ابراج اليوم الاحد 01 مارس 2020 منيب الشيخ
كل ما نقدمه للتسلية والترفيه، فلا يعلم الغيب الا الله وتبقى مجرد توقعات والله أعلم
القمر بكرا اخر السهرة بينتقل للجوزاء ♊
توقعات برج الحمل اليوم الاحد 01 مارس 2020 منيب الشيخ
الحمل ♈
عندك التزامات مالية وقصص ضمن البيت ..
حاول هاليوم تتصرف بهدوء وتحل امورك المالية وكمان مع احد الاخوة ممكن تحس انو في مشكلة بدها حل وانت بحاجة لتعيد حساباتك وهالشي بدو ترتيب حتى ماتضيق حالتك والمسا علاقات افضل ..
♡ عاطفيا : انتظر اجواء حلوة عاطفيا عندك بالسهرة بس اهم شي ماتتسرع وخاصة انك عم تحس بملل ..
توقعات برج الثور اليوم الاحد 01 مارس 2020 منيب الشيخ
الثور ♉
عم تحظى باهتمام الكل وتطور من علاقاتك ..
بتحس بانك هاليوم عم تقدر تجمع كتير ناس على محبتك وعم يكونوا معك بكل شي وعندك الكاريزما والقدرة على تكوين العلاقات بسهولة والمسا فرصة لتعيد حساباتك المالية ولازم كمان تنتبه لمصروفك ..
♡ عاطفيا : بعدك عم تحل مشاكل عاطفية واطمن عندك حضور والناس عم تنظر الك نظرات اعجاب فحاول تستغل هالشي ..
توقعات برج الجوزاء اليوم الاحد 01 مارس 2020 منيب الشيخ
الجوزاء ♊
مو مرتاح بعدك لكن اخر السهرة بتفرج عليك ..
بعض الامور بعدك عم تعاني منها بالشغل وبعلاقاتك وبتحس انك مو كتير تمام وعم تمرق بظروف فيها شوية مشاكل وفي انزعاج من كل الناس يلي حوليك واخر السهرة بيتحسن وضعك وبتسمع اخبار حلوة ..
♡ عاطفيا : هدي بنهارك ولاتتسرع بشي عاطفي او تحسم امورك وكون رايق والمسا أفضل ..
توقعات برج السرطان اليوم الاحد 01 مارس 2020 منيب الشيخ
السرطان ♋
عندك لقاءات وناس وانتبه المسا ..
بتقدر بهاليوم تنجح وتكون عم تشوف اكتر من شخص وتنعزم كمان والاوضاع الاجتماعية بافضل حالاتها ووفيك تطلب مساعدة اذا احتجت وتكون بوضع جيد نسبيا وبالسهرة حاول تنتبه من مشاكل بالعلاقات ..
♡ عاطفيا : انت قدام خيارات جديدة بعلاقتك العاطفية وفي فرصة عندك لتحول صداقة لحب ..
توقعات برج الاسد اليوم الاحد 01 مارس 2020 منيب الشيخ
الأسد ♌
مو كل شي عم يريحك وعندك اجواء حلوة المسا ..
الامور عم تتغير شوي شوي على صعيد الشغل والعلاقات وانا بشوفك قدام فرصة مهمة لتثبت حالك بهاليوم وفي امكانية لشهرة ولازم تكون جاهز وقد التحدي أما المسا في عندك لقاءات حلوة اجتماعية وعزيمة ..
♡ عاطفيا : بدي منم تستوعب الشريك وهدي وروق لأن وضعك العاطفي منيح بس حاول ماتصعد خلاف مع الشريك بهاليوم ..
توقعات برج العذراء اليوم الاحد 01 مارس 2020 منيب الشيخ
العذراء ♍
اجواء ايجابية وفرص شغل وهدي المسا ..
من الايام يلي بتدعم خياراتك الجديدة ورغبتك بالتغيير وكمان العلاقات عم تكون كتير افضل بنهارك وكمان نجاح ناطرك فلا تتردد والحظ بيدعمك والمسا عندك قصص بالشغل وتغييرات ولقاءات مهمة فانتبه ..
