المشاركة الأصلية كتبت بواسطة انسان ثاني
مع السلام عليكم
الله وياك هع
ندخل بالموضوع مباشرة ^___^
١ _ ليش متحبين تگولين اسمج بـ اجابات ؟ قابل اسم (دلال) بي شي مو حلو ؟ واذا متحبين نگوله فـ ع راحتج ^__^
مادري بس ما احب اكولة .. مابي شي حلو دلال
٢ _ بصراحة شنو رأيج بـ اعمال السحر و الشعوذة ؟ وليش يگولون نايا تستخدمهم ؟
هاي الاشاعات منك انت الي علمتني
ما احب واخاف من هذي السوالف كلش ..تصدك البارحة بال٢ بالليل كعدت صليت ركعتين لأن حلمت اكو جني بالغرفة
٣ _ لا هذا ترك
٤ _ قابل ٣ احسن منه ؟ لعد هم ترك
عاشو هههه
٥ _ شنو اكثر مكان تتردديله خارج بيتكم ؟
كلش احب مدينة الالعاب وهذي الالعاب الخطرة الي تحبس الانفاس
٦ _ شنو الفرق بين مدينتج الحالية و مدينتج السابقة من حيث الايجابيات و السلبيات
بغداد حلوه بكل شي
كربلاء مقيدين اجتماعيا بعض الشي ..اما الخدمات فكل شي متوفر بمنطقتي
٧ _ اكله زوجج يحبها من ايدج و دائماً يطلبها منچ ؟
زوجي يحب كل شي بي للحم من ايد اي احد عادي
بس يتمنى اعرف اسوي الباجة
٨ _ شنو رأي زوجج بالدرر ؟ و شعجب ما صار عنده فضول ان يسجل ويشوف الاجواء ؟ لو انتِ مانعته لان معروف عنچ مُتسلطة جداً ^__^
طبعا اني مانعته ههههه
سبق وكتله سجل ..بس ما قبل ..هوه ماعندة وقت للمنتدى كافي
٩ _ شگد تنطين مصرف يومي لزوجج من يطلب منج حتى يطلع ويا جماعته و لحد يا ساعة سامحتله يتأخر بره البيت ؟
١٠ الف ..ويرجع الباقي
الوقت براحته مسموح اله حتى يبات برة
شوف شكد اني منطيته الحرية
١٠ _ بصراحة بصراحة هم تفتشين موبايله ؟ و اذا لگفتي رسالة من بنية ببرامج التواصل شنو راح تسوين ؟
سبق وفتشت بس هسه عقلت وتندمت حسيت فد شي تافه هذا التصرف ههههه
حسب الرسالة يعني اذا عادية ..ماعندي مشكلة حتى عندي صديقات هوه عرفني عليهن
بس اذا رسالة غرامية ..هاي بعد ما ينسكت عليها
١١ _ الزواج بس ايجابيات و سلبيات ، بعتبارج متزوجة صار فترة طويلة ، انطينه معلومات عامة من خلال تجربتج
ماكو علاقة مابيها سلبيات ..اهم شي احترام حب تفاهم تسامح وتمشي الحياة حلوة
١٢ _ سلام الله ع الثنعش المعصومين
عليهم سلام الله
١٣ _ شخبار عالم الست وهيبة (مكلاوية) ليش هيج مختفية هم عندج تواصل وياها ؟ سلميلي عليها هواي
احيانا ملتهية بحياتها والنت مو شي عدهم ..يوصل ههه
١٤ _ منو اقرب شخص الج بحياتج الواقعية غير المسكين زوجج ؟
اختي واخت زوجي
١٥ _ ممثلين تحبين تشوفين افلامهم ؟ او خلي نكول الافلام الي تحبين تشوفيها وما تملين منها ؟
مو من محبين الافلام ..بالسنة اشوف لو٢ لو ماشوف
