هاي شنو طلعتي مواليد 93 ؟ واني عبالي مواليد 85 أو هيج شي، خوش لعد ما طول أصغر منّي إلّا أستغل فرق العمر وأخبث عليج منّا للصبح بسيطةالمشاركة الأصلية كتبت بواسطة نـايـا
هاي شنو طلعتي مواليد 93 ؟ واني عبالي مواليد 85 أو هيج شي، خوش لعد ما طول أصغر منّي إلّا أستغل فرق العمر وأخبث عليج منّا للصبح بسيطة
خلي نسأل كم سؤال خبيث :
1 ليش بطلتي من الدراسة بس لا مو شاطرة؟
2 باب بيتكم يا لون؟
3 كلتي متحبين الطبخ هواية، بس لا مخلصتها تمن أحمر بالغداء وبيض مسلوك بالعشاء لو فلافل أو جيب أكل من برة ومطيرة فلوس الرجّال ؟
4 منين لكيتي اسم العضوية (نايا) ؟ الظاهر تتابعين مسلسل وادي الذئاب مو؟
5 شكد معدل استهلاك الوقود أأأ قصدي كم مرة تشربين شاي باليوم وبيش كوب لو استكان؟
6 تخافين من الصراصير والخنافس - مثل زميلتنا بالعمل- لو شجاعة تنقضّين عليهم وتقتليهم بكل قوة وعزيمة وإصرار ؟ -هذا طلع ذيب مو صرصور هههههه- ؟
7 اذا كعدتي من النوم ولكيتي وزنج صاير 586 كيلو غرام شتسوين؟
8 اعترفي كم مرة كتلتج المعلمة بالابتدائية ؟
9 هم فد يوم واكفة قصاص وليش ؟
10 مخبثة فد يوم عالجيران -مثلاً داكة الجرس وشاردة- لو ما مسوية هيج شغلات؟ ترة شايف بنات وياية جانن يدكن الجرس ويشردن
شنو رأيج بالأسئلة خبيثة مو ؟
نايتياخ قلبم سليفيروم
م̷ـــِْنورة التحرير خالة
هاي شنو الظاهر فضولي بـ الاسئلة ازعج بعض الزملاء ^__^ اني كلش اعتذر منكم و ان شاء الله احاول اقلل فضولي لأجلكم ^__^
ع طاري الفضول
١ _ اذا سويتي عزيمة للاعضاء و بيتج ما يكفي غير لـ ١٠ اصدقاء ، منو راح تعزمين ؟ (تخيلي تخيلي لان ادري بالواقع لو تموتين ما تسويلنه استكان چاي)
٢ _ شوكت تصيرين عصبية و انتِ بكل وقت بالمنتدى تضحكين و تحششين ؟ تره هذا برود الاعصاب يزعج البعض او بعتبار البعض صارت كلمة ما محببة من وره حيدر العبادي خلي نگول يزعجني الي ^__*
٣ _ هذا السؤال يحتاجله صفنة منچ ، في حال چنتي بمكان سامر و المُنتدى مُلك الچ ، و اكو اشخاص يزعجوج و يزعجون غيرج ، شنو حيكون رد فعلچ اتجاههم ؟ ترحين لخيار الحظر لو تعتقدين التجاهل يجيب نتيجة لو شنو حتسوين بالضبط ؟ ^__^
٤ _ شنو الفرق بين ما احبج و احقد عليج ؟ تگدرين تنطيني امثله من واقع الدرر حتى افتهم جوابج ؟
٥ _ بصراحة نايا ، تعتقدين وجودج بهذا الموضوع وبهاي الفترة خلاج تنفسين عن نفسچ شوي و حسيتي انه هذا منبر حتى تدافعين بي عن نفسج ما اقصد عن مشكلة مُعينة بس اقصد بشكل عام ؟
٦ _ منو من المراقبين حالياً تعتقدين بي انه مؤهل يكون نائب و اذا ماكو فـ مابيها اي احراج هذه وجهة نظرج ، و منو من المشرفين تعتقدين مؤهل يكون مراقب ؟
٧ _ شنو رد فعلج من تشوفين واحد يزحفلج بس المشكلة هو مؤدب وما غلط بكلمة وحدة او تجاوز حده ؟ هع
٨ _ ثنائي بالدرر كلش تحبين الصداقة القوية بيناتهم ؟
٩ _ شنو چان حلمچ من چنتي صغيرة و من كبرتي شفتي چان مستحيل يتحقق او اصلاً نسيتيه بمرور الوقت ؟
١٠ _ اكثر سؤال محرج طرحته اني و ما جاوبتي عليه بصدق حتى لا تزعلين احد ؟
من خلال مفهوم علم النفسكلشي تمام
وحياك الله..اسئلة للطيفة
الصراحة- الهدف العام- الهزل والجد- القياسات واللون- متابعة برامج معينة- الخطوط الحمر- الرأي في المتحدث،
نستطيع فهم الشخصية ان كانت الاجابات صادقة بدون مجاملة.
