هنا

[فقار الكرخي]

كل يوم اگولن باچر تهون
باچر تنام براحه العيون
گضيت السنين تهون بتهون

گضيت الليالي إحساب بإحساب
ساعه نفك دمعنه وساعه بالباب
ماندري عليمن نكتب إعتاب

إعتاب اليموت بخور وشموع
وحرورة الميت فوگ الدموع
كون اليصيح صوته مسموع

مسموع حس النامو بخير
شجره ويغازل شوگها الطير
چا يمته اگولن عايش إبخير

إبخير ارد امنيتي مره
ولا گبل الجواب تفور حسره
صفيت إعله الجذوع اوهام ذكره

ذكره وما امر كل يوم ع البال
ولا واحد يحبني وغير الحال
بالليل اصير تگول تمثال

تمثال النظر بالليل يصبَح
ودخان الرسايل بيه يجرح
چا هذا الاناء شوكت ينضح

ينضح الشوگ الغافي بالعين
واغيب، واسمع، المشتاگ، والوين
مو مثلي حته المنطلب دين







عبدالله العبدلي

[انثى مخمليةة]

عاشت ايدك

[سمراء من قوم عيسى]

مسموع حس النامو بخير
شجره ويغازل شوگها الطير
چا يمته اگولن عايش إبخير


عاشت ايدك