هنا

[فقار الكرخي]

السلام عليكم

اليوم داحجي وية ولد علمود شغلة
وجان يكوم يحلف
وكال
وروح السيد ؟

كتلة يا سيد منهم الحلفت بي وهو ميت ؟

كال السيد المرجع العالم الفاهم
اسد المراجع والواقف بعين الظلم
الشهيد السعيد محمد محمد صادق الصدر قدس الله سره الشريف

الحقيقة هو مو صدري حتى ادوس وياه .
بس سألته
لو ذاكر النبي
هم تكول هاي المقدمة المرجع الصادق المادري شنو والخ..
كال لا لأنه النبي من ينذكر اسمه تصلي عليه

بس انت تعرف شنو الشهيد الصدر .

المهم اختلفت اني وياه
ورحت دورت بكوكل عن انجازاتة
او خطبة
شفت خطبه خطب عادية
ممكن اي شخص ما مكمل ثالث متوسط يكدر يلقيها
هذا مو انتقاص منه بس واقع موجود وتكدرون تشوفو باليوتيوب .
حتى لكيت بلاوي بالفتاوي مالته
مثل سالفة الجكاير وغيرها

موضوع النقاش .
احنه ليش نعظم شخص بهاي الصورة
وحتى نسوي رب ونحلف بي ؟

زين اذا هو ثائر على الباطل
وجان يحسب صدام باطل
ليش جنت ساكت عنه وانت الثائر
وهاي الناس تحلف براسك ؟

انت للمسلمين شنو قدمت ؟

زين بوقتة مو جان اكو مرجع اسمه الخوئي والناس معترفة بي مرجع .
انت منو نصبك مرجع ؟

واكو حديث يكول
من سن سنة سيئة
عليه وزرها و وزر من عمل بها الى يوم القيامه .

وقبل فترة شفت مقطع فيديو
برمضان
خطيب يصعد عالمنبر وبيدة جكارة
ويكلهم حللها الشهيد الصدر ؟


يعني باجر عكبة
من يموت ابراهيم الجعفري
يجوز هم يسوو مرجع والناس تحلف براسة ؟



حبيت اناقش وياكم هذا الموضوع
مو ننتقص من احد

اكو او تعرف او شايف انجازات للسيد
تعال احجي وناقش بيها وفوت بعيني
ماسامع ولا شايف او قاري
تعال انطينا رأيك


الهدف من الموضوع
معرفة الامور للأجيال القادمة
وازالة الوهم عن البعض
ومعرفة الحقيقة

والتقييم يجيكم يهلهل
حتى ولو بعد حين

[»! α м я o s ћ y ‹•]

بس سألته
لو ذاكر النبي

احب اضيفلك صديقي
حته النبي عليه الصلاة والسلام لا يجوز الحلف بأسمه خويي

[انسان ثاني]

عاشت ايدك صديقي فقار على الموضوع ، وشكراً لانك طرحته بعد ما طلبت منك تتناول هل موضوع من خلال موضوعك السابق حتى نعرف مقتدى الصدر شنو دخله بـ ايران لازم نرجع لتاريخ والده

بس اسمحلي ابينلك نقطة بسيطة تگدر تعتبرها تعريفية عن الصدر لان كلت منو نصبه مرجع بعتبار في عصره كان السيد ابو القاسم الخوئي رحمه الله

بكل اختصار الصدر كان من المروجين لولاية الفقيه ، و كان يعتبر نفسه الولي الفقيه ، شون خميني و خامنائي في ايران ؟ هو چان مثلهم بالعراق

اما شون صار ومنو نصبه ، هو من تلاميذ الشهيد الاول ، و بسبب اسرته الدينية كان معروف بالوسط الحوزوي ، كذلك يُقال انه عالم و فاهم حقاً ، اما قضية تصديه للمرجعية هنا محط الخلاف