شكرا للتواصل.
مو مسألة فشل الاتجاه الاسلاميبعدها آثار الانزعاج من نتيجة المباراة مستمرة
١ _ شنو رأيج بنوعية الرجال الي يغارون من النساء اذا شافوها بمكان احسن منهم ؟ او خلي نگول شنو السبب الحقيقي الي يخلي الرجل يشعر بالغيرة و اذا شعر بالغيرة تعتقدين تنطبق عليه موصفات الرجولة لو تحول الى عجوزة كيادة ؟ ^__^
المعروف دائما الغيرة بين النساء لكن لاحظت بالعالم الافتراضي العكس ..الرجل يغار من تقدم الامرأة ونجاحها دائما يحاول يذكرها برفض المجتمع لها
السبب الي يخلي يغار منها ؟
المجتمع رسم المرأة على أنها كائن ضعيف مهزوم دائما تحت رحمة الرجل فنشأت عنده فكرة كيف المرأة تكون افضل مني هنا راح تكون الغيرة غير هادفة ,بعض الغيرة بناءة مثلا من اشوف شخص ناحج احاول اكون مثلة او أفضل منه .. عكس غيرة الحسد تنكد الحياة وتجردك من نفسك ويصير كل همك فلان كيف تصرف وكيف وصل لهذا المستوى ووووو
٢ _ يُقال ان عضوية عاشق ساندرا تابعة لـ نايا كي تخلق الفوضى ، ليش هيچ شعبوثية وتحبين تخلقين الفتن بين القلوب الصافية بالدرر ؟ صدك ع طاري القلوب الصافية ، هو صدگ قلوب الدرر كلها صافية ؟ ^__*
هههههههه مكرود يا عاشق ساندرا
لو قبل 8 سنوات كنت كتلك هذي التهمة مقبولة اما الآن ما عندي هذي الطاقة للحوار نهائيا
أأمممممممممممممممم لا ماكو كل القلوب صافية ..المنتدى عبارة عن مجتمع مصغر فنشوف كل شي حب وكره
٣ _ يصير اعزمج ع كوب شاي و نجي نگعد اني وياج بين المتفرجين و نباوع ع الستيج راح نشوف موضوع مشاكل الدرر الى اين ، شنو رأيج كـ متفرجة مثلي بلي صار ؟ عوفج من كونج ادارية ، اني شفت بصراحة ماصارت تقديم حلول و انما بس تصفية حسابات شخصية و اكو ناس خارج الادارة بس يردون يرجعون و الادارة الحالية ماتقبل تنطيهم فرصة ، ما تشوفين انه قد يكون محتاجين فرصة حقيقية وممكن ينجحون ؟ ^__^
أممممم حقيقة هذا المشهد فعلا يحتاج كوب شاي
بالبداية اني خيالي مو واسع حتى لاتكول نايا تتهرب من الاسئلة
بعض الردود كانت نقد حلو مثل التشدد الي موجود على بعض المواضيع المستمرة خصوصا وجود مواقع التواصل وحرية التعبير فمن يجون هنا يشوفون اكو تقيد او يكتب ويصير تفاعل و تجي نايا تحذف ببساطة اكيد راح يصير عنده نفور ويلجأ لمواقع اكثر حرية ..فأشوف هذا المشهد بناء
ماراح اسميها تصفية حسابات ... خلي نكول سوء تفاهم بين الكادر ومن المؤسف ما عدنه اسلوب التعامل المهني ..يعني اني من اترك الادارة مو حلو ابين مساوئ زملائي امام الجميع ..بما اني ماكدرت اغير شيء فما اتوقف على اخطاء الاخرين واذا كان هدف الاصلاح تكدر تتواصل مع المعنيين بشكل خاص (كافي رامي تسبب مشاكل)
من الصعب عودة أشخاص على خلاف مع الادريين ..راح يضر بمصلاحة المنتدى لان الكادر الاداري أذا ماكو توافق بين الجميع مراح نقدم شيء جيد للمنتدى .
