فقار حچیک عین العقل ۱۰۰%
یعنی الامارات الکویت و اکثر الدول العربیه کلما صار بیهم کرونا گالو زوار اجت من ایران بابا هذا کرونا طاش بالدنیا کلها مو معناته ایران ناشرته و احنه منین اجتنا های المصیبه الصین تاکل سحیر اللیل(خفاش) مادری شتسمونه بلغتکم و احنه مبتلین
مو العراق قبل السقوط كان افضل من النرويج وفلندا و اجت إيران خربته،، فضل إيران خلت بلدك لحد الان اسمه العراق،لولا ايران أعتقد اسمه هسهISIS وكله تلبس دشداشه برمودا!!.المشاركة الأصلية كتبت بواسطة العراب
خرب .. بلوزي ضاع هاي ايران ، موبايلي خلص شحن هاي ايران ، لك لااا المركة احتركت عالنار هاي ايران تآمرت علية وحركت مركة اليابسة اللي احبها ، ابوية ضيع مفاتيح سيارته هذا ايراني عميل باكه، يا عمي شوية اعقلو يعني العالم كله من ايد ايران ؟ لعد باقي الدول شيسوون ؟ يلعبون توكي ؟
هههههه يا لطيف الله يساعدك
تقصدين هادي العامريالخلل بينا اذا جان ولاء الحكومة خالص للشعب ممكن وضعه الاقتصادي على الأقل يكون زين . إذا تكول منو يكول هالمليشيات او الاحزاب هي تابعه لإيران ف اكو فيديوهات وصور تبين رؤساء هالمليشيات هما جانو بالحرس الثوري الإيراني وهسه جاي يحكم بالعراق ف اكيد هوا بلا وطنية ولا انتماء لبلده، إيران حاكمه للعراق اذا تسمع اخبار ف اغلب مصانعنا مسدودة حتى الاستيراد يبقى لصالحهم وسبب ماكو دعم من حكومتنا حتى متضرر إيران الشقيقة '-' وهي تتحكم حتى ب تنصيب او اختيارات الرؤساء النا واذا تريد دليل كلش قريب هوا صورة للسفير الإيراني لمن اختاروا توفيق علاوي واضحة كلش بالمرايا والكل انتبه عليهابرأيك شعنده وياهم
والشي الثاني أمريكا مستغله هالوضع الي نمر بي من إحنا منستقر سياسيا واقتصاديا هذا يكون من مصلحتها لانها ممعترفه بينا ك دولة تشوفنا فصائل و مجموعات منقسمة وحكومة فاشلة وفاسدة واي تدخل من طرفهم ف اكييد ١٠٠ ٪ هو مايوم جان لمصلحتنا
هذولة جانو معارضة
وايران محتضنتهم
ماجانو بالحرس الثوري
مثال
هسة شكد اكو هاربين ومطلوبين
خاتلين بالاردن والسعودية
هذوله ناس عراقيين
منكدر نكول عليهم اردنيين او سعوديين
مجرد هربو من بطش السلطه وختلو هناك
زين الينهزم ويلجأ الغير دولة
منو يكول ماعندة وطنية ؟
هل شققتي قلبه ؟
ويعني اذا مسؤول ايراني يجي زائر للعراق
منو يستقبلة ابو جحيل لو ساسوكي
غير الدولة تستقبلة مثلا رئيس الوزراء
او وزير الخارجية او يكلفون واحد يستقبله
وانتو شفتو فلان استقبله كمزتو
اييي اجه ينصب رئيس وزراء
وتشتغل الماكنه الاعلامية
زين هذا من هو هيج مسيطر
ميكدر بالتليفون يخابرهم ويكلهم نصبو فلان ؟
بعد عليمن طالع بالاعلام ومنطي لزمه على نفسة
او
يجي بسكوت
زيارة سرية ومحد يعرف
بس كلت في بداية الموضوع
احنه مضللنه الاعلام نركض ويه الهوسة
واكبر دليل عدنه هو قناة الشرقية
وصرح مسؤول رفض الكشف عن نفسه .
