هنا

[Haidar Iraq]

ادري بيكم اتحبون النقاشات ..


ليش العراق مايصير ابراسه حظ ..؟؟؟
السبب وين ؟؟؟
بالشعب .. ؟؟؟ لو بالوادم الجاي تحكم البلد .. ؟؟؟
العالم وين وصلت .. واحنه بعدنه نضرب بطناش .. خرررب ..
العالم تصنع طيارات ..
واحنه بعدنه انسولف ابفوائد الحَرمل ..!!!( ياول قسمه ) ..
العالم .. اتشجع على الزراعه .. واحنه الزراعه عدنه ماتت من زمان ..
العالم .. اتشجع على الصناعه .. والصناعه عدنه هم ماتت من زمان ..
زين هسه ايگلك النفط اسعاره تعبانه كلش ..
واحنه عدنه بس النفطات ساترات علينه ..
اذا يخرط سوگ النفط .. اشراح ايصير بينه تتوقعون ..؟؟؟
نرجع ناكل خبز وبصل .. ؟؟؟ لو ناگل خبز اعروگ ..؟؟؟
بس عمي هم زين اذا اتصح الخبزه ..
خاف انوب حته الخبزه ماتتحصل ..
ونموت من اليوووووووع ..

[ايليتا]

والله الخلل يشمل الكل... هو بس لو نشغل الضمير... كلشي يصير زين بس وين نلكه إلى يحب اخوه أكثر من نفسه وين

[Scrap]

الخلل عدم تطبيق القانون ع الجميع بدون استثناء وعدم وجود قوانين حقيقة ومفعلة تنظم امور الناس
عدم تحويل معامل او بعض المؤسسات للقطاع الخاص حتى الناس تشتغل بصورة فعليه حتى تحصل أجرها
الاعتماد الكلي مثل متفضلت ع النفط

[Haidar Iraq]

والله الخلل يشمل الكل... هو بس لو نشغل الضمير... كلشي يصير زين بس وين نلكه إلى يحب اخوه أكثر من نفسه وين

زين ليش مات الضمير ..؟؟؟ شنو السبب ؟؟؟
الناس اتغيرت ؟؟؟ لو الزمن اتغير ..؟؟؟

[Haidar Iraq]

الخلل عدم تطبيق القانون ع الجميع بدون استثناء وعدم وجود قوانين حقيقة ومفعلة تنظم امور الناس
عدم تحويل معامل او بعض المؤسسات للقطاع الخاص حتى الناس تشتغل بصورة فعليه حتى تحصل أجرها
الاعتماد الكلي مثل متفضلت ع النفط

من خلال كلامك اعلاه ..
يعني الجاي ايحكمون البلد .. الله بلانه بيهم بلوه ..
واشلون تصفه ماندري ..

[ثامر الحلي]

الخلل بطريقة التفكير والانتكالية وفقدان الارادة والتصميم

[Haidar Iraq]

الخلل بطريقة التفكير والانتكالية وفقدان الارادة والتصميم

طريقة التفكير لمَن ..؟؟؟
بالنسبه للشعب ؟؟؟ لو الكُتل السياسيه الموجوده الأن ..؟؟؟
وايضاً نفس سؤالي .. بالنسبه للأتكاليه وفقدان الأراده والتصميم ..

[ريـــم]

متابعه ..تحياتي ..

[بـشــــار]

متى ما تحرر الشعب من الجهل
سينهض بوطنه
بعيد عن الطبقة الحاكمة فالشعب لا يتعظ من الأخطاء السابقة ولا يهمه سوى نفسه
ياصديقي الأنسان إذا ميتغير من الداخل ف راح يموت وهو عاجز عن تغير أبسط الأشياء في الخارج ..
محبتي

[فقار الكرخي]

ليش هو البلد شوكت جان براسة حظ ؟
من ايام الاسلام الاولى ولهذا يومك
لا والله اقدم
من زمن النبي ابراهيم
من جان ياكل ويشرب بالناصرية
وتالي من راح للسعودية كال ربي اجعل هذا البلد امنا
وارزق اهله من الثمرات
ها بوية والزاد والملح وين صار



مشكور حيدر