ابراج اليوم الخميس 27 فبراير 2020 منيب الشيخ
كل ما نقدمه للتسلية والترفيه، فلا يعلم الغيب الا الله وتبقى مجرد توقعات والله أعلم
القمر مستمر بكرا كمان بالحمل ♈
توقعات برج الحمل اليوم الخميس 27 فبراير 2020 منيب الشيخ
الحمل ♈
عم تفكر بقصص قديمة وبدك تعيد ترتيب كل شي ..
عندك كتير افكار براسك وبدك تخلص من كتير امور كانت شاغلتك وتحط حد لبعض الناس ويمكن تغير وضعك وفيك تلاقي حلول وترجع الثقة مع محيطك و حتى عندك عائليا امور مؤقتة لاتخاف بتنحل ..
عاطفيا .. الحب عم يكون داعم الك بالفترة الصعبة وحتى جاذبيتك عم ترتفع فاستغل هالشي ..
توقعات برج الثور اليوم الخميس 27 فبراير 2020 منيب الشيخ
الثور ♉
روق هاليوم وحاول تبعد عن المشاكل ..
يبدو انو في كتير اشخاص سلبيين عم يكونوا ضدك بهاليوم حاول تروق وماتعطي اهمية لكلام حدا وفكر صح كيف تصل للشي يلي بدك ياه وبدون مشاكل وكمان بدي منك بس تصبر وخليك مرن بالتعامل ..
عاطفيا .. يبدو مو مرتاح والشريك ماعم يقدر مشاعرك وتعبان منو وممكن هالشي يزيد الامور تعقيد بس بتنحل اطمن ..
توقعات برج الجوزاء اليوم الخميس 27 فبراير 2020 منيب الشيخ
الجوزاء ♊
عندك اخبار حلوة وعلاقات جيدة وناس ..
عم تشوف رفيق غالي عليك وعندك موعد مغ شخص مهم فاستغل هي الظروف لتحسن الاجواء الاجتماعية عندك ويوم جيد بالمجمل بساعدك كتير فاطلب مساعدة وحاول تستفيد من رفقاتك وبتنعزم كمان ممكن ..
عاطفيا .. انت بوضع جيد نسبيا وعلاقاتك كتير ولازم تستقر على شخص عاطفيا ولاتزعل على حدا ..
توقعات برج السرطان اليوم الخميس 27 فبراير 2020 منيب الشيخ
السرطان ♋
يوم مميز لتستغلو بشغل وعلاقات ونجاح ..
يعتبر من الايام المهمة ويلي فيها كتير علاقات ممكن تدعمك وحتى عم تنجح باختبار وتحسن من حالتك المهنية والعائلية ويعتبر من الايام يلي عم تحدد فيها موضوع او قصة مهمة بحياتك مشان هيك لازم تنتبه ..
عاطفيا .. خليك ذكي باختياراتك وكون قريب من الشريك وحاول تحصل على فرصتك هالفترة ..
توقعات برج الاسد اليوم الخميس 27 فبراير 2020 منيب الشيخ
الأسد ♌
اجواء حلوة وارتياح واخبار بتفرحك ..
يبدو انك مرقت بظروف صعبة قبل لكن يوم لتعوض وتسمع اخبار مهنية وتحسن من وضعك المالي كمان ومن الايام الايجابية والمساعدة الك لتطلع من تعبك وفرصة لتتعرف على ناس جديدة وتبدا شي جديد ..
عاطفيا .. انت قدام خيارات اكبر بعلاقاتك لكن انتبه من العلاقات السطحية وفكر باستقرارك ..
توقعات برج العذراء اليوم الخميس 27 فبراير 2020 منيب الشيخ
العذراء ♍
عم تتوتر من قصة وعندك مال وشغل ..
الوضع بهاليوم بيشهد قصص بتخص علاقات واوضاع مهنية بتشغلك ولازم ماتتوتر ولا تزيد القلق وتفكر كيف تحصل على مال وتحل امورك العالقة لكن خليك منتبه لمصروفك حتى مايزيد اكتر وفكر بتغيير ..