٤ _ قرار سوزانا بـ الاكتفاء بالكادر النسوي لأدارة المنتدى ، شنو سببه ؟ شنو قابل محجبات وما تردين يدخل عليچن زلمة و تتقيدن بحجابچن ؟ لو نسوية مُبالغ بيها ، لو ما لاگين رجل حقيقي يتحمل اعباء هذه المسؤولية ، لو بس هيچ مجرد تسلط لان مفيش حكومة وانتوا الحكومة ^__^ (حبابه قنعي سوزانا خل تسويني وياكم حتى اصير حجي متولي) ^__*
ههههههههه هذا السؤال المفروض سوزان تجاوبك
لامو تسلط ولا أحتكار ..وماعتقد سوزان عدها مشكلة ولا باقي النائبات ..مجرد حاليا ماكو شخص مرشح ربما مستقبلا
أحاول أقنع سوزان تخليك على قسم المكرر يمتولي
٥ _ صار موقف وياج بالدرر خلاچً تبچين ؟ مو شرط وياچ يعني حتى لو قريتي شيء ما يخصچ بس هم بچاچ ؟
غير وفاة الاعضاء لا
٦ _ تگدرين تنطيني اسم عضو يستخدم اسلوب التلميح و التبسمر بكثرة و هذا شيء يزعجكم كـ ادارة ؟
ايام الحلوات سورين جنات كات ..طبعا مشتاقين لمشاكساتهن.
٧ _ اذا اجاج ابلاغ على عضو هو صديق الچ و انتِ تعرفين الابلاغ كيدي لان صاحب الابلاغ ع خلاف شخصي ، هنا شنو رايح يكون موقفج و شنو تسوين ؟
مو كل البلاغات نتخذ أجراء بيها حسب الحالة أحيانا تحتاج معالجة فقط..
