چانت هواي ألعاب
الدعابل الكل يعرفها
بأنواعها طنب كارف نگر صوّر
چان محد يلعب وياي چنت اروح لبيت جدي وولد خالي وولد خالتي كلنه تقريبا نفس الأعمار جنت اروح شايل بس دعبلتين واداين منهم وحدةوالعب طنب كارف فهمه يجون جيوبهم متروسه واني اروح عندي بس اثنين واربح واخسرهم وارجع للبيت تارس جيبي وأمشي واحرك بجيبياتونس بصوتهن هههه فجتي ايام يتعاركون وياي يكلولي انت تجي تخسرنه وتروح من واني صغير الي بعمري يغارون مني ههههه ومن اربحاكوم أبيع وجنت أبيع يعني العالم تلعب بيهن اني العب وأبيع
وعوده وبلبل عصا اقل المتر وعصا عشرة سم تقريبا وحجر تعتبر نقطة الرجوع ومجموعتينتنلعب وبهاي عندي ذكرى اني من چنت صغير چان خشمي يطگ دم دائما من تصير الدنياحاره او اذا نضربت عليه فمرة دنلعب عوده وبابل والي ديشمر البلبل ضربه قوي وناصيوچان يجي فيت بخشمي وخشمي طگ دم
وحته توكي لعبت البنات چنه عطلات كلشي نلعب
وصگله چنت ماحبها هلكد
وجلگة حلوة جنت العبها
وتصاوير جانت تجي صور لأفلام كارتون ومرات غطاء الأيس كريم وغيرها
وحويدان والختيلان وسبع سيفونات
الحويدان فريقين وواحد يسجن عود الثاني واللاخ يحرر جماعته يعني ركض بركض لسه اذكر جنه دايماً المغرب نبقه للمغرب والدنيا باردهومنبطل
الختيلان مجموعه يختلون والثانية يدورون عليهم ويلكوهم ومن تنطي ايعاز للفريق الثاني طبعا هو مغمض تصيح حلال هههه خرب
سبع سيفونات سيفونات الببسي سبع يتصفطن وفريقين فريق يفلشهن ويشرد واكو مثل الطوبه هي علاكه ونترسها چياس والي نرمي بيهاوتلوحه نگول عليه مات وبهاي الأثناء همه يحاولون يصفطوهن واذا صفطوهن بدون ميموتون كلهم همه يفوزون
نجي على الطيارات
الطيارات چنت أني اخليها تنجم طبعاً مو مثل باقي الطيارات الورقية او اني اشتريها لا اني اسمويهن
چنت أسويها من علاكه وسط مو السوده الصغيرة لا الوسط وچانت الميزانية مالتها اذا غلط متنجم فچنت أسوئها مرتبة وعاد اطيرها فوكالسطح وتنجم عاد يشوفها الي الولد الي بكدي ويردون يشتروها واسوي وأبيع بحيث چان مصرفي مني وبيه واني من أسويها ماريد ابيعهامسويها اليه
چنت أسويها علاكه حجمها وسط وافصلها وراها استخدم العثگ مال النخل نصيحله الي هو عود العنگون مال التمر يابس يصير مقوسوخيط مال چيس طحين چانت أيام
شعدنه بعد
عدنه الشطرنج من احنه صغار نلعب شطرنج
وريشه هم والطوبه كرة قدم كلنه چنه نلعبها
أكو لعبات الخ بالحچي
مثل لعبة هاي أغنيتها
آس آس أسيلو
هسه يجي الاخيرو
أخيرو في المغاره
طفرت عليه الفاره
والفاره هندي
صفره وحمره وماويه
وحدة تصلي ووحدة تصوم
ووحدة اسمها ام كلثوم
تاكل ثوم وتجينه بدرس العلوم
الخ
حجنجلي بنجنجلي
صعدت فوق القمري
لقيته قبه قبتين
صحت يا عمي يا حسين
هذا مقام السلطان
شيل رجلك يا عمران
طبعاً ياهو الي تجي عليه نهاية الاغنية تنشال رجله وبالأخير واحد يفوز
الخ
سلوا سليمه
عزمت عزيمة
عزمت عبود اللوتي
ومحمود يضرب أوتي
طاح الأوتي من أيده
وانكسرت الحديدة
هاي شلون مصيبه
واگفلي أباب العلوة
ويگلي عيونچ حلوة
يا مضروب الچلوه
طبعاً مضروب الچلوه نهايتها منو يضرب الثاني على بطنه
هذي أغلب اللعبات وددت مشاركتهن معكم
رد مع اقتباس
يا محلا ايامنا ..مغامرات كلش حلوه عاشت ايدك 
المشاركة الأصلية كتبت بواسطة Suzana
