هنا

[فقار الكرخي]

أول خطوه ..

شلونك زين ؟

إي شخبارك، صحتك، روحك ؟

تضحك، نايم ؟

أول خطوه، اقصد بيها

من يهتم بيك التريده

وتشوفه ينوم بعيونك

ويبقه يباوع، بس نعسان

هذا انسان

هنانه الصحبه، تلف الصحبه

وتبدي إرسايلكم تتبدل

يبدي اليوم اليعبر وانت

مو يم ولفك، شو تتبهذل !

تبدي عيونه تريد عيونك

تبدي تدور فرصه وتمشي

تگله، إشلونك ؟

من يتحول حب، شماله

التحبه

هم يتحول

يبدي من ايحس بشهگاتك

ما يوصلك مثل الأول

ويتغير...

وما تتغير

وتناطر مرساله بلهفه

بعيونه شگد تبقه تغازل

لو بخدوده، لو بالشفه

بس ماتشفه ..!

ويكبر جرحك، ويكبر ضحكه

ويبدي يسولف بس ع الفرگه

وانت تمد ايدك وتگله

وعيونك مو كلش سهله

ويبرد ذاك الحار بعشگه

وتلچمك، چذباته وصدگه

ومن صحبه وحب، شتتحول

واحد عابر مر بدربه

واحد حب يجرب گلبه

لف روحك عصرية دمعه

وإشعل يم فانوسك شمعه

واشبگ روحك وابچي بسكته

وگللهم عافاني وعفته

واضحك وامشي وابقه بطولك

باچر مسكين يگلولك






م

[انثى مخمليةة]

عاشت ايدك