هنا

[*RÂყÂм*]

قصيدة:يالمهدي ثار ام الحسن ثاركالشاعر:عمار هليل الواسطي
الزمان:ليلة 7 جمادي الآخر 1441
المكان:ديوان الكفيل - لندن
طور:#صاح_الحسن #جنازة_غريبة
#طفلة وأسيرة #تبدي المسيرة
يازينب ترجعيلي أمنيتي


يالمهـدي ثار أم الحسن ثارك
والرايه بيــدك واحنه أنصارك
«««««««««««««««««««««
ثار الوديعه فاطمه الزهره
بيدك يـخاتِـم سادة العتره
ثار الضلع والطفل والعصره
تاخذهــا لمّـن تسطع أنــوارك
والرايه بيــدك واحنه أنصارك
««««««««««««««««««««««
عن الـقـبـر تكـشــف وكل زاير
يزور الزچــيــه وما يظل حاير
كلّــش قريـــب الناظــره باچـر
أســـــرار رب العرش أسرارك
والرايه بيــدك واحنه أنصارك
««««««««««««««««««««««
حـي تُــرزق ومــوجــود ويانا
كل إحنه ندعي البـــاري تلگانا
عجّل ظهور المــهــــدي مولانا
بهذا الدعاء اويـــاك نتشارك
والرايه بيــدك واحنه أنصارك
««««««««««««««««««««««
تـلاثــه الروايات إلّي تتصدر
بكل فاطميه النوح عالكوثـر
والثأر ثـــارك يا إبــــن حيدر
والدنيـــه كلها اتشوف آثـارك
والرايه بيــدك واحنه أنصارك
«««««««««««««««««««««
ما تنسى ثار الطاهره بيومـك
يلّي بحـزنها زادت إهـمـــومك
بس الله يعلم موعد اقدومك
أسرارك وكل حكمـة أقــدارك
والرايه بيــدك واحنه أنصارك
«««««««««««««««««««««
دولة عدل ما بيها كل ظالم
ما دام إنــتــه القائد الحاكم
سالم عساك بكل وكت سالم
يا منهج ودستــور أحــرارك
والرايه بيــدك واحنه أنصارك
»»»»»»»»»»»»»»»»»««««
راية علي وسيف الولي بيدك
نحتاجــك إحنه هسه ونريدك
يا جُـمعه تحمل ســر مواعيدك
دار المــكــارم والفخـر دارك
والرايه بيــدك واحنه أنصارك




««««««««««««««««««««««««« ««««««

[YAĞMUR]

تسلمين عمري