هنا

[فقار الكرخي]

تعال ارجع الضيمك فشلمني
ونستي ابدمع عيني فيش لمني
شجاك اتجيب ولفك فشله مني

اوتجون اكبالي وتسحنون بيه





يهل ماشين عني ريت ابلكم
يبركن#وانه همي ريت بي الكم
وعلي ماهم ابروحي رتب الكم

شعلي بلناس اليمرون بيه






سل يجفاك سلنه.... ونتلاله
ودليلي بطور داخل... ونته لاله
اسنين الصبر حنن ....ونته لاله
جبح ماعال بيك الشوگ اليه




مدري شماله دلالي ولاجن
اليله، اجروحي بجروحي ولاجن
ادري شمالني امشيب ولاجن

بعد عشريني مامرن عليه





انطفى شوفي وگل النشد ماطاف
ومثل طفي چذب مخلوگ ماطاف
دورته ونطرته ابطيف ماطاف
الحقيقه ويالحلم شحن عليه





أنه الايك فقط ليهم وراهم
أنه الكلما كضه همه ورا هم
أنه المن غربو يركض وراهم

أنه الضل ماله حاجه الضعن بيه





مشه وشلع ثوايه الگلب وشراك
دليلي وعگبه اغص بالزاد وشراك
مشه ضعنه بهداوت ليل وشراك
الفجر وديارهم وحشه وخليه




من ابدي امسامري ويشفاك ،، منهه
تمن وستانس امن ايطول ،، منهه
طرف شفتك لجحت اخيال ،، منهه
هلي والطايفه احتاروش بيه





الرجفه الكضت اعضامي. مال اشته
لان يدريني امناطر. مل اشتاه
اجه ابالي اوشعر راسي. ملشته

لحد ماطاح شعري ابين اديه





بلم خلصت عمري. وعله مايه
هواه دلالي راده. وعليه مايه
عفته ايسوي كلشي. وعله مايه

لما سواني خيط ايروف بيه




مرني وخل اشوفك طيف....يعدال
ذهب والوكت ماضن يوم..... يعدال
يريت المات من ينزار .....يعدال
ويرد وياي وانسى الحصل بيه

[Haidar Iraq]

شكراً لك ..
​

[انثى مخمليةة]

حلوو

شكرا