هنا

[فقار الكرخي]

مرات الگلب من الوجه ينشاف
وتبين أسراره وينفضح كله
يمك وعرفت معنى اليموت يعيش
من يبعد سنين ويلتقي بخله
تظل چنك وقف ما تنشري وتنباع
عندك سالفه بس تستحي تگله
چا هو اليغص بالزاد الا يگوول!
أبو نفس العزيزه المستحى تگتله
خليني انحني منجل بچف فلاح
تكسر خاطره لمن تجي تعدله
اگو من ينسحب يخسر حرب وجنود
واگو مثل العلم من ينسحب يعله
مو گلهه صدگ واليلمع اتحاشاه
تعرفهه ام گهوه من صاخامهه الدله
تعال اني رجت جيب السلال وحوش
العفو؛ قصدي أخذ شيبي وخيط البدله
بلگت ترهم وما رهمت وانساك
وحگ رمشك الطوخ الما أخذ كحله
انه شايل خلگ نهر الفرات وياك
الضم ملوحته لحدما وصل دجله
گاال اني كبرت ماسامع يگولون
العشگ تالي العمر عند العرب فشله
گتله الگالك ضايك سواد الليل؟!
هم دور بروحه ومالگه العله؟!
تعال الولف من يكبر عزيز يصير
غصبًا ع الليالي الغيرت شكله
نكبر بالعمر بس بالعشگ صبيان
شما يكثر الشيب بگذلتك تحله
نظراتي قليله وحسن وجهه هواي
وفزعت العرب خاطر تشوف وياي
گالولي رفيچك چنه روجه مااي
اختنگ من الماي كل ما شربته
خاف من اموت تصير ذمه برگبته!






م

[يحيى السعدون]

رائع

عاشت الايادي