مرحبا
الطائرة او "الطياره" كما نسيمها بطفولتنا هي اكثر الالعاب اللي جنت العب بيها بالسطح
اني ماكنت اعرف اصنعها فاتوسل باخوتي الكبار الولد حتى يسوولي وحده وغالبا ماكنت انجح بهالشي لكوني اصغر عائلتي فاما اروح لامي او لابوية الله يرحمه..
اليوم حاولت استعيد الطفولة واتذكر كل اللحظات الجميلة مع الاختلاف الجذري بين الثمانينات واليوم عموما سويت وحده مصغرة لانه كولشي اختلف هسه حتى ورق مال قبل ماكو هههه
وجانت مشكلة بعمل الميزانية وكلت عيب اروح لامي هسه اتكول اشبيها بتي هههه وصارت عندي جراة ورحتلها وعلمتني حسب ما تتذكر
وسويت الميزانية وماطارت الطيارة المهم الفكرة..وهذه الميزانية بعد تعديل امي الها
ايام قبل كنا ننام بالسطح فكنا نربط الطيارة بالاسرة (الجرابي )اللي بالسطح ونبقى انباوع عليها واشلون الخفاش يجي يقترب منها ويروح لحد مااننام ويصبح الصبح والطيارة محلقة ...كولش حلوة هذيج الايام
من الالعاب الاخرى هي لعبة التوكي وسويت فد مخطط بسيط لنفس المكان اللي جنت العب بيه من سنوات طويلة مو اقل من ٢٥ سنة
واللعبة اللوخ هي اصيد عصافير ههههه هاي قبل لا اسجل بالمدرسة جنت اغافل امي واسوي صندوق واختل وره الشباك ..جانت حتى العصافير على نياتها وبساع تنصادهسه لا الصناديق الحمر هذيج الاولية نفسها ولا العصافير تنصاد ..
وايضا "كاري"عبارة عن ويل يمكن يسمونه ونمشيه
بسيم قوي حسب مااتذكر الحقيقة مالكيت ويل حتى اصوره ..
وبعد ماسجلنا بالمدرسة وكمنا نعرف نقرا ونكتب كل واحد يلزمله ورقه وقلم ونلعب اسم حيوان نبات جماد مدن...
واليوم كولشي اتغير وصارت الالعاب الالكترونية هي السائدة وبقت بس الذكريات ...
شكرا نايا لكل شيء
رد مع اقتباس
المشاركة الأصلية كتبت بواسطة قاص الاثر