١٦ _ شنو اخر اغنية سمعتيها وبقت معلگة ببالج و تغنيها هواي
يوجعني كَلبي بلا سبب
و شجرة
١٧ _ قبل دخول عالم الدرر ، شون چنتي مكضيه حياتج بالنت ؟ شتسوين وين تتفاعلين و شكم ساعة تتصفحين باليوم ؟
كنت مسجلة بمنتدى اخر
وكان تواجدي كلش قليل
١٨ _ اداريين سابقين تحبيهم و تعجبج طريقة ادارتهم ، اذكريهم مع ذكر الاسباب يعني ليش تحبي
احب الكل ماعندي مشكلة مع احد
١٩ _ عضو حالياً تشوفيه مميز و يستحق ان يكون نائب لو كنتي وحدج صاحبة القرار چان هسه سويتيه نائب (طبعا غيري لان اني المفروض اكون بمكان سامر)
هههه ماكو غيرك
٢٠ _ مشاكل ضايقتج بالدرر ؟
النفاق والتسقيط ..اشوف هذا الشي جدا مو حلو ..طبعا النقد شيء والتسقيط وتشويه السمعة شيء اخر
٢١ _ ليش بخيلة بالتقييمات ؟ تره اثرهم عظيم ع نفسية الاعضاء وتنطيهم حافز بالنشاط ^__* احم احم
ماعرف والله اتعاجز مرات وانسى
٢٢ _ بعتبارج رسامة ، ارسميلي خارطة الصين على ان تكون الشرقاط جزءً منها ^__^
منو كال رسامة ماعرف هههه
٢٣ _ شون چانت طفولتچ ؟ هم شعبوثية لو فقيرة و تمشين يم الحايط ؟
يكولون وكحة وما اقبل واحد يكولي على عينج حاجب
بس اني اذكر نفسي كلش حبابة ومعقدة وخجولة
٢٤ _ ليش تحبين اهل امج اكثر من اهل ابوج ^__^
معلومة خطأ :/ ما حبهم ثنينهم هههه
٢٥ _ تتوقعين اكو شخص ما يتمنالج الخير بالواقع اقصد ، و تتوقعين اكو شخص يكرهج بالدرر ؟
بالواقع اي
هم اي
بس بالواقعين ميهموني
٢٦ _ سؤال ديني ، صلاة الغبشة كم ركعة ؟
مو ٦ لو لا
صعب
٢٧ _ اجمل بنية بالدرر منو ؟ طبعاً غير فروحة لان هي استثناء يكسر القاعدة
نانسي
٢٨ _ معروف عنج ولائج المُطلق لزعيم التيار الصدري سماحة السيد الثائر مقتدى الصدر ، طيب ولائج اله اجه من ناحية شرعية لانج مُقلدة للشهيد الثاني ام انه من ناحية جهادية لانه قاتل المُحتل ؟
ما عندي ولاء الاحد ..ولا من مقلدين السيد الله يرحمة
٢٩ _ سؤال فلسفي ، شنو الفرق بين الحلفان و القسم ، يعني من تكولين و حق الله او اقسم بالله ؟ (هذا السؤال بمناسبة انج گاعدة تدرسين حوزة هل ايام و هاي مبادئ السطوح و المُقدمات)
كتبت جواب ومسحته ما حبيت اتفلسف بالدين والحوزة
٣٠ _ شنو سبب دراستج بالحوزة العلمية ؟ و الى اي مرحلة حابة توصلين ؟ عندج طموح توصلين للبحث الخارج و الاجتهاد وبالتالي تتصدين للمرجعية ؟
هذا اهم طموح بحياتي واتمنى اذا وصلت لدرجة الاجتهاد لا تنسوني بالايك والاشترك وتفعيل جرس التنبيهات
اروح اشوف استوديو التحليلي للعبة الريال
و بعدين ارجعلج بكم سؤال خفيفات
الله وياك لا ترجع حباب
تحياتي الچ شيخة دلال
