اخذ استراحة من اللطم
نزلوني مو موتي بعد !!
بيه اعتراض وثرثرة
نزلوني تابوتي استحى
كدما غبش للمكبرة
ما مات شعبي المستقل
ما مات صوتي المايذل
هذا انه ما ميت عدل !!
افرش الكاع من الدما
وارسم خريطة اعله السما
وشرياني اسويه كنطرة
خلني انتحاري المرحلة
البس حزام من الورد
وسلاحي كصبة ومحبرة
ياشعبي كافي تنهضم ؛
اخذ استراحة من اللطم
وازحف على اسوار الظلم
شيل الدنگ والسيطرة
واصرخ بصوتك ( لا تخف )
(يا عملاء المملكة وولاية اهل المصلحة )
الشعب باقي للشعب
واحزابكم والقندرة
عقيل العرد
رد مع اقتباس
