هل كان النبي يفرق بين الناس ؟
السلام عليكم
البارحة رحت البيت اخوية صارلي هواي ما شايفهم
وخل اختصر امور الغدة والى اخره
اخوية ماخذ ابنة مسجلة بدورة لحفظ القران الكريم وبعض الاحاديث جي عدهم عطلة نص السنة
المهم
اجة ابن خوية وكلي عمو انت تحب ايران ؟
كتلة شلك بهاي السوالف وانت بهذا العمر .
كال لا عمو مو لازم انبهك
على شنو
كال اكو حديث علمنياه الشيخ مال جامع
يابه شنو الحديث
يكول
ما حن اعجمي على عربي
لا ورب الكعبة قط ؟
كتلة عمو بعد لتروح يم هذا الشيخ
وعفته ورحت
رجعت للبيت ضل ابالي هذا الحديث
دكيتة بحث بكوكل وجان الكاه بالفعل موجود وبأكثر من كتاب
انو النبي كايل ..
ما حن اعجمي على عربي لا ورب الكعبة قط .
هنا تولدت عندي هواي تساؤلات .
هل من المعقول ان النبي مرسل من الله
ويفرق بين الناس ؟
زين ليش النبي حكم على العجم بهيج حكم ؟
يعني لنفرض اني ولدت ولكيت نفسي عجمي او ايراني
يعني ما الي توبة
يعني كلبي مو نظيف
يعني ما مسموحلي اصير مسلم
زين ليش ما كال
ما حن يهودي
او ما حن هندي
ليش كال عجمي
وخلة هذا الاشكال .
زين سلمان المحمدي او الفارسي
الي هو عجمي
مو يكول عليه النبي
سلمان منا اهل البيت .
زين شنو هنا يكلهم هيج
وهنا يكول هيج ؟
ولكيت حديث اخر يكول
لا فرق بين عربيا واعجميا
الا بالتقوى .
زين على يا أية قرأنية استند النبي
وطرح هذني الاحاديث الي ما بيهن ربط ؟
لو الجماعه يجيبون ويسفطون بكيفهم
ويكذبون على جهالنا ويوهموهم
وحبيت اطرح الموضوع للنقاش
حتى نوصل لرؤيا واضحة بعيدا عن التعصب
وبالتالي الفائدة تعم الجميع
جميع الردود تخضع للتقييم
ولو بعد حين
المشاركة الأصلية كتبت بواسطة **نجمة**