٨ _ اكو مثل قديم يگول من عاشر قوم اربعين يوم صادق بتهم ، شنو رأيج بـ الاتجاه المدني الي متخذه الدرر حالياً هع
هع
من المؤيدين للمدنية
٩ _ متشوفين انه توجه الدُرر حاليا لهذا المنهج هو لانه تم اثبات ان الاتجاه الاسلامي فاشل بعتبار اكو ادارة سابقة اتخذت هل توجه و ما حققت اي نجاح ؟
أنما المنتدى هو غير أسلامي فما من المعقول يتقيد بضوابط أسلامية ويملك أقسام للديانات الاخرى
هاي شنو طلعتي مواليد 93 ؟ واني عبالي مواليد 85 أو هيج شي، خوش لعد ما طول أصغر منّي إلّا أستغل فرق العمر وأخبث عليج منّا للصبح بسيطة
خبث براحتك
ههههه حلوات أحسن من أسئلة راميخلي نسأل كم سؤال خبيث :
1 ليش بطلتي من الدراسة بس لا مو شاطرة؟
ههههههههه والله ظروف خاصة ما أحب أذكرها أبدا
2 باب بيتكم يا لون؟
بصلي
3 كلتي متحبين الطبخ هواية، بس لا مخلصتها تمن أحمر بالغداء وبيض مسلوك بالعشاء لو فلافل أو جيب أكل من برة ومطيرة فلوس الرجّال ؟
لا أطبخ كل شي عادي حتى أكلي طيب
4 منين لكيتي اسم العضوية (نايا) ؟ الظاهر تتابعين مسلسل وادي الذئاب مو؟
كان عاجبني أسم ناي بس ذكر ..فصرت نايا وحقيقة ما كنت أعرف أكو هيج اسم ههههه
لا ما متابعة وادي الذئاب
5 شكد معدل استهلاك الوقود أأأ قصدي كم مرة تشربين شاي باليوم وبيش كوب لو استكان؟
يوووووو هواي على وجبة الريوك من 2كوب الى3
والغداء 1 والعشاء أحيانا 1و2 بس
6 تخافين من الصراصير والخنافس - مثل زميلتنا بالعمل- لو شجاعة تنقضّين عليهم وتقتليهم بكل قوة وعزيمة وإصرار ؟ -هذا طلع ذيب مو صرصور هههههه- ؟
هههههههههه رعب البنات
اي أخاف بس عادي أكتلهن
7 اذا كعدتي من النوم ولكيتي وزنج صاير 586 كيلو غرام شتسوين؟
لا عفية أموت قهر والله
8 اعترفي كم مرة كتلتج المعلمة بالابتدائية ؟
مرة مع الجميع بسبب الهوسة ههههه
9 هم فد يوم واكفة قصاص وليش ؟
مرة حجيت مع صديقتي بالدرس ههههه
10 مخبثة فد يوم عالجيران -مثلاً داكة الجرس وشاردة- لو ما مسوية هيج شغلات؟ ترة شايف بنات وياية جانن يدكن الجرس ويشردن
اي هواي الله يسامحني ..دار الزمن والجهال يدكون الجرس وينهزمون هسه هههههههه
شنو رأيج بالأسئلة خبيثة مو ؟
قلب قلبي نورتينايتي
ياويلي من التحقيق مو التحرير هههههم̷ـــِْنورة التحرير خالة
حبيبتي نورتي
احم احم
بأعتبارج تغلسين عن الاشياء الخاصة
خل اسئل عن اشياء عامه
1 . ليش الله يكول كيدهن عظيم عليجن ؟
ومن نجي مثلا عليج نلكاج حبابة وطيوبة وماكو منج
معقولة جاي تمثلين علينه
لو الاية الكريمه بيها اشكال .
2 . هسه اذا اعيش حياتج
اعيش مرتاح لو شابع قهر
3 . اذا اجة هسه اجلج ومتي
حسب رأيج بالمسويته بحياتج
الله وين يذبج بالجنه لو بالنار
4 . شنو مشكلة النسوان
من تريد تحط كحلة تفتح حلكها
وين الربط
5 . قدمي نصيحة للبنات الما متزوجات
بأعتبارج صاحبة تجربة
6 . تعالي خلي هاي الاسماء بالترتيب
من الاكثر معزة الى الاقل
امج
زوجج
الله
عمتج
الوطن
ابوج
اعرف كلهم عزاز عدى عمتجبس سفطيهم
7 . تكدرين تذبحين دجاجة
8 . لو حياتج كتاب
شنو ممكن يكون عنوانها
9 . شي سويتي ولساعج نادمه عليه
10 . كل الاعضاء يكولون عليج بخيلة بالتقييم .
معقولة يجذبون ؟
هسة قابل راح تخسرين شي من تقيمين
لو راح يتغير لونج
المن ضامتهن للعيد ؟
حتى بالعيد هم متنطين تقييم
الله يساعد المجدي اليدك بابكم
واكتفي بهذا القدر
واشكر الطيبة فريال
حسب ما كال رامي اسم نايا هو فريال