عاطفيا .. انت افضل عاطفيا بهاليوم وعم تفكر بلقاء رومنسي واحداث عاطفية ناطرتك ..
توقعات برج الميزان اليوم الخميس 27 فبراير 2020 منيب الشيخ
الميزان ♎
ضغط بالشغل والبيت وانتبه صحيا ..
عم تعاني من كتير ضغط عليك بهاليوم وخاصة انو ماحدا عم يقدر ويفهمك وعندك كتير قصص ولازم تحاول تهدي مع عيلتك وساير لان رح تخسر مواجهتك مع اي شخص وفكر بعقد شراكة وشغل جديد ..
عاطفيا .. ماعم تعرف سبب المشاكل يلي عم تطلع فجأة مع الشريك لكن هدي لتنحل ..
توقعات برج العقرب اليوم الخميس 27 فبراير 2020 منيب الشيخ
العقرب ♏
عندك حظ لتبلش بشغل لكن رتب امورك ..
من الايام يلي فيها كتير قصص لازم تخلصها وغالبا في فرصة شغل جديدة ناطرتك ومسؤولياتك عم تزيد وحتى الشغل بيتراكم فجأة عليك وبتزيد الالتزامات بالبيت فحاول تنهي الضروري وراعي وضعك الصحي..
عاطفيا .. العاطفة بفترة جيدة لكن يوم في تعب عندك ولازم تعرف تتصرف صح لتلاقي حبك ..
توقعات برج القوس اليوم الخميس 27 فبراير 2020 منيب الشيخ
القوس ♐
انتبه لعيلتك وخاصة المقربين وفي حلول عندك ..
عندك قصص ايجابية عم تكون وخاصة اذا بدك فرص لتغييرات ايجابية ومكان شغل جديد او حتى قصة بتخص طفل وويمكن وضعك بدو رواق منك واستغل الاجواء الحلوة يلي ممكن تعيشها مع بهاليوم ..
عاطفيا .. بدي منك تعرف تتصرف وحس علاقاتك واذا مرتبط فيوم ايجابي الك واذا اعذب فرصة لتلاقي حب جديد ..
توقعات برج الجدي اليوم الخميس 27 فبراير 2020 منيب الشيخ
الجدي ♑
ماعم تكون راضي مالية وعندك قصة بالبيت ..
يبدو في امور شاغلتك على صعيد وضعك المالي وامورك بالبيت ولازم تلاقي حلول وتكون حكيم بتعاملك مع الاهل وتنتبه لصحتن وعم تكون مدايق نسبيا وانت بالك مشغول بقصص البيت وهالشي بخليك متوتر ..
عاطفيا .. بدي منك تروق وتهدي هاليوم لان يمكن الحب عندك الو علاقة بمشكلة مع الاهل بس انتبه وخليك بعيد عن المشاكل ..
توقعات برج الدلو اليوم الخميس 27 فبراير 2020 منيب الشيخ
الدلو ♒
استغل علاقاتك ويومك جيد وفي تغيير ..
عم تفكر بكتير قصص وموبايلك ماعم يهدى وكمان عم تفكر تبيع او تشتري سيارة او موبايل وفي مال عم تحصل عليه وحتى عندك سفر واخبار حلوة وتحسن بعلاقتك مع اخ ولقاءات جديدة وناس كمان ..
عاطفيا .. العاطفة عندك بوضع جيد ويمكن تجيك هدية ويوم مميز اذا بدك تستغلو بلقاء ..
توقعات برج الحوت اليوم الخميس 27 فبراير 2020 منيب الشيخ
الحوت ♓
عندك التزامات مالية وبدايات جديدة ..
فترة عم تكون جيدة عندك لتعمل بدايات جديدة وعم يكون عندك مشروع شغل لكن في التزامات مالية ناطرتك وحاول ترتب حساباتك وتنتبه لصرفك الزايد وعندك قبض مبلغ هاليوم اذا عرفت تتصرف ..
عاطفيا .. انت بوضع متقلب ويمكن مو عبعضك والامور العاطفية ماعم تكمل معك لكن انتظر ولا تتسرع وكمان في هدية ممكن تجيك
رد مع اقتباس