الصدر قبل وفاة الخوئي جان يروج لولاية الفقيه المُطلقة ، بعد وفاة الخوئي جان المفروض اكو مراجع اعلم من الصدر والسيستاني ع اساس يتصدون للمرجعية ، لكن الدولة دعمة مرجعية الصدر على حساب كل المراجع في وقته حتى تم قتل مرجعين مهمين و تهميش البقية

هسه حتگلي ليش الدولة دعمته وحقهم الناس من يكولون هو تابع لصدام راح اگلك حسب وثائق المخابرات العراقية انهم جانو يردون المرجع يكون عربي مو من اصول فارسية ، ولان الصدر يعتقد بنفسه الولي الفقيه معناها يرى ان الخميني و الخامنائي خارجين عن الطاعة لنائب الامام و هم بنفس الوقت (الطرف الايراني) يحاربون الصدر لانه ينافسهم بالزعامة لذلك جان الصدر منبوذ في ايران حتى سيد جعفر الصدر من راح لأيران حتى يفتح مكتب للولي الفقيه الصدر جُبه بالرفض وما خلوه

المُلخص يا صديقي ما اريد اطيل وادري هواي اطلت بالحديث ، الدولة العراقية هواي دعمت الصدر و خلته هو المسوؤل عن اعطاء الاقامات للطلاب الاجانب و حتى المراجع الاجانب ، يعني هو الي جان يتحكم بالحوزة بالنجف وكله كدام عين الدولة و بمساعدتهم ، چان صاحب نفوذ اقوى من السيستاني و الحكيم و الفياض و النجفي

واتحدى واحد يجي وينكر

اما فتاويه فـ ماكو داعي اناقشهم لان فكرة ولاية الفقيه بحد ذاتها خرافة وما بني على باطل فهو باطل ^__^

[ايليتا]

متابعه

[فقار الكرخي]

احب اضيفلك صديقي
حته النبي عليه الصلاة والسلام لا يجوز الحلف بأسمه خويي

الله بعظمته يحلف بزيتونه ؟

[انسان ثاني]

احب اضيفلك صديقي
حته النبي عليه الصلاة والسلام لا يجوز الحلف بأسمه خويي

الحلف يختلف عن القسم

الحلف هو انك تعتز بشيء فـ تستشهد بهِ

اما القسم هو انك تضع شخص بكفة والعالم كله في كفةً

لذلك القسم لا يصح الا بالله ، لأنه هو الاعظم ولا شيء يساوي عظمته

[فقار الكرخي]

عاشت ايدك صديقي فقار على الموضوع ، وشكراً لانك طرحته بعد ما طلبت منك تتناول هل موضوع من خلال موضوعك السابق حتى نعرف مقتدى الصدر شنو دخله بـ ايران لازم نرجع لتاريخ والده

بس اسمحلي ابينلك نقطة بسيطة تگدر تعتبرها تعريفية عن الصدر لان كلت منو نصبه مرجع بعتبار في عصره كان السيد ابو القاسم الخوئي رحمه الله

بكل اختصار الصدر كان من المروجين لولاية الفقيه ، و كان يعتبر نفسه الولي الفقيه ، شون خميني و خامنائي في ايران ؟ هو چان مثلهم بالعراق

اما شون صار ومنو نصبه ، هو من تلاميذ الشهيد الاول ، و بسبب اسرته الدينية كان معروف بالوسط الحوزوي ، كذلك يُقال انه عالم و فاهم حقاً ، اما قضية تصديه للمرجعية هنا محط الخلاف

الصدر قبل وفاة الخوئي جان يروج لولاية الفقيه المُطلقة ، بعد وفاة الخوئي جان المفروض اكو مراجع اعلم من الصدر والسيستاني ع اساس يتصدون للمرجعية ، لكن الدولة دعمة مرجعية الصدر على حساب كل المراجع في وقته حتى تم قتل مرجعين مهمين و تهميش البقية

هسه حتگلي ليش الدولة دعمته وحقهم الناس من يكولون هو تابع لصدام راح اگلك حسب وثائق المخابرات العراقية انهم جانو يردون المرجع يكون عربي مو من اصول فارسية ، ولان الصدر يعتقد بنفسه الولي الفقيه معناها يرى ان الخميني و الخامنائي خارجين عن الطاعة لنائب الامام و هم بنفس الوقت (الطرف الايراني) يحاربون الصدر لانه ينافسهم بالزعامة لذلك جان الصدر منبوذ في ايران حتى سيد جعفر الصدر من راح لأيران حتى يفتح مكتب للولي الفقيه الصدر جُبه بالرفض وما خلوه

المُلخص يا صديقي ما اريد اطيل وادري هواي اطلت بالحديث ، الدولة العراقية هواي دعمت الصدر و خلته هو المسوؤل عن اعطاء الاقامات للطلاب الاجانب و حتى المراجع الاجانب ، يعني هو الي جان يتحكم بالحوزة بالنجف وكله كدام عين الدولة و بمساعدتهم ، چان صاحب نفوذ اقوى من السيستاني و الحكيم و الفياض و النجفي

واتحدى واحد يجي وينكر

اما فتاويه فـ ماكو داعي اناقشهم لان فكرة ولاية الفقيه بحد ذاتها خرافة وما بني على باطل فهو باطل ^__^

اذا حسب كلامك
واني هم سمعت وقريت نفس كلامك
على انه جان مدعوم من قبل المخابرات العراقية

شلون نعتبرة مرجع
والعالم تحلف بي ؟
هسة الصدريين ما النه شغلة بيهم
هذولة عدهم قابلية حتى بالفانيله مال مقتدى يحلفون
بس احجي عن ناس واصله بالعلم مرحلة الدكتوراه
واكو شيوخ وساده ممن يعتلي منبر رسول الله ويحجي وذكر فضائل
هي ما موجودة اصلا عن المرحوم او الشهيد
لهذا اصبح المذهب الجعفري اضحوكة بسبب هذه النماذج الدخيلة

[فقار الكرخي]

متابعه

بأعتبارج نجفية
والموضوع يخص السادة الموجودين يمكم
اتمنى تحجيلنة عن ما تشوفي

[ايليتا]

بأعتبارج نجفية
والموضوع يخص السادة الموجودين يمكم
اتمنى تحجيلنة عن ما تشوفي

بطلت احجي.. احس الموضوع دياخذ حجم أكبر من حجمه و ننظر فقط للسلبيات... الآراء المطروحة كلها تخص تقييمنا من وجهة نظرنا
كنجفيه في ذلك الوقت كان الشارع بحاجة ماسه لإعادة هيكلة الفتاوى لكسب الشباب.. لأن عانى الناس من الانفلات الاخلاقي.. ولذلك كسب الشارع بهكذا فتاوى.. لكنه حددها للمدمنين على التدخين حصرا ولم يبيحها للجميع.. ولنأخذ بعين الاعتبار انه رجل تكلم بوجه الظلم وكاد أن يقلب الطاولة.. وقدم دمه وأبناءه قربان لكلمة حق.. لكن خوفي أن ثورته بالأمس التي يتم الطعن بها اليوم... قد تأخذ ثورة الشباب اليوم ضد الظلم بعد مدة من الزمن نفس هذا التحريض...
الدين عبارة عن قانون.. وليس كل من كان مسلم هو ملتزم
لذى ما يصير نحكم على فتاويه انها لم تغير شيء.. هذا رأي الخاص

[ثامر الحلي]

الأخ الحبيب فقار
أذكروا محاسن موتاكم ، والرجل توفى الله يرحمه ويغفر له وماتگدر تحكم عليه من خلال الآخرين وحضرتك تعرف ان النبي ص ماسلم من الانتقادات من خلال أطباع المسلمين نفسهم..
مع بالغ التقدير والاحترام