هنا

[فقار الكرخي]

اي والـخلّه بيدك ضحڪتي و وّني
اي والبـاعدك عنّي..
وحق ڪل سـالفه بلونك
تحن ڪل ضلمه بعيوني لضوه عيونك




عشت غربه
عشت مستغرب ارسومي
عشت چذبه
عشت متعوب من يومي
كلمن ملتهي بروحه
اريد انه التهي بروحي
شجاني وملتهي بجرحك
وصيتك يگلبي وياما گتلك جوز
شوگك من يجي يفضحك




انة بدونك اروح لوين
غريب متيه الخطوه
انا بدونك اخذني المآي
مثل اوراق ما تسوه




حمد شتم عالمحطة
وغبك روحة وعظ إصبعة
وسافر وغم الولاية
البيهة من كل زيج ركعة





كسرنه گلوب المرايات بغيابك ،
چذاب الحزن كلش ،
ولا جابك ،
ولا جابك ..





مدري الیاحضن یا عین
أضحک حیل
آخر هالطریج اتراب
دگ باب الله یبنادم
تدگ یا باب!





كَلبي قارورة خمر ..
والماي كوثر.
حانه مفتوحه سبيل ،
شبيدي عالميريد يسكر؟




يكُلي شلونك ويسكُت !
وهوَ شباقي من لوني ،
أشرب صورتك وأرتاح
وأغمُض بـ إسمك عيوني




هذاك إنتَ .
الـ ولا حسبالك مفارگ !
الـ ولا گلفّت نفسك تعرُف شلوني .
طاحتلك الفُرگه ،
وهاي صـار سنين تشتّم الـ هوا بدوني !
واذا جيت إعله بالك لا تِوّد مرسال ،
آنه بخير ماطول إنتَ بـ عيوني .




ملّيت كُل مغرب يمُر تنباگ من عندي شمِس !
وأتبعها مدري بـ يا سِمَا وأتلاگه صُدفه بـ ليل أمِس .
وينعاد طيفي الـ مو حلِم !
نفس الجرح ، نفس الدرس !
هو إحنا لو حظنا نَحِس لو ما نِحِس .



شلون ما تعرُفني أحبك ،؟
سرّي مفضوح إعله ديره !
وشلون ما شايفني وآنـي من أوصف بيك أكُلهم " كُلش عيونه چبيره





آنه أحبك !
ودّي تدري شگد أحبك .

ودّي أشوف الـ " آنه أحبك " جازيه أبواب الشفايف !

حيره ،
گلبي يريد لكن عقلي خايف !
ودّي بس ماريد أجازف .




عفتني لناس
ما بيهم وجه يستاهل أحچيله

عفتني لناس
لون عيونهم ما يسوه أغنيله

عفتني وظال كل عقلي
أذاشم صورتك حسبالي مشتمك
وألملم بالأخبار الجايبات أسمك
وأثث بيهن ضنوني





لكن منهو يبچيلك
منهو اليفرش إگليبه لمواويلك
منهو يفز گمر ويداهر الظلمه ويلوليلك
يتعبان اشبعد وإتوب من ليلك

[أستثنـآئيـّةة❤️]

رائع

عاشت ايدك

[الملاذ الاخير]

عاشت ايدك فقوري