♡ عاطفيا : بدي منك تتصرف صح وتستغل نهارك واطمن حضورك مميز وتطور ايجابي بعاطفتك ..
توقعات برج الميزان اليوم الاحد 01 مارس 2020 منيب الشيخ
الميزان ♎
عندك يوم افضل صحيا وبالشغل وحتى ماليا ..
عم تبلش صحتك تتحسن بهاد اليوم وممكن ترتاح بعد كم يوم صعبين مرقو عليك واطمن في حلول لمشاكلك بالشغل ومال فخلي عندك تفاؤل وبترتاح نسبيا بنهارك والمسا بتسمع اخبار حلوة وبتحل مشاكلك ..
♡ عاطفيا : عندك اخبار حلوة على صعيد العاطفة ضمن نهارك يلي بيحملك امكانية علاقة جديدة ..
توقعات برج العقرب اليوم الاحد 01 مارس 2020 منيب الشيخ
العقرب ♏
يوم بيتحسن بنهايتو لكن لاتكبر الامور بالنهار ..
يبدو في بعض القصص عندك يلي بتزعجك بتعاملك مع البعض بالنهار وخاصة بكذب الناس وكمان عندك فرص لشراكات جديدة ممكن تدعمك على الصعيد المهني والمسا حلول ومال عم تحصل عليه من شراكة ..
♡ عاطفيا : حاول تعرف تتعامل هاليوم حتى ماتخسر الشريك ولازم يستوعبك لتكمل العلاقة بشكل جيد ..
توقعات برج القوس اليوم الاحد 01 مارس 2020 منيب الشيخ
القوس ♐
بعدك مو مرتاح كتير وعندك شراكات وشغل ..
بمن الايام يلي بتحتاج منك اول شي لتنظيم حتى تشتغل المهم وتترك الامور الثانوية لبعدين مشان تلحق ترتاح وتنتبه لصحتك ولعيلتك بهاليوم والمسا لشراكات جديدة ومواجهات انتبه منها وخاصة بالبيت ..
♡ عاطفيا : عاطفيا فترة داعمة لكن يوم في تعب عندك وانتبهو كتير للقوس هاليوم لان ممكن ينفعل بسهولة ..
توقعات برج الجدي اليوم الاحد 01 مارس 2020 منيب الشيخ
الجدي ♑
انت افضل بالعاطفة والحظوظ وشغل ممكن ..
عم تكون الاجواء حلوة بما يخص يوم ممكن تنبسط فيه وتعيش اجواء حلوة مع ناس بتحبن وحتى عيلتك بتتقرب منها وبكون في حظ وكمان قصة طفل والمسا انتبهلي لصحتك ورتب امورك وجهز حالك لشغل ..
♡ عاطفيا : يومك مميز بشكل كبير على صعيد العاطفة والاجواء الحلوة يلي ممكن تعيشها ..
توقعات برج الدلو اليوم الاحد 01 مارس 2020 منيب الشيخ
الدلو ♒
انتبه بنهارك ضمن البيت وانتظر سهرة حلوة ..
بالرغم من كتير من القصص يلي عم تزعجك مع المقربين منك بالشغل وحتى بالبيت ولازم ماتهتم وتهدي وخاصة انو في خذلان بالبعض وبحاجة لانتباه وكمان وضع البيت بهالفترة والمسا تحسن كبير بالحظ ..
♡ عاطفيا : اطمن عندك خبر عاطفي بفرحك اخر السهرة بس بنهارك عم يكون في شوية كركبة بعلاقتك ..
توقعات برج الحوت اليوم الاحد 01 مارس 2020 منيب الشيخ
الحوت ♓
الاجواء ايجابية ونهار جيد والمسا انتبه عائليا ..
الوضع عندك عم يشهد علاقات اوسع ومعارف جديدة واتصالات حلوة وناس عم تدعمك وحركة فيها اجواء ايجابية وقادر تخلص كتير امور بهاليوم اذا بدك وفيك تسافر والمسا هدي مع اهل بيتك وعيلتك ..
♡ عاطفيا : عندك ناس كتير وممكن تحول علاقة عابرة لحب بهالفترة والاتصالات حلوة ..
رد مع اقتباس
المشاركة الأصلية كتبت بواسطة Secluded
