مرحبا للكُل
سويت كيكة بالككو والقهوة
وبما أنُ صار فترة ممنزلة موضوع طبخ گگلت خلي انزلها
نجي ع المكونات
2 كوب شكر (سُكر)
3 ونصف كوب طحين
2 بيض
2 ظرف ڤانيليا
2 ظرف بيكينج باودر
ملعقة اكل خل ابيض
رشة ملح
رشة هيل مطحون
عصير برتقال
قشر البرتقال
1 كوب ماء مغلي
نصف كوب زيت نباتي
1 كوب حليب سائل
1 ملعقة كبيرة ككو
1 م ك قهوة
الطريقة
بـ وعاء نخلي السُكر والبيض ونبدي نخلط لحد ميصير المزيج مائل للون الأبيض
بعدها نضيف الحليب ونظل نخلط بيهم
بعدها نضيف الطحين بالتدريج اول شي كوبين بعدها نخلط وهم نضيف باقي الطحين ونخلطهم لحد ميتجانسون
بعد مكملنا نضيف البيكينج باودر والڤانيليا والهيل وعصير البرتقال والقشر والزيت والخل الأبيض وكوب الماء المغلي ورشة الملح ونخلطهم
...تگدرون تستغنون عن عصير البرتقال والقشر وتخلون قطرة او قطرتين من نكهة البرتقال...
نجيب القالب الي متوفر عدكم وندهنة زين بالزيت ونرشة بالطحين نصب كمية من خليط الكيك ونترك كمية قليلة حتى نضيف الها الككو والقهوة ونخلطهم ونصبهم فوگا ونسوي اشكال بالسكين بداخل الخليط
لازم يكون الفرن محمي جيداً
بعدها ندخلها للفرن يكون القالب متغطي بأي شي عدكم اني غطيتة بصينية
خلي الفرن مشتغل فقط من الأسفل
ودخلووها للفرن لمدة ثلاث ارباع الساعة بدون متفتحون الفرن افحصي الكيكة بالسكين اذا طلعت نظيفة معناها استوت انطفي الفرن من الأسفل ونشغل الفوگ لحد متستوي شوية ونطلعها ننتظرها شوية تبرد وبعدين نگلبها
والتزيين عليكم
رد مع اقتباس
المشاركة الأصلية كتبت بواسطة Ahmed Alkraawi
