هنا

[فقار الكرخي]

انا التايه غريب الماعرفني احد...

وانا الفرحي گصير من الجفن للخد...

وانا المذموم چي ثوب العلي من طيبتي مسرد

ترافة ماي شايل والخلگ ميزان
احمل اهمومهم ونوب اتفرهد

بشر متعوب مامرتاح
مثل مسجون يكره طروة المفتاح

مربيه حمد والهيل مابيه ريح
والكهوه اخربت والريل حچيه اصياح

انا جروحي سنابل شافهن فلاح

جنت وين وصرت وين
وماعرفت شبيها تركض شارده منين السنين
وأخ يامغرب جفاكم يشعل بروحي الحنين
شبيه عفتوني ومشيتو انتو طين واني طين

الليل يمشيله بدرب تاليته شيب
وحظي سكران يتباوع للقمر شافاه قريب
عمر خلصته وحيد لامحب ولاحبيب

سجنتك بالقلب وادريك مامرتاح
طير الينسجن يرتاح من ينهد

شاريك بعمر وتبيعني بيومين
ولبسني الوكت بجفاك ثوب اسود

انا التايه غريب الماعرفني احد
وانا الفرحي گصير من الجفن للخد







عبد المجيد النعيمي

[Haidar Iraq]

شكراً جزيلاً لك ..
​

[انثى مخمليةة]

جميل جدا