بكلوريا الدم
بكلوريا الدم
…………………
وانه اراجع ..
وانه راجع
شفت
أصعب جثه ممدوده اعله شارع
وبيها تعداد الرصاص
فرع واحد ردت اتركه
مو صعب بس بي جوامع
الموت…
جان اول سؤال
وحله دم طفله يتيمه
السؤال الثاني بيت وجن خرابه
وحله جان نجيب غيمه
يا وزير الدم تعبنه ونتهينه
هاي رابع سنه اعيد الامتحان
امتحان سبايكر أسهل علينه
والسؤال الثالث أصعب
جان منطوق السوال
(كم عدد صور الشهداء في العراق)
والسؤال الرابع المامر عليه
جان منطوقه الغريب
قسمة إثلاثه عوائل
على شاب يريد يخطب
كلهم أرقام انفجار
ولازم الناتج شهيد
السنه المُقبل…
السنه المُقبل راح اعيد
خاف يتغير سؤالي
والعوائل
هم تزيد
بعد جم جثه وشهر
بعد كطعت رجل جندي
وإيد كاسب
وألتمس بينه القهر
صنطه…
صنطه علنوها النتايج
بيت ابو البلمگبره وعايف جهاله
بيت ابو الماتدري مرته شصار حاله
بيت ابو المستشهد وباگوله ماله
دور ثاني تروح تمتحنه عياله
ودين صار الموت… .
صار الموت
وي دين البطاله
محمد زكي
رد مع اقتباس