كتبت احدى الاخوات في اعلى صفحتها
الشخصية {وثقت مرة برجل فعلمني ان لا أثق برجل اخر}
فكتبت عن حال لسانها وبالهجة الدارجة
يعف لساني عن ذكر الفواحش
وأنا ارفض عشكَـ من ينبني بغش
أريد إنسان صادق يفتدي الروح
ومثل عطر الورود بشمه ينعش
وريده بمحضر الشمات ألي لسان
مو خنجر غدر بالخاصرة يحش
انه الحبيت كَلب وروح بنسان
ونه عشكَـ الطمع رافضته كلش
أريد ابني أساس لينبني عليه
ما ريدن أساس مثَلم وهش
وما اقبل عشك لعبة الشطرنج
كل ساعة ويكَل الصاحبة كش
ما رايد قصر انا اقبل وياك
مثل عيش البلابل تلتقي بعش
الأهم عندي حبيبي وافتخر بيه
وحطه اكَبال عيني شحدها ترمش
كَالولي بحلم ما تلكَه الأوصاف
البشر هذا الوكَت خداع كلش
يحلفلك يوافي وهوَ ولهان
وعيونه ألدمعها هامله ترش
وبس يأخذ مراده تدري شيصير
غرامه وياك بين الشامت يطش
شتصور وكتنه يحفظ إسرار
وبكَلوب البشر شيطان عشش
بقلمي أنا
أخوكم قاسم البهادلي
رد مع اقتباس
المشاركة الأصلية كتبت بواسطة قاسم البهادلي
