هنا

[ليديا]

بداية الله يعافينا و لايكتب علينا ولا على احبابنا ولا حتى اعداءنا إصابة بهذا الوباء.


ماما تحب تصلي الجمعة بالمسجد، والظاهر ان المساجد الي تقصدها عندهم عادة انهم يتصافحون، او يتباوسون انت وحظك وقربك...

ما فهمته واحاول ايصاله انه انت جالسة بالمسجد تدخل وحدة تمر عليكم كلكم تصافحكم وحدة وحدة.


ماما وتأثرا منها بحملات الوقاية من مرض الكورونا صارت ترفض اليد الممدودة لها وتقول لهم لا تصافحوا فيه مرض منتشر... يعني تخجل المرأة الي مدت يدها الها...

وهذا جعلهم يعاودها ويحكوا عنها وهي سمعتهم وما سكتت حكت على الملأ انه انتم تتكلمون بظهري وهاي غيبة ونميمة و بالمسجد وانا مارح اصافح لحد مايروح فيروس الكورونا..


تعبت اني اقول لها صافحي و استعملي معقم بعدها ولا تربحي عداوة الناس بس ماكانت ترضى...

كما يقول المثل عندنا... قال الطبيب مات مات...




برأيكم كيف أقنعها أنه تتنازل وتصافح.... فكرت اخوفها انه عدم المصافحة ما يحميها وانه مولازم اصلا تروح للمسجد وخفت ألعن...


إليكم الخط

[Suzana]

هلا ليديا

اني اشوف والدتك جدا واعية واللي سوته جدا صحيح ..القضية مابيها خجل او عيب والمفروض اكو توعية عامة بالمنطقة وبالمسجد تحديدا لتغيير سلوكيات التفاعل الاجتماعي التقليدي بسبب سهولة انتشار الفيروس .. مو مهمة المصافحة بالوقت الحالي '' يعني بالعراق انكول مو وكتها هسه "ترك عادات المصافحة افضل بكثير من الاصابة المحتملة بالفيروس..
قبل كم يوم وزير الداخلية الالماني رفض مصافحة المستشارة ميركل المرأه(المره) مدت ايديها وهو انسحب وصحيح خجلت بالبداية بس اتفهمت الموضوع وضحكت..
فالنساء يحتاجلهم توعية صحية خل يدخلن لدرر العراق وخل يتركن الغيبة والنميمة ..الوقاية أهم هسه
وأحي والدتك على شجاعتها وتحياتي الها

[ضياء المالكي]

خل تلبس كمام وقناع والي يرىيد يصافحها خل يجي

[فقار الكرخي]

ذكرتيني بحجي وصفي الله يرحمه

هذا يومية يروح عبري بالكوستر ويرجع هم بالكوستر
ميكعد قريب عالنافذة
يخاف يكعد دائما بالكرسي القلاب يعني بالنص

يسألو ليش
يكلهم اخاف من الحوادث ولازم احذر

وتالي واكفة السيارة
وصارت عاصفة وجان توكع محولة مال كهرباء على السيارة بالنص وين هو كاعد فوكاه وكعت
وهو الوحيد مات بالحادث


ابو مطعم يسوي اكل وهو جوعان
النجار يسوي ابواب وبابة مكسور
وكذالك الحال
نصلي في بيت الله وقلة الايمان لم يخبرنا
ان الموت يدركنا لو كنا في بروج مشيده



زين معقولة اليصلي
وابيت الله
ويشيل غيبة الناس ؟
اظن ان هذا المكان لا يصلح ان تصلي فيه والدتك

[sawsanmahmoud]

خير ماعملت
منو اللي يفيدها اذا لا سامح الله تمرضت
والدتك يا ليديا ماشاء الله عليها تفتهم
واللي عملته هو الصح
ربي يحفظها الج ويحفظ الجميع من شر هذا الفايروس اللعين

[محمد صبيح]

برأيي تقلل من الثواب في الوقت الراهن وتصلي في البيت ، ورحم الله امرئ جبّ الغيبة عن نفسه !
والدتك ذكية ليديا وماتفرط بالثواب

[ايليتا]

ليديا بالعكس والدتك لازم تسوي توعيه للناس بخطورة هيج مرض..
وان الله عزوجل يحمينا بأن نتجنب ما يؤدي بنا للتهلكة... رأيي أن تكون مثال يحتذى به في المسجد
والأفضل أن تبتعدون عن الاختلاط بالناس هذه الفتره لحين مرور الأيام البارده ننتظر الحر بلهفه
مشتاقتلج ليديا كلش

[ليديا]

هلا ليديا

اني اشوف والدتك جدا واعية واللي سوته جدا صحيح ..القضية مابيها خجل او عيب والمفروض اكو توعية عامة بالمنطقة وبالمسجد تحديدا لتغيير سلوكيات التفاعل الاجتماعي التقليدي بسبب سهولة انتشار الفيروس .. مو مهمة المصافحة بالوقت الحالي '' يعني بالعراق انكول مو وكتها هسه "ترك عادات المصافحة افضل بكثير من الاصابة المحتملة بالفيروس..
قبل كم يوم وزير الداخلية الالماني رفض مصافحة المستشارة ميركل المرأه(المره) مدت ايديها وهو انسحب وصحيح خجلت بالبداية بس اتفهمت الموضوع وضحكت..
فالنساء يحتاجلهم توعية صحية خل يدخلن لدرر العراق وخل يتركن الغيبة والنميمة ..الوقاية أهم هسه
وأحي والدتك على شجاعتها وتحياتي الها

سوزي الحلوة بداية اتشرف بوجودك الراقي...


انا اقول ان الفيروس بعده ما منتشر يعني رفع إجراءات الاحتياط والسلامة مو لازم يتسقف لهذا الحد.... هي امي بس تتحمس زيادة لانها تشوف ان الناس لا تبالي وهذا الي يخليها تضوج وترفع مستوى التصدي

[ليديا]

خل تلبس كمام وقناع والي يرىيد يصافحها خل يجي

ذكرتني فيه جريدة فرنسية ذكرت ان المنقبات غير معرضات للإصابة بالفيروس... لكن وزير الصحة سنغافوري قال ان لبس الكمامات قد يكون هو سبب من اسباب تفشي المرض لانه رح يخلي الواحد يظل يعدل بيها وهذا رح يقوده للمس وجهه عيونه ويصير المحضور

[ليديا]

هذا المقال يذكر ان المنقبات محميات من الفيروس ولانهن لا يصافحن ايضا