(سفر حفاي)
ناسي ناسي
والعتب جودر ضحكتي ابوكت ماظل ورق
وين صرنه الماي خايف ليش بشفه قلق
والبخت ضيع امانه ويا امانه العافيه اتردها الفلق
نرسم الخطوة ابتأني والدرب أصبح نفاق
منين اجيب اجفوف ونهض بل خصر مات النطاق
ناس جنها مرايه وكفت بل وجه تنطي العيوب
وناس ماشت ناس لكن
جيف جففها ايفوت بشفاف الجيوب
كون نكشخ بل عقل مايهمنا زي
كمت ادور منهو يمي
مغرب انا وهمه في
وعندي كومه احروف ذبلت
بضرف مطويه طي
مبرد بوجه الترافه
وانا عايش ماني حي
الرموش العندي تنشف
الونين البل حلم يمليها مي
الخيال اشلون اشيله
الجسم بمتونه ري
عودتني وهم مشيت
الخطوة وكفت مستحه
بدرب المشينه ومااجيت
ونته بيا اخيال ماعاف الكهف
كلي ابقه وياك كالاها بحلف
وين وعدك
الدنيا ضاكت ماتشيل امتونها وركه سكف
راح اسولف وفتح بصدر الكتابه
وياكتابه
اجفوفي وكفت بلكت اتراود حجابه
طلسم وشالتني عاكر والحجاب بنص حجابه
شنهي أنذر والعلك شتديتهن ستر الشبابه
وبقه فاكد
وينك اذنوب السهر بيها انا اطوف
وبعدك مخليني عايش
والكطن محتله صوف
الجفون اشبيها قلقه
وشنهي حسبات التمرها
وهيه بلحضه تصفك بل ندامه

والمدن مرات فجأة تنجرح
من تشوف اكبالها ايسافر عزيز
شمانه اسولف سفر بول كلام
نمشي حفاي بسلف
المحنه البي مرقد بل كريم انكول
مارسمنا وياك سالوفه سلف
وندري بينا العافيه اتنكط تلف

والتعجب بل قضيه لكو البستان ذابل
ونتها دور السنابل
بل حدود الشفته هاجر كايد ابيده المناجل