هاا حيدر.. مو أكلك شعب تعبانالمشاركة الأصلية كتبت بواسطة فقار الكرخي
نبي من انبياء الله وجان ولاءه للغير
لاتخليني ادوس كلش
هاا حيدر.. مو أكلك شعب تعباننبي من انبياء الله وجان ولاءه للغير
لاتخليني ادوس كلش
مختصر الكلام :
( لا يغير الله ما بقومٍ حتى يغيروا ما بأنفسهم )
البشر شغلته تعبانه كلش ..منو يكول العراق مابيه حظ؟ لا يخوي كل الحظ والخير
موجود بالعراق بس البشر تعبان، انغسل بماي العبودية و تنشف
بالحرام و أشعل انتمائه نار وضل يتدفه عليها
و سلامتك
مثل البلبل الفتان ..
نعم ..
نورت ..
غير يكعدون جماعة مقتدىهاا حيدر.. مو أكلك شعب تعبان
هم بس تجيب طاري واحد من الدين
بسرعه يجيبولك عكازات
لا شلون نعيش بسلام بدون تفرقة وطائفية منكدر
وكل ما تمر السنين والناس تتطور احنه نرجع للجاهلية
اكتشفوا القمر واحنه بعدنة نركض ورة الاسلام والطائفية والنفاق
صعدت الناس واخذت صورة للثقب الأسود واحنه بعدنه .
حاولوا يزرعون على القمر واحنه بعدنه نرجع ليورة
وبعد وبعد سوالف
واحنه ظالين شكال فلان وشكال علان شوية طلعوا مظاهرات وسيسوها وكام منو يحي وياخذ سلفي بساحة التحرير ويرجع وولد الخايبة الي ديتكتلون يكولون عليهم فاشلين وماعندهم شغل وعمل ويخلون الواح يصير عنده احباط
هاي ما عدا سوالف حقوق النساء الي معدومه
العينتين يصادق ويطب ويطلع ويشتغل ويستمتع بحياتة بس من تجي يم خواته لو امه لو زوحته يصير ابوجهل النسخه الجديدة
لو الباقين بجهل العشيرة والفصول والثارات والفصليات وراكعين السجن والقانون بعرض الحايط
احنه شعب اول مرة لازم نحترم نفسنة ...وبعدين يلا ننتظر احد يحترمنه
احنه شعب مريض ضيع نفسه بنفسة
مايعرف شيريد جان صدام حاكمهم يخافون من عنده ويححون عليه وطلعوا طاغية
راح صدام كاموا يترحمون على ايامه ويردونه يرجع
المرجعية صفكت للعبادي طلعوا ويصيحوله علي وياك علي بعدين صار دامبي
شحجي بعد تعبت
واحد لو يهاجر ويكطع كل صلة اله بكل شخص عراقي حتى يرتاح يغير اسمه ورقنه وينعزل بدولة اجنبية وحتى اخبار ميتفرج حتى يرتاح
لو يكتل نفسة ويخلص من المجتمع من العادات من التقاليد من الاسلام من الشيعة من السنة من الحكومه من كل شي يخلص ويرتاح من تعب هذا الوطن
الشعب غير واعي وكذلك مغسول دماغياً ومتعود ع الخربطه واللا نظام
بس افترضوا انُ تجي حكومه بيها حظ
راح يتحول اللا نظام الى نظام بوجود وتطبيق القوانين ومحاسبة كل من يتقاعس عن تنفيذ القوانين هنا حتلو الشعب فوضوي راح ينلزم من ياخته
للعلم حته الدول المتقدمه هم عدم انتهاك للقوانين بس قليل ليش لان يحاسبون عليها بشده
واتفق بأن الخلل بالطرفين الحكومه والشعب
الجهل مو لان ميقره لا اكو شكد يقرون كتب وتلكه تفكيرهم بالاوضاع الحاليه للعراق كلش تافه
وارجع واكول تبقه السيطره التامه للحكومه من خلال تنفيذ القوانين
طبعا حكومه غير هالحكومه الحاليه الزفت
تسأل العراق راح يصير براسه حظ
جوابي اي بس تطول السالفه بعد تضحيات كبيره
ان شاء الله خير
ملاحظه / حبيبي فقوري سوالف الفيس التحشيشيه لا تاخذها بمحمل الجد
خيرات العراق لا تنفذ لهذا الدول مستقتله ع العراق علمود خيراته
انت تدري النفط يتكون بايران وبالسعوديه ويتجمع بالعراق اسأل وشوف
وكذلك ارضه كلش صالحه للزراعه
انواع المعادن بي
خيرات كلش هواي
بس محتاجلنه حكومه بيها حظ
تحياتي
حالياً قافلة لأن الشعب تعبان بذاته، يعني شنو نص الناس لو متحزبين لو ينتخبون فلان وفلان علمود هذا من طائفتي لو عشيرتي لو منطقتي مع العلم هو يدري بيه مو خوش آدمي ؟ وشنو لمن الناس واحد يغش الثاني بالتعاملات ويفشي السر والنفاق و... كل هالشغلات اذا راحت من الشعب رح يكدر ينهض ويتقدم وإلا فمستحيل يصير بالعراق حظ
هذا الشعب يرادلة ادكلة كاظم الساهر ويصرخ كل قوته بيهم اخر مقطع من لا ياصديقي ايخليهم يحسون على نفسهم
أصرررررخ ياااا ضميرررر
اصررررخ بوجه الي يظلم
اصرخ بوجة اليخون
اصرخ وصحي المخادع
اصرخ وصحي المنااافق
ياااا ضميرررر
وبعدين يركعنا ب مقطع من بعد الحب
ماااات الحب
مااات الاحسااس
ماات النور النهتدي بي
مااات الأنساااان بداخلنه ماات
كلنة بدم خل نبكي علية
ويسكت
هالموضوع يرادله استكان جاي..
وخلك طويل ..
وثنينهن ماعدي
رد مع اقتباس