اما الحكومه فاشلة
فهاي الشعب انتخبها يعني مو هي الفاشلة
الشعب طلع انتخب ممثلين عنه
وهذوله الممثلين انتخبو الحكومه
نورتي ودايه
لعد شلون يكولون المكان المابي ايران
هذا جنه على الارض
نورت حسون الغالي
اكيد سياسيي ايران وحكومتهه وليس الشعب الايراني المغلوب على امره
نورك سابق صديقي، هذا لأن ميعرفون قواعد السياسة ولا قارين أحداث العالم بشكل صحيح
مالي خلك احجي
بس هذا كلام قليل
فقار انت تريد دليل
الدليل منين اجيبه ؟ اصيرلك دليل سياحي
المهم كل شخص ديفسرلك الامور من جانبه الشخصي وحسب فهمه ومتابعته للاحداث
وانت ما تقنع بدليل لا من قناة عربيه ولا قناة اجنبيه واني اتفق وياك بأن الاعلام ينشر لمصلحة بلده يعني امريكا ايران هذا قصدي
فهنا ماكو احد راح يكدر ينطيك دليل قاطع لان هو ما متواجد بغرف الاجتماعات التي يناقش فيها امور سلب وسرقة خيرات العراق
امريكا لعبتها كبيره وتشتغل لمصالحها
ايران كذلك تشتغل لمصالحها
وبالنسبه لداعش دخوله مو علمود العراق وانما علمود ايران بسبب النووي وعدم الاتفاق عليه
منو اللي سوه داعش امريكا ودعم امريكي اسرائيلي سعودي
فنوصل لنتيجه ايران غصبا عليها راح تبيع سلاح للعراق علمود داعش متوصل الها ( تبيع سلاح ) يعني مو مساعدات بالمجان اضعاف فلوس اخذو علمود تجهيز السلاح للعراق
بما أنُ ايران مسيطره ع العراق قبل لا تصير المظاهرات ليش ما دعمت الحكومه بتحفيز دور الصناعه العراقيه ؟ حته يزيد من اقتصاده ليش ؟
حته يمشون بضاعتهم ع العراق بسبب العقوبات الامريكيه عليها ( عايشين براسنه )
نرجع لأمريكا اكثر من مقطع شايف لترامب يكول اكبر غلط طلعنه من العراق كان من المفترض ان نأخذ النفط منه
هاي مالي خلك بس اخذني الواهس وكتبت شويه اكثر
كلامي من رأي وفهمي الشخصي بدون الاستناد لكلام اشخاص او اعلام سوى كلام ترامب بخصوص النفط
ها تذكرت الحرب اقتصاديه والاقتتال ع العراق كله علمود خيراته
تحياتي
اذا ما متواجد بغرف الاجتماعات
منين جاب هاي الاخبار المتأكد منها حسب رأيه
يعني مثلا
من اكول امريكا ضربت الحشد
صح سمعتها بالاعلام
بس بالمقابل شفتها بعيني
شلون طارت الطيارة وشلون قصفت
وشفت المكان المقصوف
وامريكا صرحت
والحشد صرح
بعد محد يجي ينكر او يكول ماكو هيج كلام .
بس من تجي تكلي ايران تسرق خيرات العراق
انت شمدريك
وين شفتهم
شوفنه وياك
لا مسؤول ايراني صرح
لا مسؤل عراقي صرح
لا اكو واحد طلع كال ايران طبولي للبيت وباكوني
لا البنك المركزي انباك ولزمو الحراميه وطلعو ايرانيين
يا اخي اني اريد شي ملموس حتى اصدك
لأن هي مو معجزة وميصير تشوفها
يعني هاي الهوسة يا ايران ويا ايران
وماكو اي دليل عليهم متشوفها
زحمه تدخل العقل
ابو علاوي الغالي
نورت الكون اخوية
هلا هلا برحيل
شوفينه هذا الدليل
الي بي يتدخلون بأمور البلد .
لو هم سامعه من الشرقية
نورتي الكون يالغالية
