاً شلون نتأكد ان القناص ايراني او تابع للحزب
ناخذ هويته , اذا متابع للحزب لعد المن تابع برأيك , منو مصلحته يقتل المتظاهرين اللي طالعين ضد الحكومة
ومنو من مصلحتة ان تبقى هذه الحكومة
وين الجيش الجيش ساكت لان الحزب يرديه يسكت مثل ما سكت وسلم كل شيء من انباعت الموصل
بس اني اريد تجاوبني منو قتل المتظاهرين منو اللي ماسك القناص منو اللي هجم على خيامهم , يجوز مو ايران و لا الاحزاب لعد منو برأيك
الشي اللي نحسه من كلامك انك متأكد من شيء معين ممكن تشاركنه بي

تعبتني بعد لترد بهذه الطريقة اكتب ردك منفصل مو بين الاسطر حتى يكون كدامي من اجاوب

[Laraa]

بس اني كلش يهمني اعرف
منو سبب الخراب في بلدي

يعني صدك هذا الصار بينه سببه ايران
لو مجرد غاسلين ادمغتنا بالاعلام
ومغطين عالفاعل المخرب الحقيقي


زين اني ليش اشوف السجون العراقية مليانه عرب ؟
واغلبهم جايين انتحاريين
وحتى دولهم تبرت منهم .

زين اني ليش اشوف واسمع في بيت الله الحرام
خطيب يحرض على قتل العراقيين

زين اني ليش اشوف فلسطيني فجر نفسة بالسوك
وقتله 80 نفر


هم اريد اشوف بلاوي ايران اليحجون عليها
ترة الشغلة جدا عادية لارتنا الغالية

اي وبعدين , هاي فقرة خطيب يحرض على قتل العراقيين
اني رحت لمكة مرتين شو مسمعت خطيب حرض على قتلنا
اما باقي الامور كلها سببها الاحزاب اللي نرجع ونكول ولائهم المن و ليش باقين و منو من مصلحته يبقون
وشنو دورنا احنا كشعب , بس نعرف السبب ونسكت لو نجي هنا نكمل سوالفنا التنظريّة اني وانت وغيرنا

اذا عندك مشكلة وية الاعلام العربي روح تابع الاعلام الغربي ممكن يكون محايد وعنده حرية
واذا طلعت عندك مشكلة وية الاعلام الغربي اخذ رقم ترامب و روحاني وافتهم السالفة منهم ماكو غير حل

تحياتي فقارنا الغالي

[فقار الكرخي]

...

فقار انت إذ عرفت منو خرب بلدك راح تخرب بلده مثلا ؟؟؟

لا داده مو هيج

بس اريد من احجي بالسياسة
ما افشل روحي

[فقار الكرخي]

حينما تعدد عدد من الاسباب التي تقول ان ايران هي من تفعل هذا
هذا الكلام لا يوجد فيه اي جدل
ايران منذ ان كان النظام السابق وايران هي مصدر المصائب لنا
في عام 1979 قامت بتفجير الجامعه المستنصريه
والاعداء الى الحدود العراقيه واذا عدنا الى التاريخ القديم فان مناطق عده هي اصلأ مناطق عراقيه صرفه لا جدال فيها
وايران هي من تحارب فالعراق بفضل الفصائل المواليه لها وهي من تدمر القتصاد العراقي بعمل ايدي العملاء من الساسه العراقيين
والسبب سيطرة ايران على كل مفاصل السياسه فالعراق
ومنذا 1\10 ولغاية الساعه والمظاهراة على قدما وساق نعم هناك بعض المندسين من الدول المعاديه للعراق ولكن هل من المعقول ان يصمد الساسه لولا الدعم الايراني لهم وبشكل كبير جدا

كلامك منطقي جدا

مشكور عالمرور