حقيقة انة راح افهمكياهة.
اكو ناس هيج تستحمل هواي . تستحمل لدرجة مستحيل تتخيلها. لو كل الناس درجة تحملهم عند الخمسين مثلاً.. الناس هذولة درجة تحملها توصل للألف. علمود. هذا السبب اللي حواليهم يستغربون. "انتم شنو اللي مصبركم؟ انتم طيبين كلش . انتم شجعان هواي " وهم يواجهون الكلام هذا وماعارفين الناس مستغربيهنم ليش. هي طبيعتهم هيج . مولودين بيها يمكن ولا حتى عودو نفسهم على الصبر. عودوا نفسهم إن الالم لمن يجي يبقون آخر ناس يبين عليهم الاثر من هذا الالم . عودوا نفسهم إنهم لو ماتحكمو بتصرفاتهم راح يندمون بعدين ان ماسوو اللي عليهم. اتعودو يواسون غيرهم. يستحملون وجعهم ووجع غيرهم. اتعودو يفهمون الناس ويحلون مشاكلهم علمود الناس هاي درجة تحملهم أقل. في النهاية ولا تسئلني ليش . هم تعودو على السكوت.
الناس هاي يا استاذ . ابتعد عنهم وقت مايكَولون تعبنة او وصلت حدهة
مو علمود أنت غبي لا سمح الله. مو علمود انت مو "كدهة" مثلاً وما راح تكَدر ترد الجميل. لكن علمود الناس هذولة لما يصرخون بهيج حالة يعني وصلو لحد انت ما تتخيله من الوجع. لما يشكون يعني جربو كل الحلول الممكنة. لما يبتعدون يعني بسبب انهم جربو كل شغلة وماتبقا غير البعد.
الناس هذول مساكين لإن مكتوب عليهم طول عمرهم إن الناس غيرهم يزودون من وجعهم وحيرتهم وتعبهم ومشاكلهم.و ل"موضوع تافه"
بسبب ان غيره ما فاهمينهم. كل واحد يلوم بيهم لان منتضرة يرجع مثل ما جان ما يتألم ويكون ساندهم ويخليهم أقوى. كل واحد منتضرهم يرجعون مجرد شماعة تتعلق عليها ضعفهم. كل الناس منتضرة منهم امور كانت تتقدم منهم . بس ماكو احد يسمع تأوهاتهم.
اسمع نصيحتي من الآخير ولو ما تعرف تشوف بعيونهم ابتعد. اتركهم ياخدون وقتهم على مايواسون ويربتون على انفسهم ويكَدروا يوكَفون من جديد . اتركهم بحالهم لأنك عمرك ما راح تفهم ولا راح تكَدر تساعد. ولا راح تعرف معنى صرختهم.
الناس من هالنوع اتركهم تماما. شوية وقت وراح يرجعولك قادرين يستحملوك ويحبوك ويقفوا لجنبك ويخففوا وجعك. وراح يرجعولك كما كانوا. بس أهم شرط في المعادلة هاي انك تتركهم. أو على الأقل.
تحترم وجعهم.
فتهمت؟
#مااعتقد
#مرتضى_مالك
رد مع اقتباس
