هنا

[فقار الكرخي]

ون..
سكون الليل ياخذ صوتك
لياحد تريده
وانته حدر الماي..
جرفين النهر شفة مغني
تاخذ امعاتب توالي الليل
للنجمه البعيده
الك كل الليل شارع..
وانته صدر الآه
لو جان الجرح صياد
شاور شبچته ولفهه اعله ايده
صوتك الحلمان .. يسيري ابكل مكان
وكل زمان
وبيه نسايم تنده اجراس الكنيسة
وتعزف اعله المگبرة
الحان اليدگ تابوته بيده!
وصوتك الرابي ابسنادين الحزن
فتح على الخنجر وريده
الك كل الليل شارع..
يمشي صوتك.. وانته صافن
امشي..
حدك للصبح
من ايتلاگه وياك
شگگ ياخته ...وموت اعله ايده .!









كاظم الگاطع

[انثى مخمليةة]

عاشت ايدك

[Haidar Iraq]

حلو ..
شكراً لك ..
